الأهم، أننا نمارس الشطرنج!
في البداية، كل ما الواحد يقرر إنه هيبدأ يهتم بفرق العالم الأخرى أكتر من برشلونة، يلاقي إن تشافي هو الوحيد اللي عنده جديد يقدمه، والباقي كل الكلام فيهم مكرر،
ورغم إن الواحد هيتكلم كتير عن كل الفرق الفترة القادمة،
لكن ثريد مهم عن تشافي وفريق الشطرنج..
في البداية، كل ما الواحد يقرر إنه هيبدأ يهتم بفرق العالم الأخرى أكتر من برشلونة، يلاقي إن تشافي هو الوحيد اللي عنده جديد يقدمه، والباقي كل الكلام فيهم مكرر،
ورغم إن الواحد هيتكلم كتير عن كل الفرق الفترة القادمة،
لكن ثريد مهم عن تشافي وفريق الشطرنج..
حابب أقول إن أفضل شيء في تشافي حاليًا، إنه فاهم هو عايز ايه،
وفاهم ايه الأنسب إنه يتعمل في كل وقت بشكل أفضل من أوقات أخرى نظرًا لمعطيات كتير حسب قسم الداتا وفريق التحليل في برشلونة كمان، يعني "س١" يحصل في وقت "ص١"، و"س٢" يحصل في وقت "ص٢"، أفضل من إن "س١" يحصل في وقت "ص٢"،
وفاهم ايه الأنسب إنه يتعمل في كل وقت بشكل أفضل من أوقات أخرى نظرًا لمعطيات كتير حسب قسم الداتا وفريق التحليل في برشلونة كمان، يعني "س١" يحصل في وقت "ص١"، و"س٢" يحصل في وقت "ص٢"، أفضل من إن "س١" يحصل في وقت "ص٢"،
ده العامل المشترك والوحيد في كل الأمور غير المنطقية اللي بيعملها دي، اللي أنا بجزم إن مهما كان أي مدرب مكانه مع نفس المجموعة، كان مستحيل يقدم نفس المردود بالسرعة والدقة دي، وكلامي هنا عن اللي بيحصل في الملعب مش النتائج،
ده شيء مطمئن لسبب أهم من اللي بيحصل دلوقتي، وهو الإنتقال لمرحلة المنافسة في الموسمين القادمين، أصعب شيء ممكن يحصل لأي فريق في العالم هو إنك تغير أدوات وبعض أنماط لعب منظومة قوية علشان تنتقل من مرحلة أقوى من اللي هي فيها،
ده أصعب بكتير من إنك تغير أدوات وبعض أنماط لعب منظومة هشّة وضعيفة وفقيرة، لأن وقتها هتكون محتاج دراسة متشعبة ومُجهِدة لكل اللي بيحصل، مش بس إنك تغير أضعف الأقوياء،
أنت بتكون محتاج من أي تغيير أو تعاقد جديد، إنك تقدم شيء جديد مش موجود في المنظومة، لكن أنت محتاجه، مش بس علشان اللاعب الجديد هيعمل نفس الشيء اللي بيعمله نفس اللاعب الحالي بشكل أفضل،
وعلشان كده تشافي بيحب فيران توريس جدًا، وأوباميانج منبوذ بالنسبة له أكتر، رغم إن الثاني عنده غزارة تهديفية أعلى بلغة الأرقام نسبة للفرص اللي بيتم وصولها لكل لاعب فيهم وبتضعهم في مواقف تسجيل أو خطورة،
ليه؟ لأن توريس بيعمل شيء جديد، وتم إختياره بسببه، زي الضغط المضاد،
يتبع..
ليه؟ لأن توريس بيعمل شيء جديد، وتم إختياره بسببه، زي الضغط المضاد،
يتبع..
نقل الكورة لمواقع أخطر بدون كورة، وده بيحصل بتحرك بدون كورة حسب فِهمه للعب كمهاجم inside متمركز على طرف من الإتنين بعد overlap من ألبا وتحتهم بيدري بيكون ريشة، بيقدر توريس من خلال الهيكلة دي يصنع خلل في دفاعات الخصم، لأنه بيضم للعمق وقت التحول الهجومي أو التدرج في الثلث الأخير،
فتلاقي إنه بقى في وضع خطورة وأنت متفاجيء لأن محصلش تمريرات كتير منه أو له في الموقف، وبالتالي اللي معاه كمان بيكونوا في مواقف خطيرة، وعلشان كده الإستثمار في توريس والصبر على تضييعه للفرص من وجهة نظر تشافي أفضل من ديباي مثلًا، رغم إن كمان ديباي عنده أهداف أكتر.
دي كلها أمور مفيش مدرب بيعملها، العامل المشترك، إن تشافي عنده شبكات لعب مركبة، الهدف بيتسجل بأنماط، مش مشكلة لو لعبت بلاعب مش هداف على لاعب عنده قدرة تهديفية أكبر لو اللاعب ده هيفيد الهيكل والنمط اللي من خلالهم هنلعب لعبنا علشان نسجل هدفنا،
لو مفيش أنماط، فمفيش لعب، ومفيش نتيجة.
لو مفيش أنماط، فمفيش لعب، ومفيش نتيجة.
الحقيقة اللي لازم يتم تسليط الضوء عليه، هو إن برشلونة دخل فيه هدفين فقط وحقق 5 شباك نظيفة في آخر 7 مباريات، دي إحصائية حتى لم تحدث مع لويس إنريكي في موسم الخماسية مع بارسا، بالنسبة لي ده أهم من الأربعات الكتير والخمسات الكتير اللي الناس سعداء بها مع تشافي، وتعالى أقولك ليه،
على ذِكر مباراة إشبيلية إمبارح مثلًا، دي مباراة بالنسبة لي أفضل من مباريات زي نابولي مثلًا أو أتليتكو مدريد، رغم إنها إنتهت بهدف والإثنين بأربعتين، ليه؟
لأن برشلونة من 3 و 4 سنين كان في الماتشات اللي بيكون فيها تحت الكورة في أوقات كتير،
لأن برشلونة من 3 و 4 سنين كان في الماتشات اللي بيكون فيها تحت الكورة في أوقات كتير،
كان فريق ساذج في التعامل مع وضعيات الوقاية من التحولات، كان بسهولة يمسك كورة، وبعد كده يتضرب بمرتدة وخطأ فردي ويخسر 2 في شوط زي الأول مثلًا،
بالنسبة لي دي أكتر نقطة مميزة عملها تشافي، التعامل مع مراحل اللعب كلها أو معظمها، أهم بكتير من إتقان مرحلة لعب واحدة حتى لو بشكل مثالي،
بالنسبة لي دي أكتر نقطة مميزة عملها تشافي، التعامل مع مراحل اللعب كلها أو معظمها، أهم بكتير من إتقان مرحلة لعب واحدة حتى لو بشكل مثالي،
يعني مثلًا تشافي في الشوط الأول تعامل بشكل مثالي مع هجوم إشبيلية، قدم خط دفاعه علشان يكون إستباقي ضد هجوم إشبيلية، ويجبرهم ينزلوا لمواقع عميقة أكتر وبالتالي إبعادهم عن شتيجن،
ليه عمل كده في الماتش ده تحديدا مش في كل ماتش؟ علشان خط هجوم إشبيلية سيء في تفادي الضغط والتمويه الجسدي،
ليه عمل كده في الماتش ده تحديدا مش في كل ماتش؟ علشان خط هجوم إشبيلية سيء في تفادي الضغط والتمويه الجسدي،
بالتالي هيستجيب إضطرارًا لعمليات الإستباق وتوقع مسار الهجمة من آراوخو وبيكيه الخارقين في قراءة سير اللعب، وبالتالي تقدم خط وسط إشبيلية لمساندة الهجوم المعزول عن مواقع كزيادة عددية ضد ضغط برشلونة الإستباقي، وبالتالي تحولات هجومية وثغرات في المساحة إتفتحت بدون كورة وإستحواذ،
عكس الإستحواذ الكتير، إشبيلية فريق شرس وضغطه ممنهج ومميزين في إستغلال المساحة وصنعها خلف خطوط الدفاع المتقدمة،
ده معناه ايه؟ إن تشافي ورجاله ناس بتتعب، بتجتهد، بتدرس كل خصم بشكل تفصيلي وبتذاكره كويس علشان تدخل تجيب الدرجة النهائية في الامتحان (الماتش)،
ده معناه ايه؟ إن تشافي ورجاله ناس بتتعب، بتجتهد، بتدرس كل خصم بشكل تفصيلي وبتذاكره كويس علشان تدخل تجيب الدرجة النهائية في الامتحان (الماتش)،
برشلونة عُمره ما كان عنده معاناة من التسجيل، برشلونة أكتر فريق في تاريخ الكورة بيسجل أهداف، لكن كان ممكن يروح بفرصتين ميسي يسجل منهم 3، هدف من أسيست وهدف من فرصة وهدف فردي منه، لكن يخسر 4 أو يتعادل بسبب النقطة دي، بل وحصلت الموسم ده نفسه ضد سيلتا فيجو، مش هتكلم حتى عن قبل كده.
إشبيلية بدأ بـ4-2-3-1 وقت الضغط، لما برشلونة يكون معاه الكورة، صانع اللعب كان بيبدل مع الـ8 الشمال نيمانيا جوديلي كل ما بوسكيتس يستلم، والعكس بيحصل، علشان بوسكيتس لا يحصل على راحة، وعلشان كده صانع اللعب ده كان راكيتيتش القوي، علشان تكون ثلاثي محوري ضد إرتكاز بيرفع عينيه بإستمرار،
أنا كتبت وقتها على تويتر هنا بعد ما شوفت الشكل ده خلال أول 8 دقائق في المباراة، إن تشافي لازم يريّح بيدري على الجهة الثانية، علشان يتم تحويل الملعب ناحيته وكل فكرة إشبيلية تتهد، تفصيلة صغيرة لاحظتها، وكتبت إنها هتكون تفصيلة الماتش النهارده وبيدري هيكون النجم، وقد كان!
تشافي إستغل إن تراجع راكيتيتش بإستمرار هيجذب خطوط إشبيلية ناحية بوسكيتس ودي يونج، وعلشان كده دي يونج كان مضغوط عليه ومش مرتاح وقدم أداء أقل من الفترة الماضية، وجعل ديمبيلي بحريته بشكل واضح، لأن لوبتيجي ساحب محوره الشمال جوديلي ناحية برشلونة،
بالتالي ألفيش وبيدري هيكونوا النجوم، لأن ألفيش وقت تدرج الكورة هيكون محور خادع مع بوسكيتس علشان يسحب الضغط من عليه، لأن تشافي بيفتح ملعبه بالجناحين مش بالظهيرين، وعلشان هيتم تحويل الملعب لبيدري في مساحة كبيرة وواسعة يقدر ينتج ويتصرف فيها بشكل أسرع وأضمن، وده برده اللي حصل.
النقطة الأهم في الموضوع كله بقى، إن بوسكيتس هنا كان مش بيتسحب منه الضغط بس، بل كانت بتتم حمايته كمان بلاعب وإتنين معاه يقدروا يقللوا المساحات اللي بيدافع هو عنها، ده عكس اللي كان بيحصل مع فالفيردي وكومان وغيرهم، بل مع إنريكي نفسه، وده اللي أظهره بمظهره السيء طول السنوات الماضية،
ولما حصل العكس، ظهر بالمستوى الخارق اللي ظهر به بوسكيتس الموسم ده، وفي أسبانيا من قبله مع إنريكي، لأنه كان نفس البوسكيتس اللي كان معاه ديمبيلي وجريزمان وسواريز وميسي وغيرهم، وكان بيتقاله إحمي كل ده لوحدك،
وده موضوع مش بس إنتحاري لأي إرتكاز في العالم مهما كانت قوته البدنية، لكن كمان لأنه ده عدم إستغلال لمميزات بوسكيتس في scanning الملعب ورؤيته وتحريك مركزيات اللاعبين للأمام، ولما حصل إن تشافي وظف آراوخو معاه كمحور وقت نقل الكورة وألبا على شماله وألفيش على يمينه،
ودي يونج بينزل يستلم منه وبيدري ريشة معاه، حصل إن بوسكيتس بقى خارق، لأنه بقى بيحمي مساحات أقل وبيساهم في الضغط العكسي بشكل أكبر بكتير من اللي العين بتلقطه! بل وكمان تفوق عددي وقت الإستحواذ من الظهيرين المتمركزين معاه، كله بيعمل كل حاجة!
فيه نقطة الحقيقة الناس مش فاهمينها كويس، وهي فكرتهم عن اللاعب البدني، إنه الطويل مفتول العضلات صاحب الثنائيات والإفتكاكات، ده مفهوم خاطيء تمامًا، لاعب زي توماس مولر مثلًا إستثنائي في النقطة دي رغم إن جسمه عادي، تشافي أسطوري مش بس إستثنائي فيها،
وده لأن اللاعب البدني ببساطة هو لاعب بيقدر يجري ويضغط بكثافة كبيرة بنفس النسق لمدة 70 دقيقة على الأقل، لاعب بيقدر يحمي كورته بظهره في حالات معينة وعنده توازن في الاحتكاكات العادية،
اللي بيقطع كورة كتير، هو اللاعب اللي بيكون عارف الهجمة بتروح فين ومواقف اللعب تروح فين وعارف يضغط إمتى وفين، هنا عزل السياق مش منطقي لأن الإرتكاز الذكي لما بيقرأ الهجمة بيقطع الكورة لما مساحات الجري بتكون قليلة لأنه بيكون محاوط بحماية خلفه،
ده بيفسر مثلًا ليه جوارديولا دائمًا بيحب الإرتكاز الذكي، الطويل، البطيء، غير مفتول العضلات، نوعية نادرة أصحابها من أفضلهم هم.. "بوسكيتس، ماتيتش، كاريك سابقًا، رودري، خافي ميرتينيز، إلخ.."،
رغم إنها مواصفات عادية للاعب الإرتكاز في نظر الجميع، لأنه بيكون عايز عينيه مرفوعة ويفكر بعقله بهدوء وينقل الهجمة بدماغه، وطوله يساعده إن بُعد وإرتفاع نظره يكون أكبر وأفضل من البقية، ومش مسؤول عن حماية مربعات كتير في الملعب.
تحسُّن واضح في عمل الدفاع، سواء الطرفي في العرضيات، المبهر تحديدًا في الكرات الثابتة لأني عُمري ما شوفت برشلونة كويس فيها بالمناسبة طيلة حياتي، أو محاولة أي خصم لتوظيف لاعب حر على الطرف، أو الدفاع الوقائي في الكرات المكشوفة وبسببها بيكيه مثلًا مستواه إتغير تمامًا مع تشافي، إلخ...
كل التحية والتقدير لتشافي، كل التحية والتقدير لأي حد بيتعب في شغله وبيحترمه ويقدره ومش بيبيع الوهم للناس أو مش بيتكلم كتير ويعمل غوغائية، لأن اللي بيعمل كده بيكون فاهم إنه لا يملك كتير يقدمه، لكن تشافي يملك الكثير والكثير والكثير.
إنتهى الثريد! ♥️
شكرًا لوقتكم! ❤️🙌
إنتهى الثريد! ♥️
شكرًا لوقتكم! ❤️🙌
جاري تحميل الاقتراحات...