نصيحتي الابديه لكل بنت تشوف تغريدتي مافيه شي اسمه نسويات وذكوريات فيه شي اسمه ( دين ) هذي مجرد مسميات لغرض تفريقكم عن اهاليكم وسهولة الوصول للحريه المطلقه ولاتخلون من جاء يجركم له فكرو في دينكم الاسلامي وان بكره ورانا اخره يوم لاينفع لامال ولابنون …
خلوهم ينابحون لين يدوخون لان ترا بعضهم هاربات وبعضهم مو سعوديات وملحدات من الاساس بس تبغا تجر الكل لها مضايقها انكم معززات مكرمات بين اهاليكم وهي حرمت نفسها من الحياه اللي كانت افضل من حياتها الحين ومهما كانو الاهل قاسين الله يشوف كل شي مايخلقكم وينساكم …
كل شي تمرون فيه من ضغوطات الاهل ومضايقتهم كلها اختبار لكم من الله دام اهلكم ما اعتدو عليكم اعتداء قوي ف ليه مهاجمتهم ؟ ليه اعيش كاني مشرده وانا عندي اهل ترا مهما صار بين الاهل هم يحتاجون لبعض وعيشتهم مع بعض ارحم لهم من كل واحد في ديره وغضبانين على بعض ف خلوكم مع اهاليكم …
كل بنت هربت عن اهلها او استقلت عشان الحريه ندمت وش ابغا ب الاستقلال ؟ وش ادور يعني ؟ وش الحياه اللي ب اعيشها وانا في شقه لحالي ؟ كل شي نقدر نسويه وحن في بيت اهالينا توظفو وصيرو سيدات ناجحات بس بين اهاليكم وملتزمين بدينكم الاسلامي بس عشان ذاك اليوم اللي بتوقفين فيه قدام ربي لحالك
بنات ترا كل ذي المغريات اللي في الدنيا ماتسوى شي يوم نوقف قدام الله بصحيفتنا وهو مكتوب فيها كل شي سويناه في الدنيا عبو صحيفتكم بقد ماتقدرون بكل شي فيه خير تمشو استانسو توظفو بس لاتنسون الله و وقفكم قدامه يوم القيامه كل شي نقدر نسويه بس ماندخل الحرام فيه …
نقدر نعيش اجمل حياة ب إلتزامنا بديننا وكلنا نخطي وكلنا نذنب بس خلو ذنوبكم بينكم وصححوها مع الله مو ب المجاهره لان كلنا معافين الا المجاهرين وكل اللي يسوونه النسويات فتن بين المسلمين وهذا الشي كبير عند الله وتعود فيهم بكره بتوقفين لحالك على الشيطان اللي يوسوس بيقول مالي دخل فيهم.
"منقول"
جاري تحميل الاقتراحات...