بعد ماقريت خبر وفاة الشابة بتاعة مركز التخسيس النصاب حسيت اني لازم انقلكم تجربتي، وبناءا على ترجيحاتكم عن الناس اللي بتعاني انها مش بتخس مع اي دايت وعلاقة ده بمقاومة الانسولين وعند الستات هنزود متلازمة تكيس المبايض اللي بتناسب طرديا مع زيادة مقاومة الانسولين ١
١ لو حسيت/ي انك جسمك مش بيستجيب للدايت ولو استجاب مرة بيرجع بسرعة يزيد وبيزيد من الجزء العلوي اكثر يعتي الاذرع والكتاف، وحاسس بكسل وخمول معظم الوقت،بتنسى كتير حالة نفسة وحشة، بتصحى من النوم بصعوبة، خمول شديد بعد الوجبة الرئيسية؟ اوك كدة احنا لازم نروح نعمل اختبار مقاومة انسولين ٢
لاننا محتاجين دايت نوع اكل مش سعرات انا من ١٠ شهور كانت عندي كل الاعراض دي وزني ماكانش كبير ٧٥ وده في جروبات الدايت كانرا بيتريقوا عليا ويقولوي انت عاوزة تخسي ليه ماطبيعي الدايت ما يجيبش معاك نتيجة بس انا ماكنتش حاسة ان دي انا غير كل الاعراض اللي فاتت طلع عندي متلازمة التكيسات ٣
استقريت على نظام عاوزة اقولكم اني خسيت عليه خلال ال٨ شهور اللي استقريت فيهم عليه ١٣ كم كلهم دهون باينين في المقاس اني نزلت من لارج لاقل من ميديم، انا دلوقت الميديم واسع عليا وباشتغل اني اكون small وطبعا الحمد لله ذاكرتي اتحسنت التكيسات قلت بشرتي اتحسنت مابقيتش اجوع اللهم بارك ٤
٥ النظام بقى عاوز ارادة وهنلغي حاجات من نظامنا العذائي وهنضيف حاجات لانك مش بتخس وبس انت بتصنع لنفسك حياة صحية نشيطة وبتبعد عن نفسك شبح الزهايمر منع السكر تماما ودي حاجة مافيهاش نقاش ولا حتى سكر الدايت في اول ٦ شهور ومنع الكارب ، اضافة خل التفاح اساسي معانا ، الذهون الصحية ٥
فيه فواكه بترفع الانسولين وتمنع حرقه للخلايا الدهنية مع انها بتنفع في تخسيس ناس تانية لكن ماتنفعش معانا زي البطيخ والاناناس، ممنوعين ومعاهم العنب والتين والبلح كل ده هنستحمله ٦ شهور نيجي للنظام لوكارب مع صيام متقطع هناكل مرتين فاليوم بس هنلغي الفطار ما ينفعش نصحى من النوم ناكل ٦
مافيش عيش ولا مكرونة ولا رز ولا بطاطس وبرضه ده اول ٦ شهور اوك؟ هنصحى من النوم نشرب قهوة او اي مشروب انت بتحبه انا باشرب قهوة وبعد القهوة بساعتين نبدا وجبتنا الاولى، كل اي حاجة مافيهاش كارب وكل دهون صحية ، بيض بالزبدة ، جبنة طبيعية اي نوع بزيت الزيتون افوكاتو ، طماطم وخس جرجير ٧
الدهون اقل حاجة بتستفز انتاج الانسولين فهي مفيدة جدا طالما مش بناخدها مع كارب بعد الدهون يجي البروتين ، ماتاكلش لحمة حمرا كلوا اللحوم الملبسة وماتخافوش هاتخسوا وصحتكم هتبقى احسن ، كلوا جبنة زيدة فول بزيت الزتون او الزبدة ، علشان تشبعوا غمسوا بورق الخس ، حطوا فيه الاكل وكأنه عيش ٨
الوجبة الثانية بروتين اي بروتين سمك فراخ لحمة ، مع اي خضار ، حاولوا الوجبتين يكونوا كاملين يعني هتاخد فاكهة خدها بعد نص ساعة من الاكل ، خد مكسرات برضه خلال الساعة بتاعة الوجبة، مافيش نقنقة خالص ، كل حاجة بتتحط في بقنا البنكرياس بيعتبرها وجبة ويبدا ينتج انسولين عال يملا بيع دمنا ٩
اصلا نسيت اقولكم ان مقاومة الانسولين هي ان الانسولين في دمنا بيبقى عالي جدا عن معدله في نفس الوقت هو انسولين بايظ مش بيؤدي مهمته ، لما بيروح يفتح الخليه عشان يحط فيها السكر مش بتتفتح ويبدا البنكرياس يقول ايه ده الجسم محتاج طاقة اما افرز انسولين تاني ولما ما يشتغلش يبدا جسمنا ١٠
يقول عاوز طاقة خارجية فيدي احساس للمعدة انها جعانة وده مش جوع حقيقي فتاكل فتتراكم الدهون ويرهق البنكرياس اكثر ومعاه الكبد بعد كدة ، ومنع يبدا خلايا تتلف وتتحول لخلايا سرطانية وتلامسولين يزيد جدا لدرجة انه يتراكم على خلايا الذاكرة في المخ ويكون فيه ارق فالهرمون اللي بيغسل خلايا ١١
المخ ما بشتغلش ويتراكم الانسولين ويعمل طبقة مستحيل تتشال بعد السنين وتعمل الزهايمر فالحل الوحيد اننا نبدا من دلوقت بين الوجبتين اللي في البداية هيكونوا خلال ٨ ساعات هنشرب اي مشروب ساخن بدون سكر محبب جدا القرفة والجنزبيل وابشاي الاخضر وطبعا القهوة والشاي مع النظام الغذائي ده١٢
هناخد اوميجا ٣ مرة في اليوم ولازم ماغنيسيوم قبل النوم كبسولة ٤٠٠ لان مقاومة الانسولين بتعمل ارق واكيد بيكون فيه نقص ماغنيسيوم والماغنيسيوم بيساعد على النوم لانك لازم تنام ٨ ساعات عالاقل علشان الهرمون اللي بينظف المخ من الانسولين بيشتغل في الفترة دي ١٣
يارب أقدر افيدكم
يارب أقدر افيدكم
جاري تحميل الاقتراحات...