احياناً البعض منا لما بيعمل عمل خير ثم يحدث له ابتلاء بسبب هذا العمل
للأسف في مننا ناس بتقول هو ده جزاء اللي يعمل عمل خير ؟ هو ده جزاء اللي يعمل حاجة كويسة للناس شوف بيحصله ايه والمشاكل اللي بتحصله
انما شوف النبي صلى الله عليه وسلم اما ابتُلِيَ
بسبب الدعوة عمل ايه
1

ذهب يدعو الناس في الطائف ماشيا على قدميه فلم يجيبوه وسلطوا عليه الغلمان ...ضربوه بالحجارة وطاردوه وسبّوه
منظر صعب جدا لأي انسان ..
قعد بعدها تحت ظل شجرة ثم صلى ركعتين وقال ايه ؟
هل قال هو ده جزاء اللي يدعو الناس ؟
هل قال هو أنا عملت ايه ؟
2

هل قال انا عملت اللي عليا وخلاص اريح بقى ؟
قال صلى الله عليه وسلم ( اللهم إني اشكو اليك ضعف قوتي وقلة حيلتي وهواني علي الناس )
شوف ...مشتكاش ربنا .... انما اشتكى لربنا .....
( أنت رب المستضعفين وأنت ربي إلى من تكلُني إلى عدو يتجهمني أو إلى قريب ملكته أمري )
3

وعشان يثبت إنه مش بيعترض على اللي حصله قال ( إن لم يكن بك عليّ غضب فلا أبالي ) إن مكانش ده غضب منك عليّ !! ولا يفرق معايا
وبرضو عشان ميبقاش ده دعاء انه يستمر البلاء
4

قال ( غير أن عافيتك أوسع لي أعوذ بنور وجهك الذي أشرقت له الظلمات وصلح عليه أمر الدنيا والآخرة أن تنزل بي غضبك أو يحل علي سخطك ، لك العتبى حتى ترضى ولا حول ولا قوة إلا بك).
يبقى الابتلاء زاده قرب من الله عز وجل ، وهو الأسوة الحسنة هو أفضل مثال للانسان أن يقتضي به
5