والله يخوان وبالله وتالله ، المعصية قيد وسجن ومذلة ، والله يوم تدور على معصية تصير ذليل لها تضحي بأشياء كثير منها وقتك و كرامتك و صحتك ومالك و فكرك ، ولابد ولابد تضيع دينك ، وهنا أقول للي كان مبتلي بمعصية و أكرمه ربي و أقلع عنها كيف شعورك ؟ والذي رفعها سبعًا بيقلك شعوره كأنه كان

طائر سجين في قفص و صار الآن يسبح بالسماء ، تصير حر حر فعلًا بمعنى الكلمة ، ما فيه شيء يذّلك أو يضطرك تسعى خلفه أو تضيع فلوسك أو أو أو … والفائدة فقط لذة مؤقتة و وصمة عار دائمة في سجلك ، بالله هل تستحق ؟ وفعلاً الحين أدركت صدق مقولة بعض أهل العلم فيما معناه :

" قمة الحرية أن تكون منقاد لله عز وجل" والله الآن فيه هذي اللحظة وأنا أكتب هذي التغريدة فهمت معناها صدق ، وخلاف كذا بتكون عبد وذليل وحبيس للشيء اللي تسعى له ، ما عمري حسيت بالحرية الكاملة زي لما أكون في أوج طاعتي ، والله عز عز ولكنّ أكثرهم لا يعلمون ..