|ثريد|
التكييف القانوني لجرائم النهب المسلح المنتشرة الفترة دي
أي شخص يشيل سلاح أو أداة ويهدد بيها الناس ويقطع عليهم الطريق بغرض السرقة سوى كان داخل المدن أو في الخلا أو حتى بحرا أو جوًا ده طوالي يعد مرتكب لجريمة الحرابة يعني قاطع طريق م167 القانون الجنائي
#مدن_السودان_تنتفض
التكييف القانوني لجرائم النهب المسلح المنتشرة الفترة دي
أي شخص يشيل سلاح أو أداة ويهدد بيها الناس ويقطع عليهم الطريق بغرض السرقة سوى كان داخل المدن أو في الخلا أو حتى بحرا أو جوًا ده طوالي يعد مرتكب لجريمة الحرابة يعني قاطع طريق م167 القانون الجنائي
#مدن_السودان_تنتفض
وجريمة الحرابة عندها تلاته انواع من العقوبات في القانون حسب كل حالة، الحالة الاولى تكون العقوبة الاعدام او الاعدام ثم الصلب اذا نتج عن الفعل قتل أو اغتصاب. الحالة التانية تقطع اليد اليمنى والرجل اليسرى اذا تسبب في أذى جسيم، الحالة التالته سجن 7 سنوات في غير الحالات المذكورة
طيب نحن من حقنا نتصرف كيف حسب القانون!؟ أول حاجة إذا تعرضتو لاعتداء من حقكم الدفاع عن النفس بكل الوسائل المتاحة لانه حق مشروع كفله القانون (مافي زول يقول دي دعوة للعنف أو ما تقابل العنف بعنف مضاد) وكلام الجرايد ده لأن حق الدفاع الشرعي هو الحد الفاصل بين الحياة والموت..اختاروا
لكن طبعا الدفاع عن النفس ما حق مطلق ولازم يكون بقدر مساوي للخطر يعني ما تتعدو حد الدفاع عن نفسكم وتتحول لجريمة عشان بعدين في المحكمة بدل ما تستفيد من الحق ده حيتحول ضدك وتبقى متهم لانك تجاوزت حدودك. يعني اذا في شخص مضطر يطلع او يشتغل المسا ممكن يشيل سلاح ابيض يحمي نفسه
وللمرة التانية مافي زول يقول دي دعوة للعنف لان في فرق كبير بين الاتنين، و أي أداة ممكن تتحول لأداة قاتلة، بيعتمد على اختيارنا في استخدامها، مثلا السوق مليان سكاكين في ناس بتشتريها لتقطيع اللحمة والخضار وناس ترتكب بيها جريمة، انت و اختيارك
#منع_الجريمة_واجب_على_الكافة
#منع_الجريمة_واجب_على_الكافة
الحاجة التانية بعد الدفاع عن النفس انكم بعد تنجحوا في السيطرة على المهاجم أو المهاجمين طوالي تسلمو اقرب قسم شرطة وتفتح بلاغ و احتفظوا بالتفاصيل المتعلقة بالبلاغ زي رقم البلاغ، تاريخه و اسم المتهم والمتحري، و الخطوة التالته لازم تتابع التحريات و لازم تجيبو شهودكم اذا في شهود
و اذا في محكمة لازم تمشو و معاكم نفس شهودكم عشان المتهم ده ممكن يطلع منها اذا الشاكي تغيب وما حضر لأن ببساطة حينكر التهم والقانون بيشتغل بالوقائع والبينات، وصية أخيرة اذا مضطرين تطلعوا المسا في الفترة دي افضل تطلعو اتنين او اكتر مافي زول يطلع بالليل براه وبالذات النساء والاطفال
جاري تحميل الاقتراحات...