تجربتي مع السوشال ميديا :
كانت سبب رئيسي في انها تدخلني في حالة إكتئاب ، عزلة، بعدتني من اصحابي ، شغلي ، هوايتي ، خلتني اشوف الحياة الواقعية بمنظور غريب شديد، ماكنت ببعد من تلفوني لما اكون متضايق وكنت فاكر انو انا بخفف عن نفسي وكنت مبسوط وقتها ، في البداية لقيت راحتي فيها
كانت سبب رئيسي في انها تدخلني في حالة إكتئاب ، عزلة، بعدتني من اصحابي ، شغلي ، هوايتي ، خلتني اشوف الحياة الواقعية بمنظور غريب شديد، ماكنت ببعد من تلفوني لما اكون متضايق وكنت فاكر انو انا بخفف عن نفسي وكنت مبسوط وقتها ، في البداية لقيت راحتي فيها
تيكتوك ، انستا، تويتر ، سناب ، كنت فاكر انو انا لقيت طريقة ارفه بيها عن نفسي ومامحتاج اتكلم مع زول لما اتضايق ، بعد شوية حسيت نفسي ما برتاح الا في العالم الافتراضي ده، كأنو في شخص بسحبك للعالم ده كنت بخلص شغلي سريع عشان امسك تلفوني ، بحاول ما انشغل منها وبمسك تلفوني بي سبب ومن
غير سبب، كنت بتململ عشان افتح تلفوني عشان اخش العالم ده، لو في زول بتكلم معاي بختصروا بقيت احب اقعد براي كنت بكره لمة الناس واي زول بحاول يشغلني عن راحتي(تلفوني) لين مابقت حياة بالنسبة لي ، وحرفياً نستني انا منو وبعمل في شنو وعشان شنو؟ كنت ضايع شديد وقتها ، ادمنتها شديد شديد
حصلت مشاكل في شغلي لاني ماكنت مركز بكون تعبان ومرهق طول الوقت مابقدر أعمل وأنجز أي حاجة في حياتي الواقعية كل حاجة بحاول انجزها بشوفها صعبة شديد بالنسبة لي ، شغل ، قراية،اجتماعيات، رياضة، أي حاجة كنت بحبها كنت عاجز اعملها بالشكل المرضي بالنسبة لي ، فيها ناس كويسين شديد وزابطين جدا
بس كمية الناس القرف والتوكسيك أكتر بكتير ، وصلت مرحلة اني زهجت منها وبعد ده كلو مابقدر اخليها كل ما افتحها بكتئب زيادة، بدل كان مكان انا برتاح فيهو بقى مكان انا بتضايق وبزعل فيه تلقائيا بس المشكلة الأكبر إني ماقادر اخليها وهنا عرفت نفسي ادمنت الوهم ده
أدمنت حاجة بتسبب لي الضيق والغثيان ، بس الحمدلله انتبهت لي نفسي في الاخير وبديت ارجع لحياتي الطبيعية شوية شوية لين ما قدرت اتجاوز الكابوس ده ، أنا متأكد تماما انو في ناس كتار زي كده بس ماقادرين يستوعبوا الحاجة دي ، ناس حاسة نفسها ضايعة ساي وسط شي مابستاهل كل وقتك ده
كلامي انو ، لما ماتقصر في حق نفسك في حياتك الطبيعية ( قرايتك، شغلك، هوايتك، اجتماعياتك ، واجباتك ) وقتها ممكن تفتح السوشال ميديا وتستمتع، ماتفتحها وانت مقصر في حق نفسك وعندك خمسين حاجة انت بتأجلها بسبب تلفونك
والله انا متأكد تماما انو في ناس حتقرا كلامي ده وحتتضايق زيادة لانو بحسوا نفسهم انو كلامي بمثلهم بالزبط ، بس لو قريت كلامي وزعلت حاول اسعف نفسك سريع سريع نصيحة أخوية لوجه الله تعالى، ده من عمرك الحتندم عليهو بعدين
دي تجربتي انا ، وربنا يدفسكم عافية دفس🙏
جاري تحميل الاقتراحات...