التغريدة دي مهمه جداً هتكلم فيها عن كل حاجه تخص إدارة مكافحة جرائم الحاسبات وشبكات المعلومات ( مباحث الانترنت) من كام يوم انا تعرضت لسب وقذف وتشهير باسمي ودول بيتصنفو كذا جريمة وممكن يتجمعو مع بعض ويكون ليهم عقوبه سجن او غرامه وغالبا الاتنين مع بعض ( ودي صورة بعد ما عملت المحضر)
بما اننا في عصر الرقمنه والسوشيال ميديا وكل حاجه حرفياً بتتحول لرقمنه، وفي ناس كتير جدا بتتعرض لسب وقذف وتشهير ونشر صور خاصة بيهم إذا كانت مسيئة أو عكس كده فهي جريمة لأن مش من حقك تنشر حاجه عن حد حتى لو هي صح (وفي الحالة دي محضر صغير بحسابك ورقم موبايلك وهتتحاسب لو انت مجهول)
كل إللي انا قولته واللي القانون قال عليه حصلي وانا اخدت كل الإجراءات القانونية ضد الأشخاص دي، الموضوع مش صعب المكان ف وزارة الداخلية كويس جدا بتقعد مع ظباط مهندسين متخصصين بيفحصو كل حاجه وبيفتحو حسابك، ومن حظي انا شخصيا ان حسابي عليه تتبع ومعاهم هما شخصيا
متنسوش ان في طرف تاني في الموضوع ومحضر تاني بإسم بنت وهو ابتزاز وكلام صوت وصورة وانتوا بتتفقو ان انتوا عايزين منها صور عريانه علشان تسيبوها في حالها.
ك أدلة وإثبات مش بس اكتر من ١٠ اسكرين ريكورد متسجل ولسه هيدخل فحص بل العكس حصل وهو انهم هناك شافو كل حاجه لايف بنفسهم من ريبلاي ودي ام واسبيس وغيرو( هو الموضوع بياخد وقت؟ ااه هياخد وقت ممكن أيام ممكن اسابيع وممكن اكتر لحد م يحصل تتبع للأشخاص والحوار يتحول نيابه.
كنت عايز أقول ان ده مش مجرد كلام لأن الحوار بقاله سنين والناس الل زي دي بتتعاقب ومش صعب ان إدارة زي مكافحة جرائم الحاسبات والمعلومات توصلك وتجيبك، هما عارفين كل حاجه حرفياً لأن سلك النت الل انت واخد منه حضرتك هو اللي موصلهولك وده على سبيل المثال ومحتاجة دماغ علشان تتفهم
كل الناس إللي شتمني بلا استثنا معرفش فيهم حد ولا عمري اتعاملت مع حد دايركت بل العكس ان ممكن تكون مشكلتي معاهم اني مثلا مش حابب التعامل معاهم في منهم ناس مبردش عليهم دي ام وحاجات كده متفهمش ازاي الأهم من ده اني مكنش عندي بربع جنيه فضول ادخل اسمع بيتقال عني ايه ولا ايه اللي حصل
و أول ردة فعل قولتها، يعم دي شوية ناس ملهمش لازمه ادخل نام وفي النهاية انت عارف هتتعامل ازاي وخليهم يجيبو كل اللي عندهم، مع العلم ان الناس دي هي هي الناس اللي عملت بيدج مخصوص علشان تنزل صور ليا وتقول عني كلام واتقال حاجات بينهم في جروبات والحاجات دي كلها كانت معايا بس مبحبش الشو
دا واحد داخل دي ام وحاجه كده الل هو انا قلبي ميت عادي وبيقولي اسم واحد انا معرفوش أصلا والتاني عايم ع الكلام بس الريبلاي بتاعه جامد ومتبروز هناك لأن ده سب وقذف واشهار مش سب بس والتالت أقسم بالله أول مره اشوفه بس ببص في الدي ام لقتني مبردش عليه 🤷
انا معايا اكتر من 10 فيديوهات للناس دي وناس مش موجوده في دول وهما ساعتين حرفيا بيسبوني علني وفي حضور اكتر من 100 شخص مردتش زي ما هما عملو، مع ان البداية من ناس تبعهم من فترة ومسعتش حد فيهم وحالياً ف قضية بيني وبينهم بس الفحص يخلص بس وربنا مش هيسيب حق حد
والأستاذ اللي كان عامل اكونت فيك باسمي والتاني بيقلد صوتي بحركات جنسية وحاجات بتنزل ليا معرفش عنها حاجه ده كله مثبوت وموجود ولما تشوفوا التويته وتحذفو الكلام ده الأدلة كده هتكون لبست أوي ولو انت حذفتها في فيه سيستم وسيرفرات كنت عايز أقول ان كل اللي مشارك هو مشارك فعلا
اخر حاجه هقولها ان معظم الناس معندهاش وعي ومحتاجة تقرأ وتفهم ويعرفوا انهم عايشين في 22 اظن انه لو كان فيه بربع جنيه وعي وثقافه كانوا عرفوا يعني ايه الل بيعملوه من اشهار ونشر صور شخص وحاجات عنه حتى لو غلط وفيه مشاهدات وعدد جريمة 😂🤷
كنت عايز اقول حاجه مهما جدا يجماعه ان لما تعمل حاجه زي كده حاول تعرف كل حسابات الشخص ورقم موبايله وحطهم كمان يعني انستا مع تويتر مع رقم موبايله علشان يسهل عليهم يوصلوا للشخص اسرع، استنوا بكره بيدج قاوم اللي تبع حقوق الإنسان ومبادرة م / محمد اليماني هينزلوا مقاله وصور الأشخاص
كل الل حصل معايا بما يقارب اربع ساعات اسبيس على كذا مره مكنش عندي ذرة فضول ادخل اسمع أو اشوف ايه إللي بيتقال ولا مثلا أدخل بحساب تاني هما كانوا مفكرين اول مره سمعت كلامهم وانا رايح اعمل المحضر واعرض الحاجه ولولا كده مكنتش هسمع حاجه واحد منهم بيقول سيد بارد ومش هيتاثر 😂😂😂🤝
أتأثر ايه ؟ أتأثر وانا اصلا مش شايفك أتأثر وانا شايف نفسي احلى منك ومافيش مني اتنين ؟ هو كان مقتنع اني فعلا ميفرقش معايا وإن الحوار كله مضيت عليه باسمي الثلاثي 😂
الحلو في الموضوع إن الأشخاص دي من قلة وعيهم انهم بيقولوا مافيش حاجه والحوار ده فاكس ومافيش الكلام ده وفي ناس بتقنعهم بكده بس فعلاً اللي بيتلسع من الشربه بينفخ في الزبادي، محتاجين تسألوا الناس الل قبلكوا واي الل حصل
جاري تحميل الاقتراحات...