الفيديو المنتشر دا واللي مصدره لجنة روسية جزء من لقاء لمستشار لزيلينسكي والعباقرة العرب بيتداولوه ويقولك شوف كشف المؤامرة العالمية بالمهلبية اللي تم اشعالها عشان اوكرانيا تدخل الناتو ضد رجل المخابرات القوي أخطر خطير وكأن الروس مش هما اللي خدوا قرار الحرب.
بعيد عن بلاهة المحتوي العربي المعتاد فالحوار الكامل هنا واللي تم قبل انتخابات الرئاسة والبرلمان الاوكراني في 2019 وفي الفيديو بيتم التنظير لهدف الحملة الانتخابية وأن الهدف الاستراتيجي للدولة اللي لازم الأوكرانيين يركزوا عليه مش الظروف الاقتصاديةوالاجتماعية
youtube.com
youtube.com
لكن الهدف الاساسي هو الاستعداد لجولة جديدة مع الروس بعد كارثة 2014 وإن معندهمش غير خيار التبعية للروس أو الانضمام للناتو
فيه نقط كانت تنظير سياسي دعائي وبعضها كان تحليل وقراءة صحيحة زي توقع إزاي الروس لو قاموا بعمل عسكري واسع ضدهم هيتم ازاي وخطوط المواجهة والخيارات الروسية ضدهم
فيه نقط كانت تنظير سياسي دعائي وبعضها كان تحليل وقراءة صحيحة زي توقع إزاي الروس لو قاموا بعمل عسكري واسع ضدهم هيتم ازاي وخطوط المواجهة والخيارات الروسية ضدهم
وأهدافها السياسية والعسكرية ودا يدل ان الروس كانوا مكشوفين بزيادة ومن بدري ..أما بالنسبة لموضوع التوقع فكان ضمن اطار توقع إحتمالية حدوث عملية عسكرية واسعة أو عدة عمليات في الفترة بين 2020 لحد 2030 مش زي ما الايحاء الظاهر في الجزء المقصوص ونشره بالشكل دا علي اساس شوفوا المؤامرة
الماسونية العالمية السرية العلنية واحنا كشفناها الخ من البلاهات اللي بنشوفها بالمحتوي العربي أو البروباجندا الروسية التقليدية.
كلامه ان الرغبة في الانضمام للناتو والاصرار علي عدم التبعية للروس تمنها عند الروس هو تدمير اوكرانيا وتحويلها لمجموعات من الدويلات الفاشلة علي غرار القرم
كلامه ان الرغبة في الانضمام للناتو والاصرار علي عدم التبعية للروس تمنها عند الروس هو تدمير اوكرانيا وتحويلها لمجموعات من الدويلات الفاشلة علي غرار القرم
والدونباس وبالتالي تسقط رغبة الناتو في ضمهم بتحويلهم لعبء سياسي وأمني بدل من دولة موحدة بكتلة سكانية واساس اقتصادي وأمني ممكن يتبني عليه خط ردع جديد ودا كان بيتقال صراحة من محللين تابعين للروس والتهديد المستمر بتكرار تجربة جورجيا وعشان كده بيشرح ان الخيار الأستراتيجي الأوكراني
واضح ..الانضمام لحلف عسكري زي الناتو أو ضمانة أمنية ترفع عنهم اعباء تكاليف الدفاع المنفرد عن حدود اوكرانيا ضد الروس وتحالف اقتصادي وسياسي يضمن استمرار التجربة السياسية الحالية وإن القدرة علي هزيمة الهجوم الروسي المتوقع مع موجة قوية من العقوبات إما في افضل سيناريو محتمل يتسبب في
تفكك مجموعة الحكم الروسي وتوتر داخلي ممكن يسمح بتكرار ظروف التسعينات من ضعف داخلي يسهل انضمام اوكرانيا للحلف بشكل رسمي بعد اثبات كفاءتهم القتالية في الحرب المحتملة واللي هتثبت ان اي توافق مع الروس اقتصادي او تقاسم نفوذ سياسي لا يمكن الثقة فيه وان الحالة العدائية للغرب من مجموعة
الحكم الحالية اساسي ومنهجي وبالتالي لازم يكون فيه كتلة اضافية تساعد علي توازن الاوضاع في شرق اوروبا بكتلتهم السكانية واقتصادهم لمنع تكرار الحالة العدائية بالشكل دا مستقبلا.
الغريب إن دي الرسالة اللي ترشحوا علي اساسها ونتيجة التصويت المفترض انها كانت مؤشر علي ان مشروع العداء للروس
الغريب إن دي الرسالة اللي ترشحوا علي اساسها ونتيجة التصويت المفترض انها كانت مؤشر علي ان مشروع العداء للروس
بقي مشروع شعبي وعليه كان مدهش إن الروس صدقوا وهم إن الشعب رافض مجموعة الحكم الحالية وهيستقبل الجيش الروسي بالورود!
كتير بيتصور ان الصراع الحالي وليد لحظة حكم ادارة بايدن مش صراع بدأ من 2004 سياسيا وتفاقم بشق عسكري في 2014 واللي رغم الهدنة كانت الاشتباكات مستمرة وراح فيها كتير.
كتير بيتصور ان الصراع الحالي وليد لحظة حكم ادارة بايدن مش صراع بدأ من 2004 سياسيا وتفاقم بشق عسكري في 2014 واللي رغم الهدنة كانت الاشتباكات مستمرة وراح فيها كتير.
لحظة 2014 في شهادة كتير من اللي شاركوا بتدريب الجيش الاوكراني سواء في لقاءات صحفية او حتي في spaces هنا كانت لحظة مهانة وصدمة لعناصر الجيش الاوكراني بخسارة القرم بدون طلقة وخساير واسعة في الدونباس من وحدات قتالية محدودة وقد ايه كان الاهتمام باعادة تنظيم القوات الأمنية بكل أشكالها
للاستعداد للحظة التصعيد الجاية .. فمش غريب انك تلاقي الخطاب دا متدوال وسط معسكر الحكم السياسي الاوكراني ومش غريب ان يكونوا مستنفرين للهدف المتوقع دا.الاستعداد للجولة الجديدة مع الروس سواء في معركة واسعة مع الروس او في نزاعات محدودة متكررة علي غرار الدونباس معلن ومعروف من سنين.
يمكن اللحظة الخادعة هي إنهيار القوات الحكومية الافغانية بعد الانسحاب الامريكي وتوقع انهيار مماثل في اوكرانيا وان عمليات التطوير والتدريب والدعم مش هتفرق كتير ومع صدمة الهجوم الأولي هتتكرر نفس الصورة وزود تصديق الروس لكدبتهم ان الشعب رافض للسلطة دي وهيستقبل الجيش الروسي بالورود.
وبقدر كون اللقاء تنظير دعائي لأجندة مرشح لكن بيدي نظرة علي العقلية اللي بتدير المعركة واللي بتضغط بالوضع الانساني لمزيد من العقوبات علي روسيا والحصول علي اكبر قدر من الدعم العسكري واللي الاداء العسكري الروسي وكوارثه ومقاومة الاوكران وتنظيمه بتسهل الاتنين. ومن ناحية تانية بتحاول
تدفع التفاوض للقبول الانضمام للاتحاد الاوربي كبديل للناتو مرحليا وضمان حالة الحياد الأمني بشكل مكتوب بس بوجود ضمانة أمنية تمنع اي عملية روسية مستقبلية واللي تم طرح شكلين ليها حاليا.واحدة اثناء زيارة رؤساء وزراء بولندا وجمهورية التشيك وسلوفينيا لكييف وهي نموذج بعثة سلام من الناتو
تضمن بقاء النظام واللي سبق للروس رفضوا فكرة مشابهة لقوات اممية بامتداد الحدود.أو نموذج دول ضمان تتدخل عسكريا لضمان الاتفاق السياسي من دول الجوار زي بولندا وتركيا.فكرة الضمانة الأمنية بتمثل للاوكرانيين مرحلة أمان وسيطة بتدي مساحة زمنية لإعادة تنظيم الداخل
بشكل أقوي وتشكيل الهوية الوطنية الجديدة اللي اتولدت في المعركة الحالية وعلي أمل ان العقوبات العنيفة تحقق اثرها داخليا علي الوضع الروسي وتقدر تفكك في منظومة الحكم السياسي الروسي وتكرار حالة ما بعد انهيار الاتحاد السوفيتي واللي تسمح ليهم باستغلالها والانضمام للحلف مستقبلا.
الفارق الاساسي ان الاوكرانين عارفين عايزين ايه ومستعدين ليه من سنين مقارنة برهان روسي متهور فشل بتحقيق هدفه الأساسي ومستمر في المعارك والتفاوض لكسب الوقت علي أمل يوصل لحاجة يعرف يسوقها داخليا كأنه انتصار ويحاول يحجم تبعات الكارثة اللي عملها علي الحكم والوضع داخليا وترحيل أي اهداف
تانية لمرحلة لاحقة وتحولت من معركة يثبت فيها قوته للوصول لتفاوض تقاسم نفوذ إقليمي لتأمين مكتسبات تجربة استمرت أكتر من 20 لمعركة كشفت وزنهم الحقيقي ومعركة وجودية عايز ينقذ ما تبقي من المكتسبات دي ويمنع انهيار منظومة الحكم الحالية والمرتبطة بشخص بوتين نفسه واللي هتنتهي بنهايته.
جاري تحميل الاقتراحات...