في البدء كانت الجغرافيا .. ثم نما في ربوعها التاريخ !
التاريخ ليس مجرد حواديت مسلية من الماضي .. التاريخ مدرسة لو تدبرت دروسها لتفاديت تكرار حماقات كثيرة في حاضرك .. التاريخ بلورة سحرية تستقريء من خلالها المستقبل
التاريخ ليس مجرد حواديت مسلية من الماضي .. التاريخ مدرسة لو تدبرت دروسها لتفاديت تكرار حماقات كثيرة في حاضرك .. التاريخ بلورة سحرية تستقريء من خلالها المستقبل
صحيح أن المنتصر هو من يكتب التاريخ .. لكن فكرة أن التاريخ عبارة عن سرديات حروب و إنتصارات هى فكرة قاصرة لأن التاريخ شايل في طيت سجلاته ظلال و صدى الحقيقة .. و مش محتاج غير عقل يقظ يجيد التحليل و النقد و منطق سليم لتصل إلى الأعماق
كل شخصية تاريخية فعلا لها مالها و عليها ما عليها .. بس ساعات بتبقى قائمة ماعليها من السواد بحيث أن الهوموسيبيان مننا مايبقاش قادر و لا طايق يشوف حرف من قائمة مالها بعد هباب الحلل اللي شافه .. بس هانحاول نكون منصفين
هات الميزان يا ولدي و حضر دفاتر التاريخ .. عندنا جرد 😎
الليلة هانقطع في فروة المأسوف على شبابه (مات صغير يا كبدي و هو ابن 42 سنة) سعيد باشا .. ابن محمد على و المشهور في التاريخ بوصمة إمتياز حفر قناة السويس .. هاتوا فشار و اعملوا حسابي معاكو 😊
نبدأ بما له .. في 5 أغسطس سنة 1858 أصدر سعيد باشا ما يعرف باللائحة السعيدية للإصلاحات الزراعية بتقول ايه اللائحة دي ؟ شوف يا سيدي أولا هو أقر بحق الفلاح في التملك العقاري لأرضه و أنه يكون له مطلق الحرية في التصرف فيها.. أصل الفلاح كان مجرد مزارع يزرع و يحصد و يدفع ضرايب و لا يملك
ألغى نظام إحتكار الحاصلات الزراعية بحي يقدر الفلاح يختار هايزرع ايه و هايبيع محصوله إزاي و لمين و بكام .. و بناء عليه بقى سداد الضريبة كاش مش عينا و بيمهل الفلاح لبعد بيع المحصول و كانت ضريبة الفدان .. 40 قرش 😌
مش بس كده .. ده كمان أسقط كل الضرايب المتأخرة على الفلاحين !! آه و النعمة 😭
و منع عمال الجباية من الإستيلاء على المحاصيل لسداد المتأخرات
كانت نتيجة القرارات دي ايه ؟؟ توقف تيار الهجرة من الريف للمدن و توقف ترك الفلاحين للأرض لعجزهم عن دفع الضرايب
و منع عمال الجباية من الإستيلاء على المحاصيل لسداد المتأخرات
كانت نتيجة القرارات دي ايه ؟؟ توقف تيار الهجرة من الريف للمدن و توقف ترك الفلاحين للأرض لعجزهم عن دفع الضرايب
عمل ايه الواد سعيد باشا العكروت ده كمان .. عمل اللي ما خرجش من كم بعضهم .. لغى ما يسمى بضريبة الدخولية .. ايه ضريبة الدخولية دي يا باز أفندي ؟؟ دي الضريبة اللي كانت مفروضة على أي سلعة تنتقل من قرية لمدينة أو قرية تانية و العكس .. يعني التجارة الداخلية
ضريبة الدخولية كانت قيمتها 12 في المية من قيمة السلعة .. حاجة كده زي ضريبة المبيعات 😔
و ترتب على الحركة الفشيخة دي إنخفاض أسعار السلع و السيطرة على الغلاء و نشاط حركة المال داخل السوق المحلي و ترتب على كل ده حالة من السعة في الأرزاق و بحبوحة العيش لعامة الشعب
و ترتب على الحركة الفشيخة دي إنخفاض أسعار السلع و السيطرة على الغلاء و نشاط حركة المال داخل السوق المحلي و ترتب على كل ده حالة من السعة في الأرزاق و بحبوحة العيش لعامة الشعب
أول قانون للمعاشات في مصر .. أول مرة تعرف مصر أصلا معاشات للعاملين بعد التقاعد كانت من إصلاحات سعيد باشا
كمان هو اللي كلف مارييت باشا بإنشاء متحف بولاق للآثار .. أول متحف في مصر في العصر الحديث و السيطرة على تجارة الآثار و تجميع اللقى في المتحف بعد تسجيلها
كمان هو اللي كلف مارييت باشا بإنشاء متحف بولاق للآثار .. أول متحف في مصر في العصر الحديث و السيطرة على تجارة الآثار و تجميع اللقى في المتحف بعد تسجيلها
كفاية كده على قائمة ما له أحسن تتهموني بالتواطوء مع العائلة العلوية 😊 نخش بقى على هباب الحلل .. بحب الفقرة دي أوي 😜
سعيد باشا ما إهتمش بالتعليم نوهائي إطلاقا البتة 🙄
و ده مكانش العشم بصراحة .. لكن الحقيقة أن سجله ملطخ بعملتين الإتنين أنيل من بعض .. الأولى إمتياز قناة السويس .. محمد على كان سياسي عقر و رفض تماما مشروع حفر قناة السويس و وصى ولاده ما يقبلهوش من بعده و عباس سمع الكلام لكن سعيد لأ
و ده مكانش العشم بصراحة .. لكن الحقيقة أن سجله ملطخ بعملتين الإتنين أنيل من بعض .. الأولى إمتياز قناة السويس .. محمد على كان سياسي عقر و رفض تماما مشروع حفر قناة السويس و وصى ولاده ما يقبلهوش من بعده و عباس سمع الكلام لكن سعيد لأ
كان عارف أن قناة السويس هاتبقى زي خليج البسفور و مش هاييجي من وراها غير وجع القلب
سعيد قبل يدي الإمتياز لديليسبس لأنه كان صاحبه .. آه تصور !
قاله طالما نفسك فيها يا سبس يا حبيبي ماتغلاش عليك و وافق على الكونتراتو العار اللي شكل تاريخنا لردح من الزمن
سعيد قبل يدي الإمتياز لديليسبس لأنه كان صاحبه .. آه تصور !
قاله طالما نفسك فيها يا سبس يا حبيبي ماتغلاش عليك و وافق على الكونتراتو العار اللي شكل تاريخنا لردح من الزمن
لا أخفي عليكم يا رفاق .. شروط العقد كانت أسود من هباب الحلل بشوية .. يعني مثلا ألزم الحكومة المصرية بالتنازل عن الأرض على طول جانبي القناة بعرض 2 كم من كل جانب و كمان الأرض اللازمة لشق شبكة الترع الملحقة بيها و إعفائها من أي ضرايب 😭
مش بس كده .. ده ألزم الحكومة بالتنازل عن كل الأراضي القابلة للزراعة حوالين القناة و سمح لشركة قناة السويس بزراعتها لحسابها و تاخد ريعها بالكامل و كمان ما تدفعش ضرايب لمدة عشر سنين !! 😭
يعني بصراحة و بدون زعل .. أراه بيوزع من جيب أمه !! مايصحش كده
يعني بصراحة و بدون زعل .. أراه بيوزع من جيب أمه !! مايصحش كده
لا و ايه .. ده الشركة من حقها تنزع ملكية أي أرض و تاخدها باللي عليها لو شافت أنها ضرورية لمنشآت القناة .. بس تبقى تشوف أصحابها بقرشين 😔
فكرني بأحدهم و برطمانه .. ماعلينا
و الناس حوالين الترع و الثغور اللي عملتها الشركة لو حبوا يستفيدوا منها .. مافيش مانع .. بس يشخللوا 😂👌
فكرني بأحدهم و برطمانه .. ماعلينا
و الناس حوالين الترع و الثغور اللي عملتها الشركة لو حبوا يستفيدوا منها .. مافيش مانع .. بس يشخللوا 😂👌
يشخللوا بالتمن اللي تحدده الشركة بعد ما يحصلوا ترخيص منها 🙄 واخد بالك أن دي منشآت على أرضك و أنك بتدفع لشركة أجنبية أصلا بأمر من حاكمك أنت ؟!
ده كمان كان من حق الشركة إستغلال المناجم و المحاجر المملوكة للدولة مجانا بدون رسوم و لا تمن ولا حتى ضرايب 😐
ده كمان كان من حق الشركة إستغلال المناجم و المحاجر المملوكة للدولة مجانا بدون رسوم و لا تمن ولا حتى ضرايب 😐
الشركة هى اللي بتحدد تسعيرة المرور بالقناة و الترع بس ما تزيدش الرسوم عن 10 فرنك فرنسي للفرد و للطن .. عشرة فرنك يعني 40 قرش .. يعني الفرنك بأربع قروش .. فاكرين لما كنا بنقول على القرشين نص فرنك ؟؟ كنت بشتري أربعة نبوت الغفير بنص فرنك النبوت بتعريفة بحالها 😂😜
و يفضل الشرط الخسيس بتاع توفير اربعة أخماس العمال اللازمين لأعمال الحفر و الإنشاءات من المصريين و يتم جلبهم من قراهم للعمل في ظروف شديدة الغبن .. 25 ألف مصري اتسحبوا زي المواشي عشان يشتغلوا بأمر الخواجة في ترعة هاتكون سبب موت آلاف تانيين
القناة كانت شؤم على مصر و على بقاع كتير في العالم البائس اللي عايشين فيه لأنها كانت و مازالت معبر جحافل ضواري القوى الإستعمارية عشان تفترس الشعوب الأقل قدرة و قوة .. القناة قصرت عليهم المسافة و التكلفة .. و كمان إتخانقوا عليها فوق أرضنا
و فضلوا ورا مصر لغاية ما وقعت في حجر بريطانيا العظمى من غير ما حد يسمي عليها .. و ده كانت وسيلته الغلطة التانية اللي عملها سعيد و فتحت باب شر كبير ماخرجناش من جحيمه لغاية هذه اللحظة
نقطة ضعف سعيد اللي استدرجوه منها للغلطة التانية .. كانت حبه للفشخرة الكدابة .. مش بيفكرك بحد ؟؟
و رغم أن عصره فعلا كان عصر بحبوحة و الخزانة كانت عمرانة إلا أن سعيد بسبب الإفراط في الفشخرة استلف في أواخر عهده أول قرض تستلفه مصر من أوروبا .. من بريطانيا تحديدا
و رغم أن عصره فعلا كان عصر بحبوحة و الخزانة كانت عمرانة إلا أن سعيد بسبب الإفراط في الفشخرة استلف في أواخر عهده أول قرض تستلفه مصر من أوروبا .. من بريطانيا تحديدا
القرض كانت قيمته الاسمية 2 مليون و 242 ألف و 800 جنيه استرليني .. و الفايدة 7 في المية و يسدد على 30 سنة و القسط السنوي 264 ألف جنيه استرليني و مجموع الأقساط قيمتها الإجمالية 7 مليون و 920 ألف .. فاكر أن أصل القرض 2 مليون و شوية فكة ؟؟
كمان سعيد باشا هو اللي ابتدى طريقة السندات على الخزانة يعني يستلف بضمان سندات يحررها على خزانة الدولة بالفلوس المقترضة
و دي كانت مصيبة .. لأنها إستدانة بلا ضابط ولا رقيب و بلغ الدين العام عند وفاة سعيد11 مليون و 160 ألف جنيه .. و قبلها بسنتين مكانتش مديونة لحد
و بدأ مسلسل الشر..
و دي كانت مصيبة .. لأنها إستدانة بلا ضابط ولا رقيب و بلغ الدين العام عند وفاة سعيد11 مليون و 160 ألف جنيه .. و قبلها بسنتين مكانتش مديونة لحد
و بدأ مسلسل الشر..
و اعلم أيها الإنسان (خدد الكلمتين دول من جدك التاريخ حطهم حلقة في ودنك) أنه ليس في تاريخ البشرية جمعاء .. مطلقا .. أمة رضيت تتنازل عن مصلحة لها مهما كانت ضئيلة في سبيل خدمة الإنسانية .. و أن كل عمل تقوم به أمة قوية لأجل الأمم الأضعف يكون في سبيل مصلحة عاجلة أو آجلة ظاهرة أو باطنة
فين الفشار بتاعي .. اوعوا يكون حد طمع فيه 😜
نسيت أقول لكم أن في كتاب توووحفة .. اسمه تاريخ مصر المالي .. اللي يعتر فيه يقراه 👌❤️
جاري تحميل الاقتراحات...