قصة طويلة لذيذة: واحدة من أعز صاحباتي الأكاونت بتاع انستاجرام بتاعها اتسرق، كلمتها لقيتها مخضوضة فنزلت روحتلها، هي ساكنة على بعد ١٠ دقايق مني يعني.. عملنا كل الحاجات بتاعة الريبورت ونبعت ميل لانستاجرام ومشينا على كل الخطوات وبعدين خلصنا كل حاجة ومابقاش باقي حاجة نعملها
١
١
واحنا قاعدين زهقانين قررت ابعت للأكاونت بتاعها على سبيل التجربة يعني نشوف اللي سارقه عايز ايه.. المهم الشخص دة طلب فلوس وعايزهم بالcrypto currency، قعدت افهمه اننا فقرا أوي وان مش معانا فلوس عادية ولا افتراضية وان صاحبتي أكل عيشها في الأكاونت دة وقعدنا نتكلم بتاع ساعتين ٢
بعد مباحثات كتير ورغي واشتغالات بالهبل منه ومفاوضات على فلوس عادية مش افتراضية، روّحت الساعة ٢ الصبح وانا كلي أمل في إنسانية الهاكر وصاحبتي حاسة اني أكيد مختلة عقليًا عشان مصدقة تمامًا اني هعرف أقنعه يرجعلها الأكاونت من غير فلوس. ٣
صحيت النهاردة الصبح صحيت الهاكر وصبحت عليه وبعد رغي كتير، الطفل النيچيري القمر أبو ١٩ سنة رجّع الأكاونت وعرض علينا ١٠٠٠ دولار على سبيل الاعتذار وبعتلها هي وبنتها السلام معايا ٤
ودلوقت انا وهو قاعدين بنتكلم في أنواع الرز النيچيري وفي مشاكله مع صاحبته وأبوها الرذل وحقيقي اللي حصل كله دليل صريح ان كله بالحنية بيفك بجد ♥️
😅♥️
الهاكر رجع الأكاونت وعرض علينا فلوس، انتصارات صغيرة ♥️
جاري تحميل الاقتراحات...