*ناس حلوة بزيادة 😊*
فيه ناس حلوة قوى فى الدنيا ، تنور اى مكان موجودة فيه. و ناس اتخلقت تسعد إللى حواليها، و ترطب قلب المجروح ، و تجبر خاطر المكسور ..
و ناس بترسم الفرحة على وش الكل ..
الناس دى عارفة كمية الظلم و القهر و الوجع اللى مغطى الناس، فقررت تكون بلسم شافى و ترياق فرح

للى حواليها..
و ناس ضحكتها دوا و قعدتها شفا .. تشجع لما الامل يروح و تسقف حتى لو مفيش حد تانى موجود ..
و ناس بتحس قوى بالمتضايق و تجرى عليه تواسيه و تاخد بحسه ..
و ناس بيضا و صافية زى المية الجميلة تروى من غير ما تطلب حاجة..
و ناس لسانها بينقط عسل، ما تعرفش تقول كلمة بايخة أو

تعليق جارح ..
و ناس الإعتذار عندها بسيط و سلس، و معندهاش مانع تريح الكل..
و ناس بتسأل على الكل ، و تتعب نفسها علشان تريح الجميع، عاوزة تدى ما تاخدش ، وشها المريح رزق و ابتسامتها الصادقة هدية ..
الناس دى بتخلى الدنيا منورة و جميلة، و مهما كان فيه تعب، تشوفهم تقول لسه فيه خير فى

الدنيا طول ما هما موجودين..
الناس دى لما تشوفها "معدية" ، تبقى نفسك تقلدها من كتر ما بتحبها ..
شوف لو بتعرف حد كده الصق فيه إتعدى منه ولو لم تجد حد..
ابدأ أنت و أعدى غيرك
و احلى مسا على الناس الحلوة