نظرية - ليش غالبية المشاهير حمقى؟:
اكيد انت ياما صادفت مواقف غريبة ومثيرة ونادرة ،، تقول في نفسك لو صورتها يمكن انا الحين مشهور بالسناب او تيك توك ،، بس دايم اذا جاء وقتها تنسى ان فيه شي اسمه كاميرا وتقنية اسمها تصوير ،، لأنك تندمج مع الحدث وعقلك الباطن وأخلاقك المزروعة فيك

يقولون لك عيب مش وقت تصوير رح ساعد العايلة ،، او عيب مش وقت تصوير فرق بين المتهاوشين ،، او عيب هذي لحظات خاصة نزل الجوال ،، لكن فيه فئة من الناس معدومة الضمير أنانية ،، هذي الفئة تحب نفسها شكاكة مصابة بداء (نفسي نفسي) هم نفس فئة اللي أي شي يصير ،، تلقائياً يطلعون جوالاتهم ويصورون

حتى لو كان الموقف يحتاج مساعدة ،، حتى لو كان المقطع يخترق خصوصية ناس ،، عادي مستعد يتحمل السب اللي بيجيه أهم شي المحتوى ،، ومن هذا المحتوى ينتشر المقطع ويشتهر الحساب ويصير هذا الأحمق من المشاهير ويعطي نصايح ويسوق بضايع مضروبة
فالقاعدة تقول: ليس كل مشهور أحمق ولكن كل أحمق مشهور