أهل سدير المجمعة ١٤٣٩
والسموحة من طول السالفه غصبن علي حتى أعلمكم بكلش فهو يوم يهبل من زينه وفرح به الجميع بدينا الزواره بناديهم الي يقاله نادي الفيحاء وماشاء الله استقبلونا هالشقردية النشاما الحبيبين جعل الي جابوهم في الجنة وفي واجهتهم معزبهم هالسنافي ولد الشلهوب سعود كفو والله
والسموحة من طول السالفه غصبن علي حتى أعلمكم بكلش فهو يوم يهبل من زينه وفرح به الجميع بدينا الزواره بناديهم الي يقاله نادي الفيحاء وماشاء الله استقبلونا هالشقردية النشاما الحبيبين جعل الي جابوهم في الجنة وفي واجهتهم معزبهم هالسنافي ولد الشلهوب سعود كفو والله
يستاهلون ورّانا كل شي عندهم كل شي أزين من الثاني دروع تهبل ياخذونها علشانهم غلبوا في الطابه
وحوايج وعدة أهلنا الأولين القديمة ومجلس وش زينه مثل مجالس منول وعاد الي جاز لي بالحيل مره هالثيل الي يلعبون فيه الطابه حسافه ودي لو أمداني كان مسترخص منه و حاش من نواحيه غمر أو غمرين عشاء
وحوايج وعدة أهلنا الأولين القديمة ومجلس وش زينه مثل مجالس منول وعاد الي جاز لي بالحيل مره هالثيل الي يلعبون فيه الطابه حسافه ودي لو أمداني كان مسترخص منه و حاش من نواحيه غمر أو غمرين عشاء
للمعيزا وعطوف للبقرة وإلا أجيبهن يضحن فيه لين يشبعن
وكرمونا الله يغنيهم بهالقهوة المزعفرة والحلو الي يهبل من زينه وأشياء عاد ما أعرف أساميها
وفرحونا بعميراتهم ومحيلاتهم الي بنوها تكد على ناديهم من معروقها وكروتها الله يبارك لهم فيها
ثم ركبونا في حمّالِّية غير اللوري أم طبقين وسله
وكرمونا الله يغنيهم بهالقهوة المزعفرة والحلو الي يهبل من زينه وأشياء عاد ما أعرف أساميها
وفرحونا بعميراتهم ومحيلاتهم الي بنوها تكد على ناديهم من معروقها وكروتها الله يبارك لهم فيها
ثم ركبونا في حمّالِّية غير اللوري أم طبقين وسله
هذي فيها شي مصفوف أسطار ليّنه نقعد عليها ومسقوف سطحها وفيها مهب بارد يجينا من جنوبها وسطحها
وفي جْنُوُبها فرج إناظر معها
اواحد شقردي معه محقان يحكي فيه ويسولف علينا ونوحيه ويورينا الديرة ثمن رحنا لدكيكنات الأولين والسوق القديم وش حليلها وشفنا القرّاية ومطوّعهم بلويحاتهم عقبن رحنا
وفي جْنُوُبها فرج إناظر معها
اواحد شقردي معه محقان يحكي فيه ويسولف علينا ونوحيه ويورينا الديرة ثمن رحنا لدكيكنات الأولين والسوق القديم وش حليلها وشفنا القرّاية ومطوّعهم بلويحاتهم عقبن رحنا
لبيت المزعل ماشاءالله عليهم فيه من كل رنق شي قديم من حوايج أهلنا منول ومواعين الأولين مدق مجل ماقصروا الأجواد هلوا ورحبوا واكرمونا لوهو البقل حاطينه
وشفنا بيوت بعض الجماعة رادينها جديدة على حالتها الأوله المصابيح والقهوه والرواق والصفاف والجصة والقطيع وحويضات العيش والي فرحنا زود
وشفنا بيوت بعض الجماعة رادينها جديدة على حالتها الأوله المصابيح والقهوه والرواق والصفاف والجصة والقطيع وحويضات العيش والي فرحنا زود
يوم شفنا عييلنا يشتغلون بيدياتهم في كل حرفه وها الذيب بسم الله عليه ولد المزيني خالد عارفن كل ذا العلوم يعلمنا عنها
ماودي أطول عليكم عارفن إني طولت
عقبه رحنا لراعي الفشخاء د أ/حمد الدخيّل أستاد في الجامعة الله يخليه على ضوية أهله قرية الفشخاء من أقدم القرايا وماشاء الله أستقبلونا
ماودي أطول عليكم عارفن إني طولت
عقبه رحنا لراعي الفشخاء د أ/حمد الدخيّل أستاد في الجامعة الله يخليه على ضوية أهله قرية الفشخاء من أقدم القرايا وماشاء الله أستقبلونا
أهلها وهلوا ورحبوا ماقصروا
القهوة والحلو والضو والميوه من كل رنق وهالرجال النشاما ومشانا عليها وعلى القليب أم فرغين الله يكرمهم ويبارك لهم
نخيلها المسبحات حانة رانة وها الجصة الي تخلي التمر يتصارخ من زينه ودبسه
والمدبسه دبسها يهبل كنه عسل من طعمه عقبها مشونا على المجمعة مرة ثانية
القهوة والحلو والضو والميوه من كل رنق وهالرجال النشاما ومشانا عليها وعلى القليب أم فرغين الله يكرمهم ويبارك لهم
نخيلها المسبحات حانة رانة وها الجصة الي تخلي التمر يتصارخ من زينه ودبسه
والمدبسه دبسها يهبل كنه عسل من طعمه عقبها مشونا على المجمعة مرة ثانية
صايرة منطقة واسعة الله يفاولها بتعيينها منطقة ثمن مرينا على حرمة الحي الشرقي وحنا رايحينن للخيول وماشاء الله حاطين محل للخيل وتعليم العيال عليها يسمونه نادي الفروسية وهذا نافعن بالحيل ليت كل العيلان يتدربون عليها عز ومعزه يصيرون خيالة وماقصر الحبيب ولد الثمارا عبدالرحمن الثميري
الله يربط في عمره وكلن يخليه ويخلي له ولا يخليه من غاليه
عقبه قالوا يالله الغدا عند ولد المزيني حمود في مزرعته في حرمة ما قصر
الله يا أبي له عبدالعزيز الله يرحمه أعرفه وغالي عندي راعي الحماليه اللوري يجيب عليها حويجات من الرياض دايم يجي لحرمة يبيع بضاعته مع سواقه حبيب كريم خَيّرّ
عقبه قالوا يالله الغدا عند ولد المزيني حمود في مزرعته في حرمة ما قصر
الله يا أبي له عبدالعزيز الله يرحمه أعرفه وغالي عندي راعي الحماليه اللوري يجيب عليها حويجات من الرياض دايم يجي لحرمة يبيع بضاعته مع سواقه حبيب كريم خَيّرّ
كلن يحبه الله يرحمه
وأكرم حمود الجميع الله يغنيه حاطن ضيفة وكرمة كبيرة لوهو الطبيخ حاطه وميوه وارناق ما أعرفها من أكل ذا التالين
و تكلم الشيخ أبو محمد عبدالله البابطين كلمة تهبل من زينها وتكلم حمود هل ورحب بالربع ثم قصد شاعر سدير والخطامة حمد المغامس قصيدة وش زينها ما ودك يسكت
وأكرم حمود الجميع الله يغنيه حاطن ضيفة وكرمة كبيرة لوهو الطبيخ حاطه وميوه وارناق ما أعرفها من أكل ذا التالين
و تكلم الشيخ أبو محمد عبدالله البابطين كلمة تهبل من زينها وتكلم حمود هل ورحب بالربع ثم قصد شاعر سدير والخطامة حمد المغامس قصيدة وش زينها ما ودك يسكت
أوحيهم يلقبونه بالوردي حروتن إن عنده شجر ورد في الخطامة هو وشعره عطر ورد ماشاءالله عليه
ثمن راحوا لزيارة ولد الثمارا خالد الثميري في فلاحته فرح بالجماعه وأكرمهم الله يغنيه ثمن رجعوا للنادي في الحمالية الي تنقلوا عليها حقت النادي وودع بعضهم بعض وشكروا أهل المجمعة عامة والنادي
ثمن راحوا لزيارة ولد الثمارا خالد الثميري في فلاحته فرح بالجماعه وأكرمهم الله يغنيه ثمن رجعوا للنادي في الحمالية الي تنقلوا عليها حقت النادي وودع بعضهم بعض وشكروا أهل المجمعة عامة والنادي
والمستقبلين والمكرٍمين خاصة ودعوا لهم
ثمن كلن ركب راحلته وعاد بالسلامة لأهيله راد ماشاءالله ولد مطرمخ عقب ها الزواره من الوناسه وسعة الصدر في هالمسيار على الربع (والله صارت تخوف كلمة المسيار هالوقت) تدري هونت عن ذا الكلمة تروع (فرجة يجيك منها ريح سدها واستريح) خلاص في ها الزيارة
ثمن كلن ركب راحلته وعاد بالسلامة لأهيله راد ماشاءالله ولد مطرمخ عقب ها الزواره من الوناسه وسعة الصدر في هالمسيار على الربع (والله صارت تخوف كلمة المسيار هالوقت) تدري هونت عن ذا الكلمة تروع (فرجة يجيك منها ريح سدها واستريح) خلاص في ها الزيارة
بلا مسيار ووجع رأس
والحمد على الإجتماع
وهذي رسالة عن الزيارة كلها حب وتقدير وشكر واحترام وسلام من القلب لكل شخص باسمه دون تخصيص ولكل من تسبب وشارك وحضر وقدم وأكرم وشرح وخدم في هذه الزيارة منذ كانت فكرة حتى تحققت ولله الحمد أولاً وآخراً
وارجو أن نلتقي بكم جميعا قريبا في بلدكم
والحمد على الإجتماع
وهذي رسالة عن الزيارة كلها حب وتقدير وشكر واحترام وسلام من القلب لكل شخص باسمه دون تخصيص ولكل من تسبب وشارك وحضر وقدم وأكرم وشرح وخدم في هذه الزيارة منذ كانت فكرة حتى تحققت ولله الحمد أولاً وآخراً
وارجو أن نلتقي بكم جميعا قريبا في بلدكم
ومع أهلكم في حرمة إن شاءالله
وأطلب العذر والسموحة من الجميع عن الخطأ والنسيان وعن الكلام باللهجة السديراوية في هالسالفة ماجاكم من الشايب بركه
خاصة من دخاترت العلم واللغة والنحو ومن راعي النحو الي يقاله ولد سيبويه وراعي قصيد النحو ولد المالك الله يرحمهم لوهم حيين إن كان أدبوني
وأطلب العذر والسموحة من الجميع عن الخطأ والنسيان وعن الكلام باللهجة السديراوية في هالسالفة ماجاكم من الشايب بركه
خاصة من دخاترت العلم واللغة والنحو ومن راعي النحو الي يقاله ولد سيبويه وراعي قصيد النحو ولد المالك الله يرحمهم لوهم حيين إن كان أدبوني
كود ماذكرته كان معلوم
يقولون الخط نصف المشاهدة والعذر والسموحة عن كل تقصير الشايب معكم علمه باديه النسيان الله يذكرنا الشهادة
ولا يفوتني الدعاء لأخي الغالي الحبيب الكريم الأديب الشاعر معالي الشيخ أبو أحمد عبداارحمن أبو حيمد الذي ماحصل له وعياله يخاوونا لأن جايته صخينة أثر قل صح
يقولون الخط نصف المشاهدة والعذر والسموحة عن كل تقصير الشايب معكم علمه باديه النسيان الله يذكرنا الشهادة
ولا يفوتني الدعاء لأخي الغالي الحبيب الكريم الأديب الشاعر معالي الشيخ أبو أحمد عبداارحمن أبو حيمد الذي ماحصل له وعياله يخاوونا لأن جايته صخينة أثر قل صح
ومذكور له تختور في ديرة بعيده اسمها غبص ضيعتها ورايح له يتداوى
احزم يدك وعرضها الطببا
الله يرده لأهيله ولنا من روحته العلاجية سالما طيبا بأتم الصحة والعافية وأن يتمم عليه الشفاء العاجل التام وينفع بالسبب آمين وأسأله أن يحفظ علينا ديننا و أمننا وولاة أمرنا و رغد عيشنا واستقرارنا
احزم يدك وعرضها الطببا
الله يرده لأهيله ولنا من روحته العلاجية سالما طيبا بأتم الصحة والعافية وأن يتمم عليه الشفاء العاجل التام وينفع بالسبب آمين وأسأله أن يحفظ علينا ديننا و أمننا وولاة أمرنا و رغد عيشنا واستقرارنا
ومملكتنا ووحدتنا من كل عدو وحاسد ومن كل شر آمين
و أنتم سالمين والسلام
الداعي لكم بالخير أخيكم ومحبكم
أبوإبراهيم عبدالكريم بن عبدالمحسن التركي
و أنتم سالمين والسلام
الداعي لكم بالخير أخيكم ومحبكم
أبوإبراهيم عبدالكريم بن عبدالمحسن التركي
ماشاء الله تبارك الله
إبداع أبا إبراهيم وتوثيق مميز
وشمولية في المفردات والمحتوى والأماكن والأشخاص
بارك الله فيك ونفع بعلمك وجهدك
مع خالص تحياتي وتقديري
عبدالرحمن بن أحمد الروساء
إبداع أبا إبراهيم وتوثيق مميز
وشمولية في المفردات والمحتوى والأماكن والأشخاص
بارك الله فيك ونفع بعلمك وجهدك
مع خالص تحياتي وتقديري
عبدالرحمن بن أحمد الروساء
جاري تحميل الاقتراحات...