في فكرة متكررة عند معارضي الأسد وبمختلف توجهاتهم الفكرية بتعرضهم لمشكلة الممانعين الموالين للأسد وهي التنويه لكون الأسد ليس عدو حقيقي لإسرائيل ولم يطلق رصاصة على الجولان إلخ، والحقيقة بلاقي هالشي إشكالي جدا.

أتمنى يكون عند السوريين القدرة والشجاعة أنه يقولوا بصريح العبارة أنه حتى من كان عدوا لإسرائيل بكل معنى الكلمة، وطالما قتل أو ساهم بقتل سوريين (أو غيرهم من الأبرياء)، فهو مجرم دعمه فعل لا أخلاقي ولا يشفع له أي فعل مقاوم مهما كان حجمه. هيك وببساطة.

لسنا بحاجة لسرد أو تقييم سجل الأسد ونظامه بمقاومة إسرائيل وما لازم يكون مطلوب مننا قبل إدانته النهائية. لا تنجرّوا للفخ الممانع الأبوخليلي اللي يسعى لتمرير كل القضايا والأفراد والتيارات من خلال موشور فلسطين. هذا سيء للقضية الفلسطينية ولباقي قضايا الناس في آن معاً.