اللي يقولك ليفربول هو اللي صنع صلاح يبقا كذاب وانا بقولك كدة وانا بقالي تلاتين سنة بشجعهم بمنتهى الشغف ولم اشجع غيره طول عمري تقريبا
انا بشجع ليفربول من قبل ما صلاح يروح ليفربولالحقيقة انا بشجع ليفربول من ايام ما صلاح كان لسة بيسنن.. وعيشت مع النادي ده ايام اسود من ريش الغراب
انا بشجع ليفربول من قبل ما صلاح يروح ليفربولالحقيقة انا بشجع ليفربول من ايام ما صلاح كان لسة بيسنن.. وعيشت مع النادي ده ايام اسود من ريش الغراب
فين وفين لما يبقا فيها يوم كويس .. واللي بيشجع ليفربول من زمان عارف انا بتكلم عن ايه وعارف احنا كجيل اكلنا عشم اد ايه واحنا بننافس لحد اخر نفس ومبناخدش الدوري .. ممكن نكسب دوري الابطال ونعمل نهائي محترم وممكن ناخد الكاس عادي بس الدوري؟ لا .. اخرنا نبقا المركز التاني ..
انا شوفت ستيفن جيرارد وهو بينزل الملعب اول مرة كناشئ في موسم ٩٨ وشوفته هو بيعتزل بعد ما حقق كل حاجة وبقا اسطورة النادي بس ما اخدش الدوري .. ونجوم تانيين بقا بييجوا ويروحوا زي سواريز ورحيم سترلينج ودانيل ستوريدج ومايكل اوين وبرضه مفيش دوري.. ثم جاء محمد صلاح ..
فحصلنا على دوري الابطال وحصلنا على الدوري وحصلنا على كأس السوبر الأوروبي وحصلنا على كأس العالم للأندية وحصلنا على كأس رابطة المحترفين..
الحقيقة ان وضع ليفربول بين الفرق الكبرى في العالم كان عتبة لم يتخطها النادي الا بعد صلاح وده كلام هقوله حتى لو صلاح ما كانش ابن بلدي
الحقيقة ان وضع ليفربول بين الفرق الكبرى في العالم كان عتبة لم يتخطها النادي الا بعد صلاح وده كلام هقوله حتى لو صلاح ما كانش ابن بلدي
وعايش متربع في سوادة القلب وطنيا .. لو كان هندي كنت هقول نفس الكلام .. صلاح سجل لليفربول امبارح هدفه رقم ٢٠٠٠ في الدوري الممتاز .. دي غلة ليفربول في البطولة من ١٢٩ سنة .. صلاح سجل من الالفين هدف دول ١١٥ هدف وصنع ٤٣ هدف غير اسهاماته في اهداف اخرى..
يعني صلاح ساهم في ٨٪ من اهداف ليفربول في الدوري في تاريخه كله!! في عهد صلاح بقا ليفربول سجل في البطولة ٣٩٩ هدف إجمالا، يبقا صلاح سجل في الفترة اللي لعب فيها حوالي اربعين في المية من اهداف النادي في البطولة!!
دي الاهداف بس في بطولة الدوري بس ..
دي الاهداف بس في بطولة الدوري بس ..
انما لما تتكلم عن وضعية النادي في العالم وعن دور صلاح في صناعة هذه الوضعية خلال السنوات الاخيرة يبقا تقف انتباه طبعا ..
انت لو مستجد هتبقا عارف عبارة you’ll never walk alone اللي بيغنوها في المدرجات علشان ده شعار النادي وكدة..
انت لو مستجد هتبقا عارف عبارة you’ll never walk alone اللي بيغنوها في المدرجات علشان ده شعار النادي وكدة..
انما لو انت قديم زي حالاتي هتبقا عارف عبارة تانية بتقول everyone hates liverpool .. كل الناس بتكره ليفربول وبتكره جمهوره علشان عايشين على الماضي ومغيبين عن الحاضر ولما بيكسبوا بيبقا حظ شياطين وعندهم خصومات مع كل الاندية تقريبا وعلشان بيعبدوا رموز لم تحقق بطولات اصلا ..
دلوقتي النادي بقت له شعبية اسطورية على الاقل في العالم العربي والاسلامي تحت اسم صلاح لوحده وشعبية النادي في اوروبا وفي انجلترا تضاعفت وتقدر تحسبها بسهولة من حجم عائدات النادي من المبيعات وعلى رأسها قميص محمد صلاح
روح يا ابني اي نادي يقدرك وكمل تاريخك وسيبنا نرجع للظل تاني
روح يا ابني اي نادي يقدرك وكمل تاريخك وسيبنا نرجع للظل تاني
لو منظومة ليفربول معندهاش تدفعلك راتب يناسب افضل لاعب في العالم يبقا خليهم لاساطيرهم الوهمية وشوف مستقبلك واصنع مجد لنادي تاني زي ما صنعت لليفربول اللي مش عايز يدفعلك حصتك المشروعة من الانجاز
منقول ابراهيم الجراحى
منقول ابراهيم الجراحى
جاري تحميل الاقتراحات...