اي دا ؟ فين زينه رمضان بتاعت كل سنه ؟ فين الناس اللي كانت بتلف بالفوانيس وتبقي فارشه قصاد محلاتها زي زمان ؟ فين الصواريخ اللي كنا بنبدا نضربها من نص شعبان احتفالا بحلول رمضان ؟ فين جدي اللي كان يخلينا نقص الزينه من الورق ونلزقها علي الخيط بالعجين ؟
فين رمضان يا جماعه بجد 🥺💔
فين رمضان يا جماعه بجد 🥺💔
فين اللمه بتاعتت كل سنه فيييين، فين العيال أصحابنا بتوع زمان اللي كانوا بيجيوا يندهوا عليا علشان نلعب سوا فييين ؟ فين اعمامي سابوا البيت ومشيوا لي ؟ جدي بطل يقولنا علي الزينه زي كل سنه لي ؟ فين رمضان بتاع 2010 و 2015 ؟ فين الناس اللي كانت بتيجي تزورنا ويقعدوا ..
مع امي قدام الباب ومراتاتت عمامي ويحكوا ويجيبوا أولادهم علشان نلعب سوا ونروح الغيط نركب الخيل ؟ اي اللي حصل من وقت ما 2020 دخلت والدنيا عبكت كدا جامد لي في رمضان فين الفوازير ؟ فين النقشبندي ..فين سهر الفجر في الشارع زي زمان واللمه اي الليييي حصل يا جماعه بس ..
لو عاد الزمن بينا بجد هبطل اشرب اللبن علشان اكبر، هبطل اتأفف من سندوتشات اللي امي كانت بتعملها، وكنت هبطل افرح وقت ما جرس المدرسه يرن معلنا عن انتهاء اليوم الدراسي واللمه مع عيال زمان، وكنت هصحي الصبح بدري وانا مبسوط اني رايح المدرسه ومش هنشف ريق امي تاني علشان اقوم ..وكنت ..
وكنت مش هعمل اي حاجه كانت السبب أنها تخليني اكبر وابقي ناضج، وكنت هتعلق اكتر باصحاب زمان ..وهزود حبه واتنين وتلاته في اللعب وسطيهم ..وكنت هبوس راس امي كل يوم الصبح علي كم الحنان اللي كان بتبثه فيا مع كل صبح ..وكنت هستمر علي الصحيان بدري حتي في الاجازه علي صوت قناه المجد ..
بقول المذيع قران يتليٰ اناء الليل وأطراف النهار مع فتحت الشبابيك اللي كان ليها طعم تاني بايد امي ..واكن النور كان موجود بيها وزاد لما فتحت شباك الصاله والاوض بتاعتنا ...كنت ههتم بالقران اكتر واختمه كذا مره وانا صغير واسمع كلام سيدنا ومش الاوعع معاه واروح مره ومره لا ..
كنت هفضل كل ليله اتمني يارب خدني قبل ما اكبر، واشوف اللي انا شايفه الحين زمان كان حلو، كان حلو بامي وابويا وأهلنا كان حلو باللمه وزيارات القرايب ..كان حلو علشان كنا صغيرين شايفين الحياه سهله ومتاحه لينا ..كان حلو علشان كان كل همنا نخلص الواجب بدري علشان ننزل لعب ..
مش نقعد ماسكين التليفونات بالاربعه وعشرين ساعه زي الوقتي ..بشوف الاطفال دلوقتي وهي بتقضي طفولتها علي الهواتف بحزن والله ...واقول ياتري ما لما يكبر هيبقي عنده اي من الذكريات يحن له ؟ مفيش لان حياته كلها كانت وراء الشاشات حياه وهميه غير ملموسه بالمره، خاليه من المغامره والمرح.
جاري تحميل الاقتراحات...