من المُستحيل محاولة قيادة سيارة بدون بنزين.. دة الضبط حال ميسي مع باريس سانت جيرمان.
🌟| ثريد عن الأسطورة ليونيل ميسي..
🌟| ثريد عن الأسطورة ليونيل ميسي..
من كم شهر ميسي فاز بكوبا أمريكا وكان مقدم أداء أقل ما يُقال عليه انه خارق بتسجيله 4 أهداف وصناعته لـ5.
قبلها بفترة بسيطة ختم موسم 2020/2021 بـ38هدف و14 أسيست.
أداء ميسي الموسم الماضي كان واضح إنه أداء خارق من لاعب بعيد تمامًا عن جملة"الإنتهاء".. مافيش لاعب بينتهي بين يوم وليلة.
قبلها بفترة بسيطة ختم موسم 2020/2021 بـ38هدف و14 أسيست.
أداء ميسي الموسم الماضي كان واضح إنه أداء خارق من لاعب بعيد تمامًا عن جملة"الإنتهاء".. مافيش لاعب بينتهي بين يوم وليلة.
ميسي في الموسم الأخير مع برشلونة مع كومان، كان فريق برشلونة أقل ما يُقال عليه انه فريق متهالك، مع ذلك كان منافس على الليجا لأخر الجولات..
لولا أخطاء خزعبلية من لونجليه وشتيجن كان ممكن برشلونة تحسم لقب الليجا.. لكن في العموم كان فريق سيء تمامًا ومع ذلك قدر ينافس..
لولا أخطاء خزعبلية من لونجليه وشتيجن كان ممكن برشلونة تحسم لقب الليجا.. لكن في العموم كان فريق سيء تمامًا ومع ذلك قدر ينافس..
فريق برشلونة "السيء" اللي قدر ينافس ريال مدريد وأتليتيكو كان بسبب ميسي طبعًا، الفريق كان بيتمحور حوالين ميسي، الهدف الرئيسي لأغلب لاعيبة برشلونة في الملعب = التمرير لميسي وهو عليه الباقي..
داني ألفيش كان بيتكلم مرة عن ميسي وإنه لازم يكون حاضر في الـمباراة طول الوقت بلمسة للكرة ، وإن ده حتى كان بيضايق بيب جوارديولا وقتها..
ميسي سواء في قمة مستواه البدني أو اخر كم سنة لما كبر ومستواه البدني قل، لازم يكون هو محور الفريق، لازم الكرة تعدي من عنده كل شوية، لأنه مختلف عن أي لاعب أخر.
هو مش لاعبRunnerممكن يقعد ربع ساعة مستني الكورة تتلعب في ضهر الدفاع ويجري وراها، أو مهاجم مستني كورة عالية توصله!
هو مش لاعبRunnerممكن يقعد ربع ساعة مستني الكورة تتلعب في ضهر الدفاع ويجري وراها، أو مهاجم مستني كورة عالية توصله!
شيء بديهي إن اللاعب مجهوده البدني وحركته بدون الكرة بتقل لما يكبر في السن، عشان كده هتلاحظ إن ميسي مع مرور الوقت مركزه كان بيتغير في الملعب من الجناح "على الخط"، لنص الملعب "كـ صانع لعب"..
وده التغير في الخرائط الحرارية لميسي على مر السنين..
وده التغير في الخرائط الحرارية لميسي على مر السنين..
ميسي هو المحرك لكل حاجة بتحصل في الملعب، وده شيء "قليل" على أفضل مُمرر في تاريخ اللعبة، وأفضل لاعب عنده رؤية في تاريخ اللعبة بمسافة عن أي لاعب أخر.. حتى ميسي ممكن يستلم الكرة بين الخطوط وتحت ضغط ويخرج تمريره للاعب تاني في أخر الملعب بكل سهولة.
مستوى ميسي"فنيًا" لا خلاف عليه حاليًا، ميسي بيقدر يستلم في أصعب المواقف ويطلع تمريرات مستحيل لاعب غيره على مر تاريخ اللعبة يقدمها..
في مباراة الذهاب ضد ريال مدريد مثلًا ميسي استلم في نص الملعب وعمل أسيست لمبابي اللي مكانش في الكادر أصلًا..
في مباراة الذهاب ضد ريال مدريد مثلًا ميسي استلم في نص الملعب وعمل أسيست لمبابي اللي مكانش في الكادر أصلًا..
ميسي هو اللاعب اللي بيحرّك الملعب ومنظومة اللعب، هو المتحكم في عجلة الملعب، ببساطة هو الشخص اللي عنده بتبدأ الهجمات وصناعة اللعب، وأحيانًا بيكون هو الشخص اللي بينهيها..
ده اللي اعتدنا عليه من ميسي السنين الأخيرة خصوصًا بعد إعتزال تشافي وإنييستا..
ده اللي اعتدنا عليه من ميسي السنين الأخيرة خصوصًا بعد إعتزال تشافي وإنييستا..
ميسي مش اللاعب اللي بيستني زمايله يقوموا ببناء اللعب ويسجل هو الأهداف ويتحرك في ضهر المدافعين، لسببين:
1- ميسي كبر وسرعته قلت وحالته البدنية اختلفت
2- ميسي بيقوم ببناء اللعب والتمرير أحسن من أي حد تاني
*يعني الأولى الكورة تكون في رجله هو الأول، وتكون معاه أكتر من أي حد تاني..
1- ميسي كبر وسرعته قلت وحالته البدنية اختلفت
2- ميسي بيقوم ببناء اللعب والتمرير أحسن من أي حد تاني
*يعني الأولى الكورة تكون في رجله هو الأول، وتكون معاه أكتر من أي حد تاني..
بما إن فريق باريس عنده لاعيبة كتير هي اللي عادةً بتقوم ببناء اللعب والصعود بالكرة، زي فيراتي وباريديس وحكيمي ونيمار..
فـ معدّل لمسات ميسي للكرة بيقل، وده شيء ممكن نسميه "حماقة"، إن يكون عندك ميسي ومتحاولش تمحور اللعب حوالينه، ده ميسي😅
فـ معدّل لمسات ميسي للكرة بيقل، وده شيء ممكن نسميه "حماقة"، إن يكون عندك ميسي ومتحاولش تمحور اللعب حوالينه، ده ميسي😅
ميسي مبيكونش متاح له كتير انه ينزل يستلم الكورة في التلت التاني من الملعب زي ما كان بيحصل في برشلونة، لأن فيراتي وباريديس بيعملوا كده، فـ بالتالي ميسي مبقاش يستلم وهو كاشف الملعب، وبيضطر يستلم في التلت الهجومي، اللي هو مكان اللاعيبة السريعة والمهاجمين.
مع فالفيردي 2017، من أحسن مواسمه كان ميسي بيلعب في الزون 14 تقريبًا..
كان معاه سواريز، فوكال بوينت يقدر يـ سكرين دفاع الخصم ويوفر لميسي المساحة علي القوس اللي هو محتاجها.
ماتشات صعبة في الليجا خلصت بسبب تحرّك لويس وفينيش ميسي من برا المنطقة
ده شيء مش متاح عند لاعبي باريس..
كان معاه سواريز، فوكال بوينت يقدر يـ سكرين دفاع الخصم ويوفر لميسي المساحة علي القوس اللي هو محتاجها.
ماتشات صعبة في الليجا خلصت بسبب تحرّك لويس وفينيش ميسي من برا المنطقة
ده شيء مش متاح عند لاعبي باريس..
ببساطة ميسي عامل زي العربية، والكورة هي البنزين.. العربية عشان تمشي محتاجه بنزين.
وميسي عشان يشتغل والمكنة تطلّع قماش محتاج يلمس الكورة كتير ويكون هو المُتحكم في اللعب..
وميسي عشان يشتغل والمكنة تطلّع قماش محتاج يلمس الكورة كتير ويكون هو المُتحكم في اللعب..
طبعًا فيه عوامل تانية ممكن تأثر على أداء اللاعب، لكن ميسي كان قادر يشيل فرق كامل مليان عاهات ولاعيبة متوسطة ويوصل بيهم نص نهائي الأبطال ويحسم بيهم الليجا... إلخ
فـ شيء منطقي إن ميسي لما يروح يلعب مع فريق أقوى كأسماء إنه يتألق أكتر، وده حقيقي، لكن أنت ماينفعش يبقى معاك فريق فيه لاعيبة كتير بتقوم بأدوار معينة..
فـ تروح تجيب أحسن لاعب في التاريخ بيقوم بالأدوار دي وتطلب منهم إنتاجية زيادة، ده شيء مش منطقي.
فـ تروح تجيب أحسن لاعب في التاريخ بيقوم بالأدوار دي وتطلب منهم إنتاجية زيادة، ده شيء مش منطقي.
مشكلة تانية كبيرة بتحصل في باريس، هو إن لاعيبة باريس مش مدركين مين معاهم في الملعب، بيتعاملوا مع ميسي على إنه دي ماريا مثلًا أو مجرد لاعب ممتاز وخلاص، طبعًا دي مشكلة أتيتيود لاعيبة ومحاولتهم للظهور إن مفيش نجم عليهم، ومشكلة المدرب اللي مش قادر يفهم حجم الكنز اللي عنده.
ميسي يقدر يلعب لحد سن كبير وقدامه سنين كمان وممكن ياخد بالون دور تامنة، مستوى ميسي"الفني"حاليًا، أعلى من أي لاعب تاني، يقدر وهو واقف في أي نقطة في الملعب إنه يصنع فرصة من العدم، يقدر يسجل من وضعيات مستحيلة..
كل اللي محتاجة ميسي، هو لاعبين ومدرب فاهمين ومدركين إن ده"ميسي"..
كل اللي محتاجة ميسي، هو لاعبين ومدرب فاهمين ومدركين إن ده"ميسي"..
شيء إضافي، وهو العامل النفسي، الناس بتتعامل مع لاعب كرة القدم على إنه روبوت، شيء بلا إحساس أو ان فيه عوامل نفسية بيتأثر بيها.. ميسي في أخر سنينه في برشلونة كان بيقدم كتير لإنه بيحب المكان والجمهور.. ميسي مع باريس فقد الشيء ده..
ميسي مع برشلونة لما كان مستواه بينزل شوية كانت الجماهير بتدعمه وبتظهر له كل الحب، مع باريس لأ، شيء طبيعي من لاعب عليه ضغوطات من 10 سنين انه احسن لاعب في التاريخ ولازم يحارب الكون كله في الملعب ويكسب كل البطولات وكل المباريات بدراعه..
بس مش منطقي ان لاعب واحد مهما كان يلعب ضد خصمه وضد مدربه وزمايله وطريقة لعبهم اللي مش بتخدم إمكانيّاته.. أو بيتعاملوا مع ميسي على إنه لسه الشاب الممسوس بجن اللي ممكن يفرك الملعب كله بكورة ومن غير كورة.
ميسي أفضل لاعب في التاريخ، سابقًا، حاليًا، مستقبلًا.. موسم واحد سيء لظروف خارجة عن إرادة ميسي مش هتغيّر شيء من أفضليته المحسومة من 10 سنين..
جاري تحميل الاقتراحات...