Qusaiwahidthani | pixel 🇸🇦💚
Qusaiwahidthani | pixel 🇸🇦💚

@Al3sabhA

20 تغريدة 17 قراءة Mar 10, 2022
ثريد
بالثريد ذا راح اتكلم عن شخصية ايرون مان ورأيي فيه وليش اعتبره من اسوأ شخصيات مارفل (بإختصار هذا ثريد تعرية)
وراح اتكلم عن الشخصية وتاريخها واسباب فشلها بالكوميكس وسبب نجاحها بالافلام وبعالم الmcu
لايك ورتويت وفولو لي و لـ @mohannd_gamer مع انه ماساعدني بس ابغى اذكره
نبدأ بالكوميكس
توني ستارك او ايرون مان شخصية ظهرت اول مرة في عام 1963 ومخترعينها هو الكاتب ستان لي و الرسام جاك كيربي
ايرون مان ببداياته انكتب عشان يكون شخصية مغرورة وغير مثالية ويكون بطل مختلف عن باقي الأبطال
لكن الشخصية كانت فاشلة جدا وماحققت الارباح المطلوبة منها وماقدرت تنافس اكبر شخصيات مارفل مثل سبايدرمان و الفانتاستيك فور والي كانو أنجح شخصيات مارفل
والشخصية مرت بتخبطات كثير وقررو انهم يخلونه مع فريق الافنجرز عشان يشهرونها ويدفونها شوية
وهذا غير انه الشخصية ماعندها اشرار ايقونيين او كويسين واغلبهم مكررين وسيئين وتافهين جدا
لكن اكبر سلبية كانت بالشخصية هو انه ماكان له اي أبعاد درامية او صراعات نفسية مثل باقي الابطال الناجحين زي سوبرمان و سبايدرمان و باتمان وغيرهم
لو نجي نطالع فيها فشخصية ايرون مان بدون البذلة ولا شي حرفيا وانا ما اتكلم من ناحية القدرات
انا اتكلم من ناحية توني ستارك نفسه وانه حرفيا بدون البذلة شخصية فارغة وماعنده اي صراعات نفسية ولا حوارات عظيمة
ومن الاساس شخصيته ماتشدك بأي طريقة من ناحية العالم او القصص
وهذا كان اكبر سبب لفشل الشخصية
لو ننظر لسبايدرمان مثلا هو مو مجرد بطل يطلق شباك وخلاص بل شخصية بيتر باركر عندها صراعات نفسية ومشاكل حياتية ومسؤوليات لازم يتعامل معها
ولو ننظر لبروس واين فهو مو مجرد شخص غني وخلاص بل الشخصية لها ابعاد درامية كثير و صراعاته ومحاولته لاكتشاف نفسه هي الي علقتنا فيه
لكن توني ستارك؟ حرفيا مافي شي يعلقك فيه
والشخصية استمرت كذا الى الثمانينات جاء الكاتب العبقري ديفيد ميشيليني (هو نفسه مخترع فينوم)
واستلم الكتاب واخذ شخصية ايرون مان ونقلها لمرحلة جديدة مختلفة
وسوا الشي الي ماقدرو يسوونه باقي الكتاب
بكل بساطة ميشيليني بالرن حقه تعمق بشخصية المليونير توني ستارك وجاب فكرة جديدة مختلفة والي هي انه جعل توني مدمن على الكحوليات و المخدات
واعطانا قصة DEMON IN A BOTTLE وتعمق بأمراض توني ستارك النفسية ووصل الشخصية للسقف واثبت انه الشخصية لها فرصة انها تنافس باقي الشخصيات العظيمة
بعد ما انتهى ميشيليني تتوقعون مارفل استمرت على نجاحه وطورت الشخصية اكثر
رجعو الشخصية مرة ثانية لدوامة الفراغ والتكرار وهدمو الي سواه ميشيليني
والشخصية ليومك وهي مستمرة على المستوى الفاشل ذا
لكن عشان اكون منصف فيه اركات جيدة له زي سيفيل وار واكستريميس وقصص ثانية لكنها قليلة
وافضل حالات للشخصية هي ظهوره بالاحداث المشتركة
وغالبا يكون فيها جيد فقط وماله ذيك الأهمية او الدور الكبير الا بقصص الافنجرز
نجي للmcu
بالنسبة لي ثلاثية ايرون مان كانت سيئة جدا
الجزء الاول نعم كان جيد وفلم ممتع بس الجزئين الي بعده كارثية ومجرد حلب واستغلال لنجاح اول جزء
والشخصية بالmcu بشكل عام عنده سلبيات كثير
تطوره بالmcu كان سيئ والشخصية حرفيا ضايعة
بدأ بأيرون مان الجزء الأول كشخص مغرور وبالنهاية المفروض انه تعلم من اخطائه وتطور وصار بطل
بس نشوف بأيرون مان 2 و 3 انه رجع مرة ثانية كشخص مغرور وماكأنه صار شي
ونفس الشي بفلم افنجرز الاول وانه ضحى بنفسه بالنهاية والكل صار يحبه و في age of ultron يرجع لنقطة الصفر مرة ثانية وقام يرتكب اغلاط غبية
وماكأنها الشخصية تطورت بالفلم الي قبل
طيب تسألني ايش سبب نجاح الشخصية بالmcu بكل اختصار اقلك الإجابة هي روبرت داوني جونيور
روبرت اضاف الكثيييير للشخصية والكاريزما حقته وتمثيله هم اهم الأسباب الي رفعو الشخصية بالmcu وخلوها شخصية جدا كويسة
وطبعا نهاية الشخصية بإند قيم و أنفنيتي وار كانت جميلة ومؤثرة
وقبل مانختم بس انصحكم تقرأون demon in a bottle لانها منجد قصة ممتازة جدا وتعتبر افضل قصة لشخصية ايرون مان
الصراحة شي يقهر انه حتى الmcu ما اقتبسوها ولو سوولها فلم بدل ايرون مان 2 و 3 كان بيكون شي اسطوري
بالنسبة لي ايرون مان مايدخل توب 100 شخصيات لمارفل
ما ابالغ ابدا يوم اقولها فيه شخصيات كثيييييييييييير جدا افضل منه بمراحل وايرون مان لو يحفر سنوات مستحيل يوصل لمستواهم
واتمنى ان الافلام تنصف باقي شخصيات مارفل اكثر
المهم
ايرون مان كشخصية ممكن يكون عنده فرصة يصير جيد وممتاز حتى وعنده اركات وقصص جميلة بالكوميكس
بس الي جالس اشوفه انهم قاعدين يضيعون فرص كثيرة للشخصية وكل ماتقدمو او خلو الشخصية كويسة على طول يخربونها ويعيدون نفس الغباء
ولا تفهموني غلط وتحسبوني كاره للشخصية بشكل كامل
ايرون مان لو كان بأيادي كتاب صاحيين بيكون رهيب زي بينديس و ميشيليني وغيرهم
بس زي ماقلت الشخصية جدا عادية ومافيها ذاك الابتكار الكبير وماتقدر تقدم افكار ثورية وجديدة
وبس خلصت هذي اسبابي لكره شخصية ايرون مان (فيه اسباب زيادة زي انه تسبب بكارثة one more day بس ذي خليها لبعدين)
لو تبغى تشيك على باقي ثريداتي شوف هذي المثبتة فيها ثريدات عن سبايدرمان و الكوميكس وخرابيط ثانية
ولو ماتتفق مع اسبابي اذكر اسبابك تحت

جاري تحميل الاقتراحات...