على خلفية تغريدتي الفاتت عن الجرب، اتذكرت مرة في السلطنة لما كنت شغال في عيادة الجلدية بمجمع عبري الصحي بمحافظة الظاهرة، كتبت لمريض دواء للجرب فرجع لي من الصيدلية بستوثق من طريقة استخدامو
فلقيت انو ادوهو دوا تاني خالص ما بعالج الجرب رغم اني كاتب في السستم الدوا الصاح (permethrin) ، فاتصلت بالصيدلية وقالوا لي انو جاتهم نشرة بإستبدال الدوا الفي السستم بي الدوا ده بإعتبارو عندو نفس الفعالية، فاعترضت ليهم بشدة انو ده كلام غلط، والدوا الجديد ما بعالج الجرب
بعد شوية جاتني رئيسة قسم الصيدلة معاها صورة من الخطاب الرسمي من وزارة الصحة ومرفق معاهو تعميم من استشاري أول جلدية بالمستشفى المرجعي للجلدية بالسلطة (مستشفى النهضة) انو الدوا ده بديل للأول ومرفق برضو صورة لموقع استرالي بقول انو ده علاج فعال
ففاجأتها بالقول: برضو غلط حتى لو قالتو الوزارة والاستشاري 😈 فاتخلعت لانو ما اتوقعت رد الفعل ده، وطلبت منها صورة من ده كلو
اليوم التاني جبت ليها تقرير كتبتو بعناية، فيهو الموجهات العلاجية للجرب من عدة دول وجمعيات طبية محترمة (بالمصادر) ما فيها الدوا البديل
اليوم التاني جبت ليها تقرير كتبتو بعناية، فيهو الموجهات العلاجية للجرب من عدة دول وجمعيات طبية محترمة (بالمصادر) ما فيها الدوا البديل
وختمت بصور من الموقع الأسترالي المرفق مع الخطاب الرسمي بتوري انو موقع منظمة غير ربحية ما عندها علاقة بوزارة الصحة الاسترالية وانو جايبين ادوية الجرب والقمل مع بعض عشان كده اتلخبط الاستشاري فيها وانو حتى هم كاتبين الدوا الاصلي المعروف لعلاج الجرب
وارفقت البحوث حول طريقة عمل الدوائيين ديل وكيف انو الدوا البديل بشتغل في القمل لكن ما في الجرب، وانو ما في أي دليل على استخدامو للغرض ده، وارسلت نسخة للإدارة الطبية ولمديرية الصحة بالمحافظة
وفعلا بعد كم شهر، رجعوا لينا الدوا الفعال وسحبوا البديل 😎
العبرة:
منهجية البحث العلمي هي الاهم موش السلطة المعرفية للسناير وتعليمات الجهات المسؤولة
العبرة:
منهجية البحث العلمي هي الاهم موش السلطة المعرفية للسناير وتعليمات الجهات المسؤولة
جاري تحميل الاقتراحات...