مستخدمين الكيندل، طبعاً اكتشاف ولا أروع لكن بماتيريال حقيرة، يا تشتري من كيندل استور وتتعامل بنضافة، يا تقعد جنبنا وتمشي بأدوية، دي بعض المشاكل والأدوية اللي قابلتني.
مشكلة بتخض الناس انه يفتح الكيندل مش هيفتح معاه، الحل الأول دوس على الباور ٤٠ ثانية، لو مفتحش، وصله بالشاحن وسيبه ١٠ ثواني وافتحه، هيفتح عادي، لو مفتحش برضو؟ أتمنى تكون الإجابة وصلتك لوحدها 😃
من أبلكيشن أمازون ممكن تدخل لايف شات مع الدعم، بيحلوا مشاكل كتير، زي لو ظهرلك اعلانات، أو مشاكل الميل، أو غيرها، هيسهل كتير.
اقفل الكيندل Screen off مش Stand by لما تسيبه وقت طويل، حافظ على البطارية ما بين 20%-80% طول الوقت، متبيتهوش على الشاحن ولا تسيبه يفصل، خفف عدد الكتب وبلاش أوديو بوكس خليها للموبايل، وافتح الواي فاي لما تحتاجه بس.
لو الكتب مش بتظهر بأغلفة ولا بأسماء، والكتاب العربي بيقلب صفحات بالعكس، الحل برنامج Calibre.com بينزل على الكمبيوتر، نضيف الكتب عليه، نعدل داتا الكتاب لو بايظ، نوصل الكيندل ونبعت من البرنامج للكيندل على طول.
ممكن نخلع الكيندل ومفيش حاجة تتصلح برضو، منقفلش البرنامج، هنوصل الكيندل تاني، ويتساب عشر ثواني، بعدين نخلعه، كل الأغلفة هتظهر، بدون سحر ولا شعوذة.
Note: نعمل للكيندل Eject device قبل ما نخلع الكابل، دا بيتعمل مع اي هارد ديسك.
Note: نعمل للكيندل Eject device قبل ما نخلع الكابل، دا بيتعمل مع اي هارد ديسك.
ممكن تبعت من الموبايل دايركت للكيندل عن طريق OTG أو تنزل برنامج كيندل للموبايل، اعمل سيند/شير تو واختار كيندل، وصل ايميلك بأمازون بإيميل الكيندل وايميل كيندل الموبايل، وابعت من كله لبعض، مش بيبعت KFX، يا PDF أو Mobi.
لو PDF نصي مش صور، ممكن يتحول لصيغ تانية، عن طريق Calibre على الكمبيوتر، أو Envision Al للموبايل، أو pdf2go.com، وفي البوت دا على تيليجرام، ابعتله الكتاب واختار الصيغة ال عاوزها هيحوله @ebook_converter_bot
لو Pdf صور مش نصي، هتستخدم برامج تعديل الPdf زي Xodo، هتقص حدود الصورة وتعدلها لو التصوير مايل، تتحكم في درجة الأبيض والأسود وOpacity الصور، التجربة لطيفة والPdf مبقاش مشكلة أوي.
اشتروا جراب الجهاز بيتخربش بسهولة وهتندموا، في بيدجات زي Smart book eg ، أو من Ali express دا أصعب حل وأرخصهم، انا اشتريت دا من أمازون وعملت اسكرين مقصوصة عند بتاع موبايلات بحوالي ٣٠ جنية، بتعمل reflect في الشمس، لكن بتحمي من الخرابيش.
ممكن تضيف خطوط جديدة، قواميس جديدة، اشتري الكتب المجانية من كيندل ستور، كلها مميزات كويسة لإختراع جامد معمول بتكنولوجيا من أيام كمبيوتر صخر.
تمت ✔️
تمت ✔️
جاري تحميل الاقتراحات...