زي النهاردة من سنة بالظبط قعدت مع ابويا قولتله اني هقدم استقالتي من المصنع الاسبوع الجي و اني جاهز اقفل صفحة هندسة من حياتي. كنت عايزني ادخل هندسة و دخلت. اتخرج من هندسة و اتخرجت. اشتغل مهندس و اشتغلت. اتبسطتلك شوية حلوين قدام صحابك المهندسين دوري انا اتبسط بقي😔🍍
رفض طبعا. ونزلني قعدني مع صحابه المهندسين عشان يخلوني اتراجع. كنت رايح بنية السمع الصراحة من غير اي تنشيف دماغ لو لقيت كلامهم منطقي هتراجع عادي ما اصلي لسه قليل الخبرة مافيش مشكلة لما اشوف ناس كبيرة بتفهم اسمع عصارة تجاربهم في الحياة و اقرر بناء عليها. و نزلت مع المهندسين العظماء
قعدت اشتريت منهم كل حاجة وكان بقالي كذا سنة متعود اشتري و مابيعش. بصيتلهم كلهم بما فيهم ابويا وقررت ابيع لأول مرة منذ سنوات و قولتلهم يا جدعان انا مش عايز ابص لنفسي في المراية كمان عشرين سنة الاقي نفسي زيكم كدا. حد فيكم مبسوط؟ انبهروا بقي!! انبساط!!؟ ايه الحوار دا!!
اقنعتهم بالحجة و الامثلة بتاعتهم اللي هم جايين يستخدموها ضدي. و بيعت. وهم اشتروا. ابويا بقي ماشتراش. بس خلاص انا كنت خدت القرار. كنت بدأت منحة كدا ٣ شهور. بعد شهر الناس في المصنع كلموه انهم عايزني ارجع وهيزودولي المرتب الضعف ومش عارفين يوصلولي🤮
كنت قايلهم وانا بامضي استمارة ٦ ان مجرد خروجي برا بوابة المصنع هامسحكم من دماغي🤯 و قولتله يروح يشتغل هو بالفلوس دي هو مهندس احسن مني يعني وكان طلع معاش موارهوش شغل. تفهم الموضوع دا جدا وقعد يزاولني اسبوع ويقطمني ويكسر مقاديفي اللي اوريدي اصلا هندسة كسرتهم سيبتله البيت ومشيت
قبل ما يطردني هو😂 وسيبت اسكندرية خالص اصلا قعدنا شهرين مش بنتكلم وبعدين كلمني صالحني قعدت شهرين كمان و رجعت و الدنيا مشيت و اشتغلت الحمدلله و اشتغلت تاني و بابي لسه نفسه ابقي مهندس لما اكبر كإني عندي ٦ سنين. بيت فيه ٥ افراد كلهم مهندسين واحد قرر ينشق. مش قصة
دا تذكير لنفسي اني كنت علي حق لما مسمعتش كلام كل الناس اللي كلمتني عن تجربتها هي بدل ما تكلمني عن تجربتي انا. وان شاء الله كل سنة افكر نفسي ان التجربة الوحيدة اللي هاعرف اعيشها هي تجربتي بقراراتي باختياراتي عشان لما التجربة تفشل تفشل بسببي مش بسبب حد تاني. انا اولي من الغريب❤️
جاري تحميل الاقتراحات...