يقولون إللي يحبك ينصحك وأنا أبغى أنصحكم بحاجه صار لي فتره أسويها وكنت منعميه عليها قبل ( صلاة الوتر ) قبل أشوف الناس كيف يتكلمون عن صلاة الوتر وكيف فيه أشياء تتغير بحياتهم وأشياء يتمنونها وتتحقق مو شرط عطول ممكن بعد سنه وممكن تنسى الأمنية إللي تبغاها ويحققها لك بعد فترة ..
قبل فتره كنت تائه وضائعه بمعنى الكلمه مشاعر ضايعه وعقل مشغول وتذكرت جملة جدتي الحبيبة ( لما تبعد عن الله كأنك بعدت عن السعادة والراحة ونفسك ) كلنا مقصرين وتشغلنا الدنيا لكن العبد ضعيف ويرجع لربه ويتوب ويدله الطريق الصحيح ماراح الوقت تقدر تتوب وتصلي الصلاة بوقتها ماتاخذ منك وقت
فيه دعاء طلع من قلبي وأنا أصلي من غير شعور وترتيب ( ياربي أنا ضايعه وأحس بضياع بداخلي مهما حاولت ومهما سويت أحس قلبي ثقيل لدرجة مبين على وجهي يارب عبدك ضائع دُله إليك ) نمت وأنا كلي ثقه بصحى وداخلي راضي وحقيقي صحيت ونفسيتي حلوه وراضيه أتم الرضا
غير الراحة النفسية وغير التوفيق إللي بتشوفه سواء بحياتك ، علاقاتك ، دراستك ، علاقتك مع نفسك ومع ربك ! صلاة الوتر أعتبرها كأني أتكلم مع الله وأبكي وأشكي وأتمنى أشياء أبيها ويقول الله بعد فترة ( إِنَّمَا أَمْرُهُ إِذَا أَرَادَ شَيْئًا أَن يَقُولَ لَهُ كُن فَيَكُونُ )
فيه دعاء ماما توصيني بكل صلاة أقوله أنا وأخواني من لما كنا صغار ( اللهم أرزقني من حظوظ الدنيا ) ، ( اللهم أبعد عني أصحاب الشر وقرب إلي أصحاب الخير ) واليوم تحديداً أستجاب ربي دعواتي وحسيت يالله يالله تقشعرت ! الشي إللي أحبه لنفسي أحب أفيده لغيري أعتذر لو طولت.
جاري تحميل الاقتراحات...