الغموض
القصص الشخصية
التكنولوجيا
قصة
الطيران
قصص حقيقية
حكاية قصيرة
الطائرات المفقودة
غموض الحياة الواقعية
ثريد :
عن اختفاء طياره وعودتها بعد 35 سنه والصدمه بداخلها !
عن اختفاء طياره وعودتها بعد 35 سنه والصدمه بداخلها !
في البدايه تنويه مهم للي يشوف التغريدات وهو مو من متابعيني، حسابي انزل فيه ثريدات مختلفة باستمرار ❤️
اما الحين خلونا نبدأ بالقصه اللي راح تحسونها اقرب شوي للخيال من غرابتها كأنها مو قصه واقعيه بس اللي يصدم انها واقعيه وفيه مستندات تثبت هذا الشي
قصتنا اليوم تتكلم عن رحلة 513 سانتياغو قصة رحلة هالطياره تعتبر من اكثر القصص غموض وغرابه
لانها ببساطه اختفت هالطياره من قبل اكثر من 35 سنه من ظهورها يعني اختفت وبعد 35 سنه لقوها والغريب بالموضوع انهم لقوها وهي تطير !
مالقوها محطمه او مكسره انتم مستوعبين انها 35 سنه !!! خلونا نجي لتفاصيل القصه تبدأ احداث هذي القصه في مدينه اسمها ( اخن ) هذي المدينه موجوده بالمانيا الغربيه
الطياره هذي طارت من مطار هذي المدينه سنة 1954 4 سبتمبر "طيران روتيني" يعني مو اول مره تطير وكان على متن هذي الطياره 92 شخص ومن ضمنهم طاقم الطياره اللي كانو 4 اشخاص
هذي الطياره كانت متجهه لسان تياغو اللي كانت بالجانب الاخر من المحيط الاطلسي بعد ساعات قليله من طيران الطياره من المطار انقطعت جميع الاتصالات بينها وبين اي جهه ثانيه بشكل غريب
وتحديدا بعد مامرت من المحيط الاطلسي وفجأه اختفت الطياره بدون اي اثر وفي يوم 12 اكتوبر 1989 وبشكل غريب شافو الطياره تطير فوق مطار بورت اليجر
اللي يشتغلون ببرج المراقبه بهالمطار كانو مصدومين ان معقوله هذي الطياره اللي كانت مختفيه من قبل 35 سنه
طبعاً مطار بورت اليجر موجود بالبرازيل وانتظرو لين هبطت الطياره بسلام على هالمطار بعد ماكانت تسوي عملىٍة دوران حول المطار
سلطات المراقبه اللي كانت تشتغل بالمطار ماستلمو ولا اشاره من الطياره ان فيه طياره راح تهبط فهذا المطار وهذا اللي خلى الموضوع اكثر غموض ومثير للشكوك
عشان كذا سلطات المراقبه طلبو من الحكىومه انها ترسل مجموعه امنيه عشان يفتشون الطياره ف بعد مادخلو المجموعه الامنيه للطياره انصدمو وحسو برعب ليش ؟ لانهم شافو المنظر المرعب داخل الطياره
شافو 92 هيكل عظمي قاعدين بمقاعدهم ومن ضمنهم الهيكل العظمي اللي كان يقود الطياره اللي كان اسمه ميقل فيكتور كيري
هذي الحادثه ماكانت ابدا بالامر الهين وواجهت الكثير من المصاعب والغموض بالذات التفاصيل المثيره للتساؤلات
ف مثلا كيف الطياره قاعده تطير وكل الركاب هياكل عظميه !؟ وكيف نزلت بسلام وكل الركاب هياكل عظميه !؟ مين اللي كان يسوق الطياره !
ومن الباحثين اللي حاولو انهم يجيبون تفسير لهذي الحادثه هو الدكتور سلسو اتيلو الباحث في علوم ماوراء الطبيعه ف يقول سلسو اتيلو اكيد الطياره مرت او دخلت في شي يسمونه الفجوه الدوديه
الفجوه الدوديه لها اسم ثاني وهو الثقب الدودي وهي باختصار ممرات دوديه تخيليه موجوده داخل الثقب الاسود واتوقع اغلبكم يعرف وش الثقب الاسود
ونظرية الثقب الدودي تتكلم عن موضوع غريب اللي هو يقول لما تدخل من الثقب الدودي تنتقل الى كون ثاني وزمن ثاني
عشان كذا سيسلو اتيلو قال ممكن ان هالطياره دخلت بهالثقب الدودي وانتقلت الى زمن اخر ورجعت بس الشي اللي مستغرب منه سيسلو اتيلو ليش بعد مادخلو الثقب الدودي تحولو الى هياكل عظميه
وكيف هذي الهياكل العظميه كانت تتحكم بالطياره ونزلو بسلام هذا الشي اللي مو فاهمه والغريب ان الحكومىه البرازيليه ماصرحت ولا نشرت اي شي يخص نتائج البحث اللي بحثوها عن هذي القضيه
وتسكر الملف واخر شي سمعوه ان الحكومىه البرازيليه شكلت مجموعه من الاشخاص عشان يبحثون عن حقائق هذا الموضوع ولانهم خلو البحث بالسر هذا الشي اثار غضب الناس كلها لان فيه ناس كثير من المدنيين طالبو الحكومىه البرازيليه انهم يفتحون المجال لهم
ولهنا انتهت قصتنا استقبل نظرياتكم تحت بالمنشن للي عنده لانها تهمني كثير واذا بتسألون هل الطياره فعلاً كانت موجوده ؟ اي موجوده لان مستنداتها عند الحكومىه البرازيليه
هل تؤمنون بالثقب الدودي والسفر عبر الزمن ؟ والاكوان المتعدده او لا ؟ اكتبولي تحت بالمنشن للي عنده رأي والرأي اللي يعجبني بسويله لايك
جاري تحميل الاقتراحات...