فريق Hacking اسمه LAPSUS$ اخترق الفترة اللي فاتت 3 شركات عملاقة وهم Nvidia، Samsung، واخرهم Microsoft. بالاضافة لشركات أخرى Ubisoft و Okta، والمشتبه الرئيسي شاب بريطاني عنده 16 سنة.
#منقول #security_news #hacking #cybersecurity #infosec #lapsus
#منقول #security_news #hacking #cybersecurity #infosec #lapsus
من شهر، شركة nvidia اعلنت انها اتضربت بهجوم فدية وقالت ان نظام ايميلات الشركة وقع. وقتها طلع فريق اسمه LAPSU$ اعلن مسؤوليته عن الهجوم وقال ان فيه Terabyte من البيانات معاهم ولو نفيديا مدفعتش الفدية هينشرو البيانات.
بعدها فريق LAPSU$ أعلن ان نفيديا اخترقتهم وحطت على اجهزتهم فايروس فدية كمان.. الموضوع يخلص؟ لا الموضوع اتطور وطلع الفريق بعدها يطلب من نفيديا شوية طلبات تعملها وإلا هينشرو الداتا اللي سرقوها واللي بتحتوي على:
-ايميلات وكلمات مرور لاكتر من 70 ألف موظف في الشركة
-الكود المصدري لبعض كروت الشاشة
-معلومات عن كروت شاشة لسا منزلتش
-الكود المصدري لبعض كروت الشاشة
-معلومات عن كروت شاشة لسا منزلتش
بعدها بفترة قليلة فريق LAPSU$ اعلن انه اخترق شركة SAMSUNG وسرق 190 Gigabyte منهم الكود المصدري للBootloader لبعض اجهزة سامسونج الجديدة وبيانات عن انظمة التشفير فيها وكمان انظمة البصمة وغيرها.. بس سامسونج لما خلصت تحقيق قالت ان مفيش اي حاجة من بيانات المستخدمين اتسربت في الهجوم 😏
ومن كام يوم رجع فريق LAPSU$ ونشر صور من منصة برمجية خاصة بمطورين Microsoft فيها منتجات الشركة زي كورتانا وبينج وغيرهم وطبعا وصلو للكود المصدري بتاعهم.
مايكروسوفت أكدت الخبر بس قالت انه مش هيأثر على بيانات المستخدمين أو أمانهم وانها مش بتعتمد في السيكيوريتي بتاعها على الكود المصدري للتطبيقات دي 🙄
الغريب ان فيه تقارير طلعت بتقول ان المتهم الرئيسي في الهجمات دي هو مراهق بريطاني عنده 16 سنة وبيساعده مجموعة شباب تانيين 🙂
جاري تحميل الاقتراحات...