-هو " لا اله الا أنت سبحانك إني كنت من الظالمين "
- دعاء
=لأ , مناجاه مش دعاء هو مطلبش حاجة
و بعدها ربك قال إيه : " فاستجبنا له "
- طيب هو " ربِّ إني مسني الضر و أنت أرحم الراحمين " دعاء ؟
=لأ , برضو مناجاة مش دعاء طلب يعني
و بعدها ربك قال :" فاستجبنا له "

طيب ورد عن النبي حديث :
" إذا أصاب أحدكم هم او لأواء فليقل : الله الله ربي لا أشرك به شيئا ".
- هو ده دعاء ؟
=لأ مش دعاء برضو ,
-يعني إيه طيب كل ده ؟
=يعني في عبادة إسمها المناجاة , إنك تناجي ربك سبحانه و تعمل " توجه قلبي لربك " يعني تظبط بوصلة قلبك إنها تتجه لله وحده ..

الدعاء إنك تطلب من ربك و لازم تطلب لأن ربك يغضب لو مسألتوش , لازم تسأله ف كل كبيرة وصغيرة و تلح فى الدعاء .
لكن المناجاة إحساس الفضفضة و الكلام مع ربك باللى جواك , زي ما الانبياء عملوا , إنك تشهد جواك فعلا إن لا إله إلا هو ، توحده جداً من قلبك ، تعرف إن دي كفيلة تجيب فرج ..

لأنك كده قطعت علائق قلبك عمن سواه ودا قمة التوحيد لرب العالمين .
خلي ليك مع ربك كل يوم و لو دقائق مناجاة و توحيد لله ، وحَّده من قلبك و فضفضة قلبية مع ربك القريب و هتشوف نتيجة ده بقلبك قبل حالك رددها..

وقول :"يامالك الملك وكلتك أمري و استودعتك همي فبشرني بما يفتح مداخل السعادة إلي قلبي يارب بشرني بالخير عاجله و آجله ياخير المبشرين"
لعل الله يأمر غدا " بكن فيكون "..