بمناسبة اختلاف كل سنة في الحسابات في أول رمضان دي دردشة سريعة كدا عن الحسابات وبدايات الشهور العربية القمرية
الشهر القمري ٢٩ يوم وليلة وساعات، بسبب الساعات دي فيه شهور ٣٠ يوم وليلة وفيه شهور ٢٩ بس، ميلاد الهلال بيحصل يوم ٢٩ من الشهر القمري، سواء ما بعده تام أو ناقص، بمعنى كل يوم ٢٩ من الشهر القمري فيه هلال جديد طيب إزاي بنحكم إنه شهر تام وشهر ناقص؟! إنه الهلال يكمل ويظهر في الليلة
ليه؟! لأنه اليوم العربي ليلة ويوم، يبدأ من الغروب إلى الغروب فليلة اليوم سابقة عليه، عشية السبت سابقة على بكرة السبت، فبالتالي لو الهلال اختفى من الأفق قبل بدء الليلة يبقى الشهر العربي ما بدأش، عشان يظهر بيفضل في الأفق بعد الغروب بحوالي ٢٥ دقيقة، زي ما صلاة العيد بعد الشروق ب٢٥
بعد الغروب هي أول ساعات ليلة اليوم العربي.
فيه تطبيقات كتير بتحسب دورة القمر والشهر القمري لكن بتسبب ارتباك بسبب إنه كتير ما بيحسبوش كذا نقطة، النقطة الأولى هي ظهور واختفاء الهلال من الأفق، ممكن تلاقي التطبيق كاتب مولد هلال الشهر بس تنسى تبص هو هيختفي قبل الغروب ولا بعده
فيه تطبيقات كتير بتحسب دورة القمر والشهر القمري لكن بتسبب ارتباك بسبب إنه كتير ما بيحسبوش كذا نقطة، النقطة الأولى هي ظهور واختفاء الهلال من الأفق، ممكن تلاقي التطبيق كاتب مولد هلال الشهر بس تنسى تبص هو هيختفي قبل الغروب ولا بعده
النقطة الثانية إنه أي حساب بيبقى حسب الموقع الجغرافي للتلفون، يعني لو إنت في القاهرة بيديك حسب القاهرة لكن لجان الرؤية الشرعية في بلد بتبقى موزعة حسب خطوط الطول بحيث تغطي طرف البلد الشرقي زي خليج العقبة وطرف البلد الغربي زي السلوم وطرف البلد الشمالي زي رفح وطرفها الجنوبي زي حلايب
لو الحساب إنه الهلال متعذر في القاهرة زي الليلة فهو هيظهر في مدن أخرى، على سبيل المثال كتبت تغريدة ومسحتها لاحقًا عشان نقطة الحسابات دي، لما كنت باهني صديق عزيز في سوهاج افتكرت إنه الغروب عنده سابق على القاهرة وكدا الهلال متشاف عندهم وكذلك البحر الأحمر سابق الغروب على الصعيد
المغرب في سفاجا كان ١٨:٠١ ولو اختفاء الهلال كان ١٨:٣٠ فهو متشاف في سفاجا بعد الغروب بنص ساعة لكن في القاهرة مش متشاف لكن القاهرة تصوم
النقطة الثالثة مرتبطة بالنقطة السابقة، بغض النظر عن الخلافات السياسية والقُطرية الحالية لكن لفترة طويلة من التاريخ الإسلامي الدول العربية الحالية
النقطة الثالثة مرتبطة بالنقطة السابقة، بغض النظر عن الخلافات السياسية والقُطرية الحالية لكن لفترة طويلة من التاريخ الإسلامي الدول العربية الحالية
كانت جزء من دولة واحدة، لفترة قريبة جدًا في القرن التاسع عشر كان الحجاز ومصر ضمن دولة واحدة، فإذا اتشاف الهلال في الحجاز فهو اتشاف في مصر، ودا مذهب ناس معتبرة في مصر منهم الراحل نصر فريد واصل، وهو مذهب جيد في الإفتاء، لو رؤي الهلال في دولة إسلامية قريبة فقد رأيناه
طبعًا خلاف كل سنة مرجعه خلافات سياسية وقُطرية وشوفينية أكثر منها اختلافات فقهية وحسابية، وكمان راجع لنقطة تانية إنه رمضان شهر قمري هجري مش ميلادي بينما بنية التفكير عند الغالبية شمسية ميلادية.
كل عام وأنتم بخير
كل عام وأنتم بخير
جاري تحميل الاقتراحات...