كثير من النّاس يبي يتوب ويقرب من ربي ولكن يقول وش بتقول النّاس عني او يذكروني بالماضي او اشياء نفس هذي !
أول شي تذكر البشر ما يتركون أحد بحاله وتذكر ان حتى الانبياء ما كانو يتركونهم بحالهم فكيف بك انت ؟ كما قال الشيخ سعيد الكملي الانسان اللي يختلط بالناس ويصبر على اذاهم احسن من اللي جالس ومعتزل بنفسه لانك لما تسوي كذا لوجه الله وتصبر وتتقوى بالقران لك اجر عظيم لانك جالس تنصر الدين
انت لمّا تتوب لا تفكر بالناس فكّر بالله بس الناس مارح تتركك بحالك وتذكرك بالماضي ولكن ربي يقول لك في الحديث القدسي( من تقرب مني شبرًا تقربت منه ذراعًا، ومن أتاني يمشي أتيته هرولة)
الله يقبل توبتك ويبدّل كل ذنوبك حسنات تخيل ! الله غفر لناس كانوا يسوون الكبائر ولكن لمّا صدقوا بالتوبه الله غفر لهم قال تعالى ﴿ وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ﴾ انت تبت لله وحده صح ؟ إذاً توكل عليه
لا تيأس لان الشيطان راح يجيك بالبدايات ويقول مارح تقدر ! أساساً هذا أمر صعب عليك ! اساساً مارح تصمل ! شكلك نسيت الماضي ! .... وكل هذي الكذبات لكن صدقني ترا كلنا نغلط ونستغفر مافيه بشر منزّه عن الغلط ابدا
قال الرسول ﷺ: (والذي نفسي بيده لو لم تذنبوا لذهب الله بكم ولجاء بقوم غيركم يذنبون فيستغفرون الله فيغفر لهم) يعني التوبه والاستغفار شي مهم والله ارحم فيك من أمك وابوك ومن العالمين ويقبلك مين ما كنت ورحمه الله وسعت كل شي متصور ايش يعني كل شي {وَرَحْمَتِي وَسِعَتْ كُلَّ شَيْءٍ)
لا تشوف ايش راح تقول الناس عنك كلهم لا يهمّك وترا والله العظيم لمّا تصدق مع ربي راح يغيّر نظرتهم كلهم لك وراح يعينك اهم شي الصدق والنيه تكون لله وحده وتدري ان الله يفرح فيك لما تتوب ؟
كما قال صلى الله عليه وسلم
وتذكر انه من صدق مع الله صدق الله معه ❤️ وبتشوف كيف الله راح ينصرك ويقربك ويسعدك ويجبر قلبك ويدخلك في رحمته وياحظك لو كنت منهم
وتذكر ان ربي عظيم الرحمه والحمدلله ان الرحمه بيد الله فقط وليست بيد البشر ... البشر لو رحموك صدق ما كان يتكلمون فيك ويجرحونك ولكن الحمدلله ان الرحمه بيد الله فقط ❤️
جاري تحميل الاقتراحات...