عايز احكيلكم علي خناقه صغيره كده بين وزارة السياحة والغرفة والشركات بتاعه الحج والعمره وووزارة الحج السعودي من ناحيه تانيه
لحد من كام شهر كده كانت شركات السياحه المصرية هيا الوحيدة اللي محتكره سفريات العمره ف مصر كلها ومفيش دبانه تسافر غير عن طريق سماسرة وفوقهم شركه سياحة و فوقها غرفه السياحه وفوقها وزاره السياحه وفوقها وزارة الحج السعودي ، بالترتيب كده من تحت لفوق
وطبعا الترتيبه دي كل طبقه فيها عمولات ومصاريف ورسوم ، لدرجة ان تأشيره العمره مثلا كانت بتبقي تكلفتها ٣٠٠ - ٤٠٠ ريال سعودي ، بتوصل للعميل الاخير ب ١٠ و ١٥ الف جنيه مصري
المهم ، مصر جت من سنتين كده قالتلك ف اطار التحول الرقمي هنعمل حاجه اسمها " بوابة العمرة المصرية " 💡
المهم ، مصر جت من سنتين كده قالتلك ف اطار التحول الرقمي هنعمل حاجه اسمها " بوابة العمرة المصرية " 💡
وفكرتها ببساطة ان كل شركات السياحة تشترك فيها ويبقي ليها مكان تسجل العملا اللي مسافرين عن طريقهم وتبقي البوابه دي فيها تفاصيل فنادق وطيران العملا وبلا بلا بلا ، ورسوم اشتراك كل شركة كاشتراك فقط ١٠ الاف جنيه وهيطلع لكل شركة حاجه اسمها " بار كود العمرة " ودا رقم وحيد لكل شركه
ويبقي انت كمسافر تبع الشركه دي معاك الباركود دا لحد ما ترجع مصر علشان يعرفو انت تبع شركه ايه ويبقي الموضوع مُحكم ، والبوابه دي لسه مشغلينها من شهرين ولا تلاته
تقوم وزارة الحج السعودي تعمل ايه؟ تفتح العمره للافراد من كل حته ف العالم بشكل مباشر بدون الحاجه لشركات سياحه😂
تقوم وزارة الحج السعودي تعمل ايه؟ تفتح العمره للافراد من كل حته ف العالم بشكل مباشر بدون الحاجه لشركات سياحه😂
وقالتلك علشان تجيلنا السعودية عندك ٣ طرق
١- تيجي بتأشيرة سياحه، متاحه ل٤٩دولة مش منهم مصر
٢- معاك فيزا امريكا - شنجن - انجلترا صالحة واستخدمتها مرة تقدر تسافر علي الطيران السعودي وتاخد فيزا عند الوصول للسعوديه صالحة للسياحة والعمرة
٣- تحجز عمرتك مباشر معانا وتاخد بيها فيزا عمره
١- تيجي بتأشيرة سياحه، متاحه ل٤٩دولة مش منهم مصر
٢- معاك فيزا امريكا - شنجن - انجلترا صالحة واستخدمتها مرة تقدر تسافر علي الطيران السعودي وتاخد فيزا عند الوصول للسعوديه صالحة للسياحة والعمرة
٣- تحجز عمرتك مباشر معانا وتاخد بيها فيزا عمره
طبعا الخبر دا معناه ان بح ، كل المصاريف والعمولات والرسوم بتاعه العمره طارت كده
قامت وزارة السياحة قالتلك اسمعو بقي يامعتمرين بيت الله😂
اي واحد هيتمسك ف المطار معاه تأشيرة عمره ومش معاه بارد كود العمره هيتمنع من السفر ويرجع من المطار ميسافرش 🤷🏻♂️ومحدش هيعتمر هنا
قامت وزارة السياحة قالتلك اسمعو بقي يامعتمرين بيت الله😂
اي واحد هيتمسك ف المطار معاه تأشيرة عمره ومش معاه بارد كود العمره هيتمنع من السفر ويرجع من المطار ميسافرش 🤷🏻♂️ومحدش هيعتمر هنا
ف اي حد هيحجز موضوع العمره اللي منتشر علي الفيسبوك دا والناس للاسف بتنقل من بعض بدون علم مش هيسافر من مطار القاهره وهيوقفوه لأن دا قانون -قانون بوابة العمرة المصرية - اما عايز تعمل عمره بعيد عن شركات السياحه ومتدفعش فلوس كتير؟ تابعونا الحلقة الجايه بقي 🚶🏻♂️
بالمناسبة الكلام بتاع كود المعتمر دا يسري علي اللي هيسافرو من مصر ، يعني لو انت مقيم ف دبي والكويت ولا تركيا ولا قطر ولا اي حته وبرضه مصري تقدر تطلع من عندك عالسعوديه من غير كود ولا تهريج من دا
علشان الهانم اللي بتبعت لصحابها ف الدي ام اني اخوان والكلام دا مش حقيقي
وزارة السياحة بنفسها بتقول ممنوع علشان في رسوم وفلوس لازم تتدفع
m.elwatannews.com
قولي بقي انه وزارة السياحه اخوان مش انا 🙇🏻♂️
وزارة السياحة بنفسها بتقول ممنوع علشان في رسوم وفلوس لازم تتدفع
m.elwatannews.com
قولي بقي انه وزارة السياحه اخوان مش انا 🙇🏻♂️
جاري تحميل الاقتراحات...