الدين
الإسلام
أدوار الجنس
حقوق المرأة
المجتمع
قضايا نسائية
التعليق الاجتماعي
تعليق ديني
النقاش الإسلامي
عاوزة اقول كلمتين عن حوار ان دار الإفتاء امبارح نزلت حديث إذا صلت المرأة خمسها وصامت شهرَها وحفِظت فرجَها وأطاعت زوجَها قيل لها ادخُلي الجنَّةَ من أيِّ أبوابِ الجنَّةِ شئتِ، والناس عملت زيطة عليه فالبوست اتمسح
فيه ناس واخدة سكرينات للكومنتات بجد تزعل اوي
فيه ناس واخدة سكرينات للكومنتات بجد تزعل اوي
الحديث بمجمله حديث جميل واتقال في سياق إن صحابية كانت بتسأل الرسول إن الستات لا بتجاهد ولا بتحضر صلوات الجماعة، فهل دا هيأثر على مكانتهم عند ربنا؟ الرسول رد عليها بإنها لو شخص كويس بيعمل اساسيات دينه، بيبقا desent وبيتقي الله في اسرته وبيتقي الله في زوجه، هتدخل الجنة وش.
الموضوع سهل وبسيط يعني، وكلمة اطاعت زوجها في السياق دا متماشية مع ترتيب الاسلام في القوامة وإن الزوج له كلمة على زوجته برضو، ومتماشية مع إن فيه احاديث تانية بتوصي زوجته بالرفق في اسرته عادي، بس الكومنتات حزينة بجد وtriggered اوي مش قادرين يتقبلو الكلمة دي.
بدأت افهم تحسس المجتمع من البنات اللي بتظهر بأفكار الفيمنزم، لان في حين ان انتي ممكن بتتكلمي عن تمكين المرأة في سوق العمل والاستقلال المادي، فيه واحدة تانية واخداها غطا لعقد تجاربها الفاشلة مع الرجال إنها لازم تقعد تشتم وتعند بسبب ومن غير سبب، وللاسف الناس بيتحط كله في سلة واحدة.
انا بكتب دا وانا عارفة ان هيتقال pick me، بس بجد الموضوع مستفز، لو السيناريو بالعكس ومثلا كان نازل حديث عن حسن معاملة الزوجة ولقيتي شخص تعرفيه كاتب رفق ايه يعم دول ما بيمشوش الا بقطم الرقبة، هتقدري تقبليها؟ اما حد يبقا كل مفهومه عن العلاقات انها power war بيبقا الموضوع صعب اوي.
اخيرا، بليز اكرمي نفسك، متوصليش نفسك انك تبقي واحدة misreable مش قادرة تتقبل الكلمة بسبب انها ملقتش معاملة كريمة من الراجل اللي معاه، اعملي لنفسك كيان مستقل متسيبيش دفة حياتك في ايد حد، لو اتجوزتيه وملقيتيش فيه معنى القوامة اللي يخليكي تنبسطي ان احسانك له هيدخلك الجنة، سيبيه 😘
لإن غالبًا االي بتتجرح اوي من الكلام دا بتكون واحدة حطت كل آمالها في راجل وطلع مش قد كدا، ولقت نفسها لا عارفة تتبسط ولا عارفة تسيبه وقاعدة تتألم في الحياة بلا هدف.
جاري تحميل الاقتراحات...