الفكرة ان القرار دا مستخبي ورا الحرب بتاع روسيا واوكرانيا ، والحقيقة رفع سعر الفايدة وتخفيض قيمة الجنية ملهمش علاقة بالحرب اصلا .. هو اصلا عنده مشكله بقاله فتره ف الموضوع دا وجت الحرب ف قالك يلا بقي خد وراها القرار
علشان الناس بتقولنا روحو اقرأو وافهمو وبعدين كلمونا وانتو مبتعرفوش تقرأو انجليزي وكلام بتاع مؤيدين ريحته حلبة كده ف انا هدردش شويه تحت التويتة دى عن الاقتصاد والتضخم والحاجات دى وفى مستوي الطالب الجاهل اللى هما المؤيدين طبعا
يعني ايه تضخم Inflation ؟ يعني اسعار السلع والخدمات بيرتفع ولما طبعا بيزيد الطلب عن العرض طبعا الأسعار بتزيد - نظريه اقتصادية 101 - وطبعا التضخم بيؤدي لإنخفاض قيمة العملة اللى بدورها بتأثر على القدرة الشرائية للمستهلك ف المجتمع .. يعني ايه بالبلدى كده؟
بالبلدى, لو كانت ال ١٠٠ جنيه اللى معاك بتجيب ٥ كيلو لحمة وبعدين تروح تشترى اللحمه بنفس ال ١٠٠ جنيه تلاقيها جبتلك ٤ كيلو لحمة ف هنا دا معناه ( تضخم Inflation ) و نسبة التضخم المئوية بتزيد كل ما ال ١٠٠ جنيه تجيب عدد أقل كيلوهات لحمه , وهكذا
طبعا فى انواع مختلفه من التضخم بس علشان نبقي ف مستوى الطالب الجاهل المبرراتي كده بلاش نعقدها , سبب التضخم ايه طيب؟ في مدرستين اقتصاديين اساسيتين بيحلوو الاسباب وأشرهم كينز طبعا الى قال ان دا بسبب كمية النقود المتداولة , يعني عندك فلوس كتير ف السوق
وعلشان فى فلوس كتير منتشرة ف السوق والناس محتفظه بيها فبيبقي ردود فعل الاقتصاديين وخصوصا البنوك المركزية انها ترفع سعر الفايده ف البنوك , رفع الفايده بالبلدى كده بيلمو بيها الفلوس اللى فى السوق تدخل البنك وبتقلل شوية حركة البيع والشراء اللى بيقوم بيها الناس
ف أنت النهارده لو معاك فلوس راكنها علشان مثلا هتشترى عربيه ولا سلع ما - ومش اساسية اوى بالنسبالك - هتروح تحطها ف البنك لأن البنك هيديك فايده عاليه ب مخاطر Zero ف فلوسك تكسب فلوس وانت مبتعملش حاجه ودا اللى عمله البنك المركزى النهارده لما عمل الشهاده ال ١٨٪
رفع الفايده دايما ف البنوك بيعمل ركود اقتصادى علشان الناس بتقولك استثمر ليه ف اى حاجه ؟ وفى حاجات ليها مخاطر عاليه لما ممكن اروح للبنك اديله الفلوس اللى معايا ويديني فايده ثابته وانا قاعد حاطط رجل على رجل وفي مستثمرين كتير بيدخلو ف الوقت دا يشترو علشان يكسبو الفايده ال ١٨٪ دى
طب الحاجات الأهم بقي , هل اللى حصل عندنا دا بسبب الحرب بين روسيا وأوكرانيا زى المبراراتيه ما بيحاولو يقنعونا ؟ لاء طبعا وببحث بسيط ممكن يعمله عيل ف أولي ابتدائي هيلاقى ان سعر العملة الروسيه والأوكرانية أدام الدولار مزادش فى ظل الحرب , فالدول اللى بتحارب عملتها ثابته واحنا بنتأثر؟
النقطة التانيه ف ضرب فكرة الحرب دى ان Jp Morgan وBloomberg نزلو تقرير عن وضع الجنيه المصري مع بداية الحرب - التوقيت ملوش علاقه - بأن الجنية المصري سعرة مش حقيقي وأعلى من سعره أدام الدولار ب ١٥٪ ولازم تتخفض قيمتة بالقيمة دى فالموضوع ملوش علاقه بالحرب خالص
وبرضه ببحث بسيط كده يعمله عيل ف حضانه هيلاقى ان تأثير الحرب عالميا على التضخم والعملات لا يُذكر .. ف لاء انتو اللى محتاجين تروحو تقرأو وتبطلو تعريض مش احنا , نيجي بقي لقصه ان دا بسبب كورونا والتضخم العالمى أصلا
احنا فعلا متأثرين بالتضخم العالمى اللى حصل بسبب كورونا .. لكن تأثرنا بالتضخم دا كان بشكل غير مباشر لأاننا لا قفلنا الإقتصاد بتاعنا زى ما الناس عملت ولا صرفنا مليارات بالدولار اعانات للناس زى ما هما عملو , التأثير كان على اسعار الشحن والمواد الخام اللى زاد على كل الناس بره
قصه جشع التجار
بالبلدى كده , انا تاجر عندى بضاعه ب ١٠٠ ألف جنيه ( ٢٠ قطعه من منتج ما ) المفروض لما ابيع واكسب اروح اشترى ( ٢٥ قطعة أو على الأقل ٢٠ برضه ) لما السعر يزيد على المُنتج دا وابيع اللى عندى بنفس السعر القديم لما هروح اشترى بنفس ال ١٠٠ألف هشترى ١٥ قطعة, يبقي انا خسرت!
بالبلدى كده , انا تاجر عندى بضاعه ب ١٠٠ ألف جنيه ( ٢٠ قطعه من منتج ما ) المفروض لما ابيع واكسب اروح اشترى ( ٢٥ قطعة أو على الأقل ٢٠ برضه ) لما السعر يزيد على المُنتج دا وابيع اللى عندى بنفس السعر القديم لما هروح اشترى بنفس ال ١٠٠ألف هشترى ١٥ قطعة, يبقي انا خسرت!
يبقي الطبيعي انى ارفع سعر المنتجات اللى عندى بحيث تناسب السعر الجديد اللى هشترى بيه المنتج لما الى عندى يخلص بحيث لما اخلص اللى عندى اروح اشترى تاني نفس الكمية أو أكتر من غير ما أكسب .. ببساطة اهو
عيب بقي تقول جشع التجار وتبقي بقرة بتردد كلام وانت بتنهأ بس!
عيب بقي تقول جشع التجار وتبقي بقرة بتردد كلام وانت بتنهأ بس!
الحكومه لما البترول بيغلي بره بتغليه ف نفس الاسبوع علشان متقدرش تشترى بالسعر الجديد وتبيع بالقديم ,, لكن التجار بتوع الشاي والسكر واللبن مينفعش يزودو اسعارهم لما الاسعار تزيد بره؟😀
ببساطة اكتر
جاري تحميل الاقتراحات...