مساء الخير، أحد الأصدقاء بعتلي رد الأستاذ غسان على الحلقة الأخيرة من السلسلة، والحقيقة أنا ماكنتش مهتم أرد لغاية ما شفت الاتهام بالكذب والهبد، وده شيء مهم بالنسبة لي في الحالة دي لأن ده شغلي وسمعتي ببساطة، بالتالي هذا الثريد مخصص لتوضيح الأمر.
مبدئيًا، أنا بأستغرب التسرع في اتهام الناس بالكذب أو الهبد، يعني ممكن يكون في معلومة أنا ما شفتهاش تصلحهالي وأعتذر وينتهي الموقف، فقررت أقرأ اللينك اللي حطه أ. غسان بالألماني عشان أعرف أنا حأعتذر عن إيه بالظبط، والتالي هو ما حدث
كلام أ. غسان عن الموضوع، اللي قلته أنا في الحلقة أنه بايرن استغل الموقف أسوأ استغلال بطريقة انتهازية غير أخلاقية لسلبهم حقوقهم، وده اللي وصفه أ. غسان بإنه كذب وهبد.
عشان أفهم الرابط الألماني فيه إيه بالظبط كلمت كذا صديق يعرفوا ألماني وعلى راسهم @BeltagyHassan عشان أفهم المكتوب في الرابط بالظبط، ولما فهمت ترددت إني أعمل الثريد ده لأني ما بأحبش مواقف الصدام، وبأفضل دايمًا إني أتجنبها.
لكن الحقيقة كنت عايز أشكر أ. غسان وأسأله كنت فين من زمان، لو اللنك ده كان وقع في إيدي قبل الحلقة الأخيرة كان الممكن السلسلة تمتد حلقتين تلاتة كمان..ليه؟ لأن كل ما سيلي ذكره، موجود في الرابط اللي أ. غسان بيستشهد بيه عشان يكذبني، موجود في مقابلة رسمية مع تسيفتسر.
1- المقابلة كلها متاخدة من زاوية اتهامات كريستيان واجرشاوسر أحد إداريي نادي 1860 ميونيخ لتسيفتسر بإنه فرط في حقوق النادي، والغرض من المقابلة هو السماح لتسيفتسر بالدفاع عن نفسه. دي أول مفاجأة.
2- واجرشاوسر بيكشف عن معلومة جديدة أهم من أي حاجة أنا قلتها في الحلقة، وهي إن بلدية ميونيخ مولت بناء الاستاد بـ200 مليون يورو بشرط وحيد هو إن ناديي بايرن ميونيخ و1860 ميونيخ يلعبوا عليه لـ10 سنوات على الأقل. وهذا ما لم يحدث طبعًا.
3- ستيفان تسفتسر المتهم في التقرير بالتفريط في حقوق 1860 ميونيخ -مفاجأة- كان عنده علاقات قوية مع مسئولي بايرن..ليه؟ لأنه كان أحد مسئولي مجموعة كرشه ميديا جروب اللي بايرن اتفق معاها الاتفاق السري اللي ذُكر في الحلقة.
في تقارير عديدة عن فضيحة كرشه، وٌصف مسئولي بايرن ميونيخ بأنهم كانوا أشبه بمشجعين لكرشه ميديا جروب "Lobbyists for Kirch Media Group" من كتر ما كانت مصالحهم متقاطعة، ودي نقطة شٌرحت باستفاضة في الحلقة.
4- تسيفتسر بيبتدي كلامه بإنه بيقول إنه كان وقتها عنده شغل تاني ثم استعان بيه المحامي جيدو كامبلي للتحكيم في قضية بيع حقوق الاستاد، وبالتالي تسيفتسر استعان بمراجع مالي عشان يقيم وضع 1860 ميونيخ ويشوفوا حيعملوا إيه.
5- تسيفتسر بيقول إنه المراجع المالي اللي هو استعان بيه قاله إن النادي مافيهوش أي شيء صالح للبيع غير حقوق الملعب.
المفاجأة التانية إن تسيفتسر نفسه كمان بيقول إنه هذا المراجع المالي كان بيشتغل مع بايرن ميونيخ نفسه، ورغم كده هو وثق في كلامه.
دي لو نكتة محدش حيصدقها.
المفاجأة التانية إن تسيفتسر نفسه كمان بيقول إنه هذا المراجع المالي كان بيشتغل مع بايرن ميونيخ نفسه، ورغم كده هو وثق في كلامه.
دي لو نكتة محدش حيصدقها.
من فضلك لاحظ إننا مازلنا بنفرغ نفس التقرير بتاع أ. غسان بدون الحاجة لمصادر تانية، في الواقع هو كشفلي إن الموضوع كان أوضع ما تخيلت كمان.
6-جزء من الاتفاقية كان اشتراط بايرن إنه تسيفتسر يفضل في منصبه كمدير عام لنادي 1860 ميونيخ، وإنه يجدد عقده ما يبقاش مجرد حكم في الاتفاقية، وإنه كمان لا يجوز لـ1860 ميونيخ إنهاء عقده إلا لو قدموا "سبب خطير يقنع إدارة بايرن ميونيخ".
ده الراجل اللي المفروض جاي يتفاوض مع بايرن ميونيخ.
ده الراجل اللي المفروض جاي يتفاوض مع بايرن ميونيخ.
7- الاتفاقية الأصلية كانت إنه بايرن يمنح 1860 ميونيخ حق العودة خلال 4 سنوات مقابل نفس المبلغ 11.3 مليون يورو+الفوائد، بعد ضمان الإبقاء على تسيفتسر في موقعه كمدير عام بايرن بعد سنتين طلبوا منه إلغاء الشرط ده مقابل مليون يورو فقط، ووافق.
8- بايرن كان طالب 6 مليون يورو إيجار سنوي للملعب من 1860 ميونيخ، تم تخفيضهم لأربعة مليون يورو، يعني كانوا حيسترجعوا اللي دفعوه في حصة 1860 خلال سنتين تلاتة.
9- بايرن كمان ألزموا 1860 ميونيخ بدفع مليون يورو سنويًا لشركة الـ catering بتاعت الاستاد، وألزموهم بتحمل تكاليف 80% من مقصورة الـvip حتى لو ماستخدموهاش خالص.
10- تسيفتسر نفسه كمان بيقول إنه إحنا ما فاوضناش بايرن أصلًا على سعر(حقوق الملعب تساوي أضعاف أضعاف المبلغ اللي دفعه بايرن) ولكن إحنا حسبنا 1860 ميونيخ محتاج كام بالظبط عشان ما يعلنش إفلاسه، والمبلغ كان 11.3 مليون يورو بالظبط وده اللي بايرن دفعه بغض النظر عن القمية الحقيقية.
11- واجرشاوسر قال إنه تسيفتسر كان المفروض يستنى لغاية ما يجيله عرض أفضل من عرض بايرن، لكنه تسيفتسر قال إنه محدش قدم عروض.
الخلاصة؛ القصة كلها تمت عن طريق تسيفتسر والمراجع المالي، الأول كان بيشتغل في كرشه ميديا جروب وله علاقات قوية في بايرن، ووجوده هو اللي سمح لبايرن يلغي حق 1860 ميونيخ في العودة مقابل مليون يورو بس، والتاني كان بيشتغل في بايرن بالفعل.
دي معلومات توضح إن الموضوع أسوأ بكتير من مجرد "استغلال بايرن للظرف أسوأ استغلال" زي ما أنا قلت في الحلقة، والأهم، توضح إن أ. غسان حط لنك ألماني اعتمادًا على إنه محدش حيراجع وراه، بينما كل تفصيلة في اللنك هي فضيحة مستقلة بذاتها.
والحقيقة أنا مش عارف ليه حد زي أ. غسان يكون قادر يقرأ ألماني، وعارف الموجود في اللينك يدعي الكذب على حد تاني لمجرد إنه يشبح للنادي اللي بيشجعه، وبالثقة دي، انتهى.
لينك ثريد أ. غسان
حوار تسيفتسر
sueddeutsche.de
لينك ثريد أ. غسان
حوار تسيفتسر
sueddeutsche.de
جاري تحميل الاقتراحات...