رتبها

#ميكانيكيات_رمضانية 🧰
١٨ رمضان | 🌙
جيل الجموس بحقبة التسعينيات والتطور اللي حصل بعد الجيل الحديدي اللي استمر 19 سنة !
من عام 1973 إلى 1991
وبعدها دخل هذا الجيل من عام 1992-1999
السوبربان في عزه ونزل الجيل الجديد من اليوكن لأول مره "الحجم الصغير" والبليزر الباب واحد ..

كعادة الصانع الامريكي سابقا
المواصفات والخيارات حدث ولا حرج
ولا بقدر اذكرها جميعها بهذي السلسلة ..
بدأ الجيل من 1992-1995 كأول إصدار
السوبربان بجميع احجامه
-من ال2500 بدبل وبدون
-إلى ال1500 بدبل وبدون
إلى ال5 مسمار !
وهذا الجمس عباره عن كابرس مكبر .. مريح جدا جدا "اخر صورة"

ونزل ايضا الجيمي أو البليزر
وكلها بحجم ال1500
دبل وبدون دبل
من 1992 إلى 1995
ولم تتغير اساميهم ..

ما ودي ادخل بتفاصيل الونيتات لأنها بحر
لكن وجب اذكر الشيفرولية ال( 454 SS )
نزل من عام 1990-1993 بنسخ محدوده بمحرك ال454 .

البيج وهو الأجمل بالنسبة لي

وباقي الألوان من الرصاصي والأحمر والأزرق

المحركات:
454 | 7.4لتر
نزل على السوبربان ال2500 فقط
350 | 5.7لتر
نزل على السوبربان والبليزر
305 | 5.0لتر نزل على ال5 مسمار
ولكن بشكل قليل على البليزر وال1500
وكل هذي نزلت بنظام حقن الTBI او ما يسمى بالحلابات

الحلابات نظام استخدمته GM من عام 1988
اللي حصل تم استبدال الكاربريتر اللي كان به الكثير من المشاكل
بحلاب عباره عن بخاخين كبار
الTBI نظام عملي ذكي شوي شغال على كمبيوتر وقليل الاعطال يشتغل مباشره بدون تحضير للي يذكر الكربريتر ومشاكله
ويصرف صرفية اقل وشغال على طرمبة بنزين كهرب

والحلاب هذا اخرج لنا افضل صوت سيارة إنتاجية بالتاريخ .. استمتع ♥️
وبالمناسبة هذا الصوت فقط تمتع به المسلمين اللي بالشرق الأوسط
الخليج والعراق وسوريا .. ألخ
الدبة ونظام العادم هذا منع بأمريكا بسبب دبات البيئة اللي ألزمت به الشركات ..

عام 1995 كان عام استثنائي
نزل بنفس محركات 1992-1994
لكن بتغييرات خفيفه خارجية "الشبك"
وتغيير كامل داخلي
وبالنسبة لي اشوف داخلية الجيل هذا 1995-1999 فقدت التصميم الكلاسيكي الجميل

وهذا تصميم الداخلية واستمر إلى 1999

عام 1995 نزل اليوكن والتاهو لأول مره
وتم الغاء اسم الجيمي والبليزر
واصبحت الاسماء الرسمية
يوكن 4 ابواب-تاهو 4 ابواب
يوكن بابين-تاهو بابين

وعام 1996 نزل تحديث جديد ونقله نوعية بالمحركات من نظام الTBI القديم "كتقنية" إلى بخاخات بنظام الحديث الOBD1 وعام 1998 نزل بنظام الOBD2
تحت مسمى محركات Vortex
والمحركات المتوفرة فقط 454 و350
بخاخات حديثة بالثلاجة مثل السيارات الجديدة
لكن لا زال الديلكو متواجد

وللأسف الصوت الجميل اللي كان بالحلاب اختفى ..
السيارة عن الجيل السابق
اصبح اكثر اعتماديه من نحية الأعطال المتكررة
اكثر تماسك اكثر انسيابيه وراحه وعزل
واللي جرب الجيلين وانا منهم .. بيعرف بالضبط وش اقصد .