أعتبر الدولار دا سلعه .. بنظرية اقتصادية بتاعه أولى ابتدائي , كل ما بيزيد الطلب على السلعه دى وبيقل المعروض او حتي مع ثباتة طبيعي ان السعر يغلي
طب أنت سلعة الدولار دى بتجيلك منين ؟ بتيجي من تحويلات المصريين بالخارج تقريبا ٣١ مليار دولار وبيجي بعدها السياحة وبعدين قناة السويس

وكمان الإستثمارات الغير مباشرة بقي من الأجانب اللى هو ال hot money ودى استثمارات بيعملها الأجانب وبتبقي استثمارات قصيرة الأجل وبيستثمر ف ادوات الدين اذون الخزانه اللى الحكومه بتنزلها بالدولار فالحكومه تستفيد انها تاخد دولارات والمستثمر بيستفيد بيخطف وبيجري ف وقت صغير

وعلشان احنا سوق ناشيئ ف مصر ف موضوع ال hot money دا عندنا كتير اوى , والمستثمر لما بيحس بقلق بيلم فلوسه ويبيع ويمشي وسلامو عليكو فطبعا المعروض من العمله بيقل وهنا بتحصل الفجوه لان الفتره الاخيره كتير من Hot money دى مشيت من مصر زى ما مشيت من اسواق تانيه ناشئة

ف النهارده المستثمر دا خرج وخد الدولارات بتاعته على ١٥ ونص مثلا , لو حب يدخل تانى دلوقتى هيدخل على ١٧ ونص , هنا الدولة تكسب منه الفرق بتاعه خروجه ودخوله ويدخل hot money تانى بس على العالى وبعدين يحصل شويه اضطرابات فيخرج وشويه ازمات فى مصادر الدولار فنضطر نخفض العمله تاني وهكذا

وعلشان منفضلش كده .. لأن طول ما احنا بنلف ف نفس الدايره , سنه ولا حاجه وهنخفض الجنيه تاني وتالت ورابع .. طول ما احنا مفيش انتاج واستهلاكنا اكبر من انتاجنا كده هنفضل ف نفس المصيبه وهتسوء .. وربنا يعين الناس الى القرار الأخير دا فرمها حرفيا