يرجع مرجوعنا للخديوي إسماعيل و فروته..حاولت أعمل ثريد منفصل لل Good Deeds و ال Bad Deeds كل على حدة بس كان صعب..كل حاجة كويسة كانت مضفرة بحاجة سيئة..ألا و هى الإقتراض الغير محسوب!
خللونا نتكلم عن القاهرة الخديوية (وسط البلد حاليا) اللي أنشائها إسماعيل و حركة العمران في بر مصر كله
خللونا نتكلم عن القاهرة الخديوية (وسط البلد حاليا) اللي أنشائها إسماعيل و حركة العمران في بر مصر كله
إسماعيل كان متيم بكل ماهو فرنسي و كان عاوز يبقى صنو لملوك و أمراء أوروبا و كانت حفلة قناة السويس فرصة عشان يبهرهم و يدفس نفسه وسطيهم .. لكن كان عنده مشكلة و هى أن عاصمة حكمه مش أد المقام و هاتعره بشواريعها المتربة و مبانيها القديمة و أهلها الذين يجهلون آداب السلوك العصرية
و شاف أن الإصلاح فيها مضيعة للوقت و المال و الأفضل أنه يبني مدينة جديدة حديثة يسكن فيها من الشعب اللي يشرفوه أدام ضيوفه من الأرستقراطيين و يردم على الرعاع و الدهماء بالنيلة الكحلي !
و إستعان بعبي باشا مبارك .. قاله عايزك تقب و تغطس تنقل لي باريس من ضفاف السين لضفاف النيل وإصرف ما يهمكش المهم تنجز وحياة والدك عشان الحفلة معندناش وقت ..و شمر على مبارك عن ساعدي الجد و إشتغل بإيديه و سنانه و في ظرف سنتين كان حي الإسماعيلية أنشىء من العدم على مساحة ميل مربع
لكن يشاء القدر أن لما الضيوف جم فضلوا يلفوا في شوارع و أزقة مصر القديمة .. ماهى باريس عندهم في أوروبا هاييجوا يشوفوا تقليدها في مصر ليه ؟؟ هم جايين يشوفوا مصر و معمارها و ثقافتها الخاصة اللي قروا عنها في منشورات الرحالة و الحملة الفرنسية !
الخواجة كايل أندرسون بيقول في كتابه المسألة الشرقية عن إنطباعه لما زار القاهرة أنه كان هناك قاهرتان لا تم إحداهما للأخرى بصلة و أن القاهرة الجديدة حملت القاهرة القديمة المزيد من الهموم و أن الخسائر الأثرية التي سببتها عملية الإنشاء كانت فادحة و بلا ضرورة تحتمها !
نفس الدماغ الكندوز سبحان الله !
و بيضرب مستر أندرسون مثل بشارع محمد علي أنه تم هدم كم كبير من المنازل البديعة و المساجد القديمة لمجرد أن يتم مد الشارع على إستقامته بلا إنحناءات من القلعة للأزبكية بطول ميلين و دون أن يكون هناك فرصة لتوثيق ما تم هدمه !
و بيضرب مستر أندرسون مثل بشارع محمد علي أنه تم هدم كم كبير من المنازل البديعة و المساجد القديمة لمجرد أن يتم مد الشارع على إستقامته بلا إنحناءات من القلعة للأزبكية بطول ميلين و دون أن يكون هناك فرصة لتوثيق ما تم هدمه !
الأثري آرثر رونية قال عن الشارع ده تحديدا أنه تم تحديد مساره وفقا للهوى و ليس للدراسة المتأنية و بيوصف أحد الرحالة أن الشارع أثناء الإنشاء كان أشبه بمشهد شارع تعرض للقصف و البيوت نصفها مهدم و نصفها لايزال مسكون!
إسماعيل فرح بالشارع أوي لدرجة أنه أمر بكنسه و رشه 3 مرات كل يوم !!
إسماعيل فرح بالشارع أوي لدرجة أنه أمر بكنسه و رشه 3 مرات كل يوم !!
جدير بالذكر أن إسماعيل باشا أنشأ حوالي 30 قصر في أنحاء متفرقة من مصر و قصر على البسفور إتكلف 2 مليون جنيه !
و منهم على سبيل المثال قصر عابدين، قصر الوالدة بحلوان، سراي الجزيرة و وصله بالقاهرة بإنشاء كوبري قصر النيل،قصر القبة، قصر الروضة، سراي الزعفران بالعباسية
و منهم على سبيل المثال قصر عابدين، قصر الوالدة بحلوان، سراي الجزيرة و وصله بالقاهرة بإنشاء كوبري قصر النيل،قصر القبة، قصر الروضة، سراي الزعفران بالعباسية
و وصل القاهرة بالأهرام بإنشاء طريق معبد بالحجارة عشان أوجيني كانت طالبة تزور الأهرامات و طلباتها أوامر ☺️
إسماعيل كان أول من وضع تماثيل كبيرة في الميادين في مصر الحديثة تمثال محمد على في إسكندرية و تمثال إبراهيم باشا في القاهرة و مد أنابيب المية للبيوت و نور الشوارع بعواميد النور
إسماعيل كان أول من وضع تماثيل كبيرة في الميادين في مصر الحديثة تمثال محمد على في إسكندرية و تمثال إبراهيم باشا في القاهرة و مد أنابيب المية للبيوت و نور الشوارع بعواميد النور
إسماعيل في خطبة العرش قال أن أساس الإدارة هوالنظام و الإقتصاد في المالية و أنه عزم على ترتيب مخصصات محدودة لنفسه لايتجاوزها أبدا وأنه هايبطل السخرة في بر مصر تماً ☺️
مع أنه حفر ترعة الإبراهيمية مثلا بالسخرة في ست سنين 🥳
قبل مايريحوا المؤخرة على الكرسي كلام و بعد يقعدوا كلام تاني
مع أنه حفر ترعة الإبراهيمية مثلا بالسخرة في ست سنين 🥳
قبل مايريحوا المؤخرة على الكرسي كلام و بعد يقعدوا كلام تاني
بعد الخطبة العظيمة دي بكام شهر إقترض أول قرض بقيمة 5 مليون و 704 ألف جنيه و كان المبرر دفع أقساط قرض سعيد باشا
جدير بالذكر أن ديون مصر عند وفاة سعيد باشا كانت 11 مليون تقريبا و في نهاية عصر إسماعيل كانت الديون حوالي 126 مليون !!
جدير بالذكر أن ديون مصر عند وفاة سعيد باشا كانت 11 مليون تقريبا و في نهاية عصر إسماعيل كانت الديون حوالي 126 مليون !!
القرض الأول ده رهن قصاده دخل مديريات الدقهلية و الشرقية و البحيرة و إستعمل جزء كبير منه في توسيع أطيانه و هايفضل يعمل كده و وكلاءه يضغطوا على الملاك عشان يبيعوا لحد ما بقى إسماعيل لوحده بيملك خُمس أراضي مصر الزراعية و مش أي أراضي .. دي من أجود أراضيها كمان !
بعدها بكام شهر عمل قرض تاني بقيمة 3 مليون و 387 ألف جنيه و ده القرض الوحيد اللي عمله بغرض نبيل و صرفه فعلا في الغرض ده !
إزاي؟ هاقولكم .. بعد إنتهاء الحرب الأهلية الأمريكية رجع القطن الأمريكي يزاحم القطن المصري في الأسواق العالمية
إزاي؟ هاقولكم .. بعد إنتهاء الحرب الأهلية الأمريكية رجع القطن الأمريكي يزاحم القطن المصري في الأسواق العالمية
و الناس في مصر كانت تعودت على بحبوحة العيش بسبب إرتفاع أسعار القطن كذا سنة ورا بعض و بناء عليه إشتروا بالأجل حاجات كتير على اسم المحصول و إقترضوا و جت الأسعار إنضربت فعرف الوضع ده باسم أزمة 1865
إسماعيل سدد ديون الأهالي للمرابين على أن يقسطوها للحكومة على 7 سنين مقابل فايدة 7 في المية و رهن قصاد القرض ده 365 ألف فدان من أطيانه !!
الراجل ده هايجنني 🙃
الراجل ده هايجنني 🙃
سنة 1866 إسماعيل أخد قرض تاني بقيمة 3 مليون و شوية فكة و إستخدمه في رشوة السلطان و بلاطه و تقديم هدايا باهظة عشان يحصل على فرمان بحصر وراة العرش في أكبر أبناءه الذكور مش أكبر أبناء الأسرة العلوية
القرض ده رهن قصاده إيرادات السكة الحديد !
بالمناسبة هو أنشاء سكك حديدية في مصر و السودان بإجمالي طول 1085 ميل و الميل كان بيتكلف 11 ألف جنيه و هو اللي عمل خط السكة الحديد القاهرة غزة و خط اسوان وادي حلفا !
بالمناسبة هو أنشاء سكك حديدية في مصر و السودان بإجمالي طول 1085 ميل و الميل كان بيتكلف 11 ألف جنيه و هو اللي عمل خط السكة الحديد القاهرة غزة و خط اسوان وادي حلفا !
و سنة 1877 بياخد إسماعيل قرض جديد عشان يكمل قصوره و يفرشها!
مافيش شك أن بطانة السوء بتقوي قلب اللي عالكرسي و بتسعفه دايما بأفكار ينحني لها الشيطان إجلالا بطلنا هنا إبليس من الأبالسة اسمه إسماعيل باشا صديق وزير المالية 8 سنين حمل مصر فيهم صنوف و ألوان من القروض لحد ما إسماعيل قتله
مافيش شك أن بطانة السوء بتقوي قلب اللي عالكرسي و بتسعفه دايما بأفكار ينحني لها الشيطان إجلالا بطلنا هنا إبليس من الأبالسة اسمه إسماعيل باشا صديق وزير المالية 8 سنين حمل مصر فيهم صنوف و ألوان من القروض لحد ما إسماعيل قتله
كان فنان دماغه ذرية في تدبير أي فلوس يطلبها إسماعيل لدرجة توريط مصر في عمليات نصب!
و كان كل فلوس بيجيبها لإسماعيل له نصيب منها لحد ما تضخمت ثروته و نفوذه في القصر و الحكومة و على الخديوي نفسه بلا حدود !
و كان كل فلوس بيجيبها لإسماعيل له نصيب منها لحد ما تضخمت ثروته و نفوذه في القصر و الحكومة و على الخديوي نفسه بلا حدود !
سنة 1868 بياخد إسماعيل قرض كبير قيمته 11 مليون جنيه و 890 ألف القرض ده اللي عمل منه حفلة إفتتاح القناة و كمل فرش القصور عشان إستقبال الضيوف و قدم منه هدايا و رهن قصاده إيرادات الجمارك و الكباري و الملح و مصايد السمك و كان شرط القرض عدم الإقتراض لمدة خمس سنين !!
هنا بقى بدأ اللعب
هنا بقى بدأ اللعب
كل ده و السندات اللي على الخزانة (القروض السائرة) شغالة ما وقفتش و وصلت لوحدها ل 12 مليون جنيه بعد حفلة إفتتاح القناة!
طيب .. الوضع كان كالتالي .. الخزانة عالحميد المجيد و في أقساط لازم تندفع و في مرتبات و معاشات و بلاوي زرقا بس هو مقيد بشرط عدم الإقتراض خمس سنين
طيب .. الوضع كان كالتالي .. الخزانة عالحميد المجيد و في أقساط لازم تندفع و في مرتبات و معاشات و بلاوي زرقا بس هو مقيد بشرط عدم الإقتراض خمس سنين
و هنا بيطلع إسماعيل صديق بفكرة لوذعية ..باع لتجار أجانب 500 ألف طن من ذرة القطن على المحصول الجديد و قبض التمن مقدم .. و باع نفس المحصول لتجار محليين و بردو قبض التمن .. ولما الفضيحة إنكشفت إشترى من التجار الأجانب اللي باعه لهم بدون ما يستلموه بسعر أكبر و بالتقسيط بفايدة 12%
أحيه
أحيه
و بعد ده كله بردو مافيش فلوس مكفياه و بيضطر ياخد قرض شخصي برة الخزانة بضمان أطيانه الشخصية .. عشان يمد خط سكة حديد لنقل القصب من أطيانه المرهونة لمصانع السكر اللي هايبنيها من القرض بردو ! 🫤
القرض كان قيمته 7 مليون جنيه .. يا حزني 😭
القرض كان قيمته 7 مليون جنيه .. يا حزني 😭
و سنة 1870 تقوم بين ألمانيا و فرنسا الحرب المعروفة باسم الحرب السبعينية و أوروبا تبطل تسلف أي حد تحسبا للظروف لغاية لما يشوفوا الحرب هاترسى على ايه !!
كده إسماعيل و وزير ماليته مابقاش أدامهم غير الشعب !!
فزود الضرايب ..
كده إسماعيل و وزير ماليته مابقاش أدامهم غير الشعب !!
فزود الضرايب ..
لكن ده ماكفاش أي حاجة من الإلتزامات الملحة .. فيخترع وزير المالية قانون اسمه قانون المقابلة !
ايه قانون المقابلة ده يا باز أفندي؟ ده بينص على أن اللي يدفع ضرايبه مقدم لست سنين أدام يعفى بعد الست سنين دول من نصف ضريبته ولا يسري عليه أي زيادات مستقبلية في الضرائب ☺️
ايه قانون المقابلة ده يا باز أفندي؟ ده بينص على أن اللي يدفع ضرايبه مقدم لست سنين أدام يعفى بعد الست سنين دول من نصف ضريبته ولا يسري عليه أي زيادات مستقبلية في الضرائب ☺️
في الطلعة دي إسماعيل لم 5 مليون جنيه !! آه و النعمة .. من جيوب الناس و بعد كده الحكومة نفضت لهم و طبقت عليهم كل الزيادات الجديدة في الضرايب و ما عفيتهمش من نص ضريبتهم زي ما وعدتهم 😂😂و اللي في قلعك أنفضه يا فلاح يا ابن الفلاح 🥳😜
و بعد مرور الخمس سنين شرط قرض ال 11 مليون بيزحف إسماعيل للأستانة عشان يستصدر فرمان من السلطان اللي كان حظر عليه الإستدانة إلا بموافقة شخصية منه و بذل أموال و دهب تحت رجلين السلطان و رجاله و بينجح و بياخد فرمان بلقب خديوي و بإعفاء من شرط إذن السلطان عند الإقتراض
و في نفس السنة 1873 بياخد إسماعيل القرض اللي عرف في كتب التاريخ باسم القرض المشئوم !
قيمته 32 مليون جنيه بشروط جائرة و قسط سنوي 2 مليون و نص جنيه الخزانة ما تحتكمش منهم على مليم بعد رهن مصادر الدخل القومية لقروض تانية !!
قيمته 32 مليون جنيه بشروط جائرة و قسط سنوي 2 مليون و نص جنيه الخزانة ما تحتكمش منهم على مليم بعد رهن مصادر الدخل القومية لقروض تانية !!
إسماعيل خاف يتحجز على اللي باقي من أملاكه الشخصية فبينقل ملكيتها لزوجاته و أولاده و بتقعد المحاكم الشرعية شهرين تستف له في العقود!
و ما فضلش معاه غير مصاتع السكر و 100 ألف فدان من أطيانه حججها باسمه ..بلدي أوي الحركة دي عظمتك 😂
و ما فضلش معاه غير مصاتع السكر و 100 ألف فدان من أطيانه حججها باسمه ..بلدي أوي الحركة دي عظمتك 😂
سنة 1874 إسماعيل مالقاش حد يسلفه .. فيتدور على مين ؟؟ اسم الله عليكم .. صح .. الشعب 😭
وزير ماليته السو لقى أن في أرصدة المعاشات لسه ما قلبوهاش .. بس بردو حتى لو خدوها مش كفاية فيعمل ايه ؟؟ يحول مصلحة المعاشات لشركة توظيف أموال !! 😂😂
وزير ماليته السو لقى أن في أرصدة المعاشات لسه ما قلبوهاش .. بس بردو حتى لو خدوها مش كفاية فيعمل ايه ؟؟ يحول مصلحة المعاشات لشركة توظيف أموال !! 😂😂
الناس تودع فيها بالأمر رؤوس أموال و الدولة تتاجر لهم فيها و تديهم فايدة 9% و أصدرت سندات بفئة اتنين جنيه و نص و خمسة جنيه .. الناس خافت فعلا و عرفوا أن فلوسهم بتتلم منهم غصب و إقتدار .. فكان بقى الإجبار و الإبتزاز و الورق ورقنا .. المهم الحكومة لمت 3 مليون و شوية فكة
الناس ما صرفتش غير جزء من أرباح السنة الأولى و إستعوضوا ربنا في فلوسهم .. و بيتدور إسماعيل و وزير ماليته على الأوقاف الخيرية ! يا دي الحوسة .. و يستولي على كاش حتى من صناديق النذور .. و بدأت المرتبات تتأخر للموظفين و الجيش و بيضطر يسرح ألفين و 500 جندي و ظابط و انقطعت المعاشات
الوكسة المالية اللي وقعت فيها مصر مكانش بس سببها سفه إسماعيل لكن كمان و كما قال اللورد كرومر أن القروض كانت شروطها جائرة و أن الشركات الأجنبية اللي كانت بتكلف بأعمال في مصر كانت بتطلب أجور أكبر بكتير من قيمة العمل .. لكن في النهاية محدش ضرب المحروس على ايده هو اللي راح لهم و وافق
خلاص كده إسماعيل بيقع في شر أعماله و بيوقع مصر كلها معاه و بيطلب من بريطانيا سنة 1875 أنها ترسل له خبير مالي يدرس الحالة المالية لمصر و يحط خطة للخروج من الورطة و كان هدفه الحقيقي أن يزغلل عنين الخبير بالفلوس و الهدايا فيكتب عنه تقرير كويس فيسترد ثقة بيوت المال الأوروبية و يستلف
المثل اللي بيقول ناهيتك ما إنتهيت و الطبع فيك غالب و ديل الكلب ما بنعدل و لو علقوا فيه قالب ده مش من فراغ و حق آمون .. مع كامل الإحترام للكلب و ديله لأنه كائن فعلا جميل مش زي بعض البشر 😂😂
بريطانيا قالت له أنت وقعت ولا الهوى رماك☺️وبتبعت له لجنةمن أربعة خبراء عرفت باسم لجنة Cave و بيكتبوا تقرير زي الزفت و القطران .. فرنسا قلقت من تدخل بريطانيا فبعتت هى كمان خبير اسمه فيلليه و بيكتب تقرير و بقدم إقتراحات و لأن إسماعيل دعيف أمام كل ماهو فرنسي بيميل للمقترحات الفرنسية
فبريطانيا إتغاظت وهددت إسماعيل بنشر التقرير بتاعها في دوائر المال الأوروبية فإسماعيل إحتج بأنه ده مكانش الإتفاق فرئيس الوزراء البريطاني بيزق واحد من أعضاء البرلمان يوجه له سؤال في جلسة من الجلسات و يسأله إمتى هاتنشر تقرير مصر المالي فيرد رئيس الوزراء بأنه معندوش مانع بس مصر رافضة
و دي كانت ضربة أسواء من نشر التقرير و فورا بتنهار أسعار السندات المصرية إنهيار مروع و الدائنين قلقوا على فلوسهم و بدأوا يضغطوا لإستردادها .. إسماعيل بقى لا حول له ولا قوة و بيقول للدائنين حطوا النظام اللي يريحكم و يطمنكم و أنا موافق .. فبتقدم فرنسا مشروع صندوق الدين 😭
صندوق الدين ده كان عبارة عن خزانة فرعية من الخزانة العامة المصرية و تم توحيد الديون و كل الباقي من إيرادات الدولة كان بيمر الأول على صندوق الدين و يتخصم منه الأقساط و لو فضل حاجة بتتمرر للخزانة العامة !! شوفتوا الذل 🫤
و كمان بيتم إنشاء مجلس أعلى للمالية بيتكون من 10 أعضاء و رئيس خمسة أجانب و خمسة مصريين .. و رغم كل الإجراءات دي بريطانيا شافت انها مش كفاية و إتقمصت و ما بعتتش مندوب يمثلها في صندوق الدين و قعدت تتشاور مع فرنسا يعملوا ايه عشان يجبروا إسماعيل على تقديم مزيد من التنازلات
كانوا عاوزين يحطوا السكة الحديد و ميناء الإسكندرية تحت إدارة لجنة مختلطة و فرض رقابة أوروبية على وزارة المالية و إستبعاد إسماعيل صديق قرين إبليس و تقديمه للمحاكمة أمام المحاكم المختلطة .. إسماعيل بيوافق و يقيل صديق و يعين حسين كامل اللي هايبقى بعد كده السلطان حسين كامل
إسماعيل خاف أن إسماعيل صديق وزير ماليته وشريكه في كل المصايب يفضحه في المحاكمة فقرر يقتله و فعلا غدر بيه بعد ما أمنه و إترمت جثته في النيل و إعتقد أنه كده خلاص أسرار تلاعبه المالي ماتت مع صديق لكن الحقيقة هو وقع تحت رحمة المندوبين الأوروبين عاريا إلا من دماغه الكندوز
مش بس إسماعيل اللي بقى تحت رحمتهم لكن الشعب كمان بقى تحت رحمتهم و خضع لعمليات تقليب لا تكل ولا تمل .. ضرايب و رسوم على كل شكل و لون و رغم كل ده بتفضل الخزانة عاجزة و مرتبكة أدام طوفان الديون و الأقساط و الحجوزات و المتأخرات و بيضطر إسماعيل يوافق على تشكيل لجنة التحقيق العليا ..
أكمل لكم وقت تاني بقى عشان تعبت .. 😅
*1867
جاري تحميل الاقتراحات...