٦ أبريل، ما بين السطور
في البدء بترحم على روح الشهيد الطيب عبدالوهاب ناصر، شهيد شرق النيل الاستشهد برصاصة حية أسفل البطن من قوات الانقلابيين.
الكلام الأنا حاقولو دا قد لا يعجب الجميع لكن حاقولو؛ مليونية ٦ أبريل بلا شك كانت ضخمة و وصلت رسالة قوية للبرهان و الانقلابيين انو
1/4

الشارع لسا مستمر و الناس ما حترضى بي أقل من سقوطو الكامل.
للأسف المواكب بالرغم من زخمها و تأثيرها إلا أنها براها ما حتوصلنا لي نتيجة و الحاجة دي بقت واضحة، ديسمبر نجحت بعد 4 شهور عشان كان في تحالف قوى سياسية كبير جداً بيقودها، حالياً لجان المقاومة هي
2/4

الفاعلة في المشهد و الجميع مستني منها الحلول. لجان المقاومة براها ما حتقدر تصنع التغيير المنشود لأسباب عدة يمكن أكبرها إنو نحن كشباب ما عندنا الخبرة السياسية الكافية البتخلينا ندخل في مفاوضات و مساومات/الخ.. لازم الحراك دا تكون في قوى سياسية (نحن البنختارها) قايداه مع لجان
3/4

المقاومة و عشان كدا بنقول وحدة قوى الثورة مطلب أساسي. طال الزمن أو قصر لازم يكون في breakthrough سياسي و دا ما بيتم في ظل تشرذم القوى المدنية. تشرذمنا بيزيدهم قوة و بيضعف موقفنا.
أن الأوان لكي نعي للكلام دا قبل فوات الاوان.
#مليونية6أبريل
#وحدة_قوى_الثورة
4/4