إمبارح كان فيه حكم قضائي تاريخي مش كتير أخدوا بالهم منه وتاه في زحمة الصيام والمسلسلات.. محكمة جنايات المنيا برئاسة المستشار "سليمان عطا" أصدرت حكم بمعاقبة شاب اسمه "يوسف" بالحبس المشدد ١٥ سنة.. والسبب؟.. عشان هدد بنت على الواتس آب إنه ينشر لها صور خاصة ليها.. هدد بس؟..
أيوا مجرد تهديد في الشات بس البنت راحت عملت بلاغ والأمور مشيت والأخ لبس الحكم اللي يستحقه خلال أيام.. كمان الشهر اللي فات كان فيه حكم تاني صدر ضد شاب تاني بنفس التهمة وعمل نفس القصة وشرب نفس الـ ١٥ سنة المشددين مع تأكيد القاضي على إدانة المتهم حتى لو البنت بعتت له الصور برضاها..
محدش يخاف، ولا يستجيب لأى إبتزاز من أى نوع من أى حد.. حتى لو فيه غلطة حصلت ماتسمحيش لحد يبتزك بيها.. فيه قانون بيحمي، وعقاب فوري للي بيهدد غيره؛ الفكرة بس إنك تبلغي أو تبلغ وأنت مطمئن.. البنتين اللي بلغوا محدش عرف بياناتهم ولا أسماءهم وكانوا محاطين بمنتهى السرية.. محدش يخاف..
طيب نعمل إيه لو حد هددني؟.. عندك طريق من إتنين..
الأول:
يا إما الجهاز القومي للمرأة من خلال الرقمين اللي خصصهم للتواصل بخصوص البلاغات دي.. بلغوا على الرقم المختصر 15115 أو عن طريق الواتس آب على رقم 01007525600.. رسايلكم هتكون في منتهى السرية، وهيتم التعامل معاها على طول من جهات التحقيق ومحدش هيعرف إنكم بلغتم..
يا إما الجهاز القومي للمرأة من خلال الرقمين اللي خصصهم للتواصل بخصوص البلاغات دي.. بلغوا على الرقم المختصر 15115 أو عن طريق الواتس آب على رقم 01007525600.. رسايلكم هتكون في منتهى السرية، وهيتم التعامل معاها على طول من جهات التحقيق ومحدش هيعرف إنكم بلغتم..
الثاني:
إنك تمشي على الخطوات الموجودة في الصورة دي بالتفصيل.
إنك تمشي على الخطوات الموجودة في الصورة دي بالتفصيل.
جاري تحميل الاقتراحات...