1\9
الإدمان على التدخين...إبحثوا عن النخب!!!
من حوالي 3 أسابيع بلّشت رحلة العذاب لحتى وقّف دخان. وبس للتوضيح، أنا من الناس يللي بلشوا تدخين على كبر (كان عمري شي 28، ومن تحت راس صبية كانت عم تسوّق لماركة جديدة بالسوق). وللتوضيح كمان، أنا من الناس يللي حبوا السيجارة، وبقوة.
الإدمان على التدخين...إبحثوا عن النخب!!!
من حوالي 3 أسابيع بلّشت رحلة العذاب لحتى وقّف دخان. وبس للتوضيح، أنا من الناس يللي بلشوا تدخين على كبر (كان عمري شي 28، ومن تحت راس صبية كانت عم تسوّق لماركة جديدة بالسوق). وللتوضيح كمان، أنا من الناس يللي حبوا السيجارة، وبقوة.
2\9
وكمان للتوضيح، أنا متل كتير ناس، مقتنع تمام الإقتناع إنه التدخين سم قاتل وبيعمل أمراض ومصايب. وما في شي نفع، لا الإرشادات الطبية ولا لصقات النيكوتين ولا الصور المقرفة على علب الدخان ولا تحذير: التدخين يسبب العجز الجنسي. ما في شي نفع وكل مرة كنت قضيها تعصيب وآخر شي استسلم.
وكمان للتوضيح، أنا متل كتير ناس، مقتنع تمام الإقتناع إنه التدخين سم قاتل وبيعمل أمراض ومصايب. وما في شي نفع، لا الإرشادات الطبية ولا لصقات النيكوتين ولا الصور المقرفة على علب الدخان ولا تحذير: التدخين يسبب العجز الجنسي. ما في شي نفع وكل مرة كنت قضيها تعصيب وآخر شي استسلم.
3\9
من 3 أسابيع كنت مبلّش محاولة جديدة وعارف حالي رح إفشل متل العادة. إلى أن طلع باسل بفكرة جديدة (لأ، ما رح نغمّس السيجارة بزيت المكدوس) وقال أزبط شي الواحد يضل يحضر فيديو نجاح واكيم هو وعم يدخن ولحاله رح يقرف ويبطل دخان. هل يا ترى نجحت الفكرة؟
من 3 أسابيع كنت مبلّش محاولة جديدة وعارف حالي رح إفشل متل العادة. إلى أن طلع باسل بفكرة جديدة (لأ، ما رح نغمّس السيجارة بزيت المكدوس) وقال أزبط شي الواحد يضل يحضر فيديو نجاح واكيم هو وعم يدخن ولحاله رح يقرف ويبطل دخان. هل يا ترى نجحت الفكرة؟
4\9
مع الأسف، لأ. لأن القرف هو شعور قوي بس مش قد الحقد والغضب. وبعدين فيك تطفي الفيديو وتنسى الموضوع وتكفي حياتك طبيعي سيجارة ورا سيجارة. بس إقتراح باسل ذكرني بفيلم قديم من سنة الـ 1999 من بطولة آل باتشينو ومن أهم الأفلام يللي نعملت عن التدخين وشركات التبغ.
مع الأسف، لأ. لأن القرف هو شعور قوي بس مش قد الحقد والغضب. وبعدين فيك تطفي الفيديو وتنسى الموضوع وتكفي حياتك طبيعي سيجارة ورا سيجارة. بس إقتراح باسل ذكرني بفيلم قديم من سنة الـ 1999 من بطولة آل باتشينو ومن أهم الأفلام يللي نعملت عن التدخين وشركات التبغ.
5\9
الفيلم إسمه The Insider
وأنا شخصياً بشوف الترجمة الدقيقة للعنوان: "الخائن" أو "العميل." وهيك منبلش اللعب الحلو. الفيلم مبني على قصة حقيقية يللي من وراها شركات التبغ نشحطت من أسواق أميركا والدول الأوروبية (أخدت كم سنة، بس هونيك بلشت).
الفيلم إسمه The Insider
وأنا شخصياً بشوف الترجمة الدقيقة للعنوان: "الخائن" أو "العميل." وهيك منبلش اللعب الحلو. الفيلم مبني على قصة حقيقية يللي من وراها شركات التبغ نشحطت من أسواق أميركا والدول الأوروبية (أخدت كم سنة، بس هونيك بلشت).
6\9
ولأني ما رح خبر تفاصيل الفليم (ضروري تحضروه)، فيني بس خبركن كيف شركات التبغ والنخب الكبرى (أصحاب رؤوس الأموال، السياسيين، القضاء، وحتى المؤسسات الإعلامية الكبرى وبرنامج 60 دقيقة) كلن كانوا متآمرين على الناس كرمال كارتيل التبغ يعمل كم مليار كل سنة.
ولأني ما رح خبر تفاصيل الفليم (ضروري تحضروه)، فيني بس خبركن كيف شركات التبغ والنخب الكبرى (أصحاب رؤوس الأموال، السياسيين، القضاء، وحتى المؤسسات الإعلامية الكبرى وبرنامج 60 دقيقة) كلن كانوا متآمرين على الناس كرمال كارتيل التبغ يعمل كم مليار كل سنة.
7\9
خلاصة الفيلم: إنت مش مدمن لأنك عديم الإرادة أو الشخصية ومش لأنك أهبل. لأ، إنت مدمن لأن شركات التبغ داحشة فوق الـ 50 مادة بالدخان بتخليك تشوف نجوم الضهر إذا بتجرب تترك السيجارة. كله كرمال شو؟ كرمال كم واحد يعملوا قرشين على حسابك وحساب صحتك.
خلاصة الفيلم: إنت مش مدمن لأنك عديم الإرادة أو الشخصية ومش لأنك أهبل. لأ، إنت مدمن لأن شركات التبغ داحشة فوق الـ 50 مادة بالدخان بتخليك تشوف نجوم الضهر إذا بتجرب تترك السيجارة. كله كرمال شو؟ كرمال كم واحد يعملوا قرشين على حسابك وحساب صحتك.
8\9
طبعاً بأميركا ما بقى عم يربحوا زي قبل. بس بكتير بلاد وبلبنان عم يربحوا كتير، ومعن عم يربح الريجي ونبيه بري وكتار غيرن كمان ماسكين تجارة التبغ، وذات الخبرية بكل دول العالم التالت. بالنسبة إلي، حسّيت حالي كتير مبعوص بس رجعت حضرت الفيلم وفجأة، طلع منسوب الحقد معي لسابع سما.
طبعاً بأميركا ما بقى عم يربحوا زي قبل. بس بكتير بلاد وبلبنان عم يربحوا كتير، ومعن عم يربح الريجي ونبيه بري وكتار غيرن كمان ماسكين تجارة التبغ، وذات الخبرية بكل دول العالم التالت. بالنسبة إلي، حسّيت حالي كتير مبعوص بس رجعت حضرت الفيلم وفجأة، طلع منسوب الحقد معي لسابع سما.
9\9
وكانت هيدي اللحظة يللي قررت فيها إنه ما بقى رح يشوفوا مني ليرة (لا لبنانية ولا تركية)، وكانت القطيعة. سهلة؟ أول أسبوعين شفت الويل: حمّى، تعرّق، قلق، أرق، تشنجات عضلية، إحباط، هسترة، خناق مع خيالي. الشي الوحيد يللي قوّاني: إني عم ببعص شويّة النخب. أسقطوا النخب!
وكانت هيدي اللحظة يللي قررت فيها إنه ما بقى رح يشوفوا مني ليرة (لا لبنانية ولا تركية)، وكانت القطيعة. سهلة؟ أول أسبوعين شفت الويل: حمّى، تعرّق، قلق، أرق، تشنجات عضلية، إحباط، هسترة، خناق مع خيالي. الشي الوحيد يللي قوّاني: إني عم ببعص شويّة النخب. أسقطوا النخب!
بونس على الهامش
صحيح الفيلم كان من بطولة آل باتشينو وراسل كرو بس كان فاشل تجارياً (لأن الأكشن ما كان في خبيط وقواص)
هيدا واحد من أهم الأفلام يللي نعملت عن النخب والتعريييص. ضروري تحضروه.
الموسيقى بالفيلم كتير قوية.
صحيح الفيلم كان من بطولة آل باتشينو وراسل كرو بس كان فاشل تجارياً (لأن الأكشن ما كان في خبيط وقواص)
هيدا واحد من أهم الأفلام يللي نعملت عن النخب والتعريييص. ضروري تحضروه.
الموسيقى بالفيلم كتير قوية.
جاري تحميل الاقتراحات...