رتبها

عن إحتياجك إنك تتصدق..
زى ما فيه إحتياج انك تتحب..
وإحتياج انك تتشاف وتتقدر..
وإحتياج إنك تحترم..
فيه إحتياج انسانى أساسى مهم جداً.. اسمه إحتياج إنك تتصدق..
بمعنى..
أنا محتاجه لما أعبر عن إللي جوايا.. إن إللي قدامي يصدقه..
#نفسيا

محتاجة لما أقول "أنا حاسه إن فيه حاجة غلط".. إللى معايا مايشككش فيا..
محتاجة لما أحكى.. إللى بيسمعني يحس بيا.. ويتجاوب معايا.. ويصدق إللى حكيته..
من أكتر الحاجات المؤلمة إللى بواجهها .. لما أقعد أوصف مواقف وأحداث صعبة جدا وأحياناً غريبة جدا -بالنسبة لى- ف حياتي أقصد
#سمرآ 🦋

أو أني أسمع من أصحابي حكاويهم عن كم الظلم وسوء المعاملة والابتزاز العاطفى إللى بيتعرضوا ليه.. مع شريك حياته.. أو أبوه أو أمه.. أو أى حد..
وبمجرد ما أقوله: "ياه.. صعب أوى إللى بتحكيه ده" أبص ألاقي اللي بيحكي عينيه وسعت.. وحواجبه ارتفعت.. وصوته على من الدهشة: معقول يا سمرا؟ بجد؟

يعنى أنا صح؟ إللى كنت بحسه فى الموقف ده صح؟ يعنى كان معايا حق إنى أحس كده؟ كان معايا حق إنى أقول لأ؟ ده كان بيشككنى فى نفسي.. دانا فقدت الثقة فى احساسى.. دانا بدأت أحس إنى //مجنونة..
_الفكرة اني بحس وبصدق لأني اتعرضت للفصيله دي من البشر

خلينا بس متفقين أن فيه فصيلة من البشر محترفة فى قلب الترابيزة.. ✋
وانها تشككك فى نفسك.. وتخليك انت شخصياً ماتصدقش نفسك إنت شخصياً..
دول ان شاء الله مكانهم فى قاع الجحيم.. 🤲🤲 لأنهم فى الحقيقة.. جحيم متحرك.. جحيم يمشى على قدمين..

وفيه فصيلة تانيه.. تحس وانت بتتكلم معاها.. وتشوف فى عينيها انها مصدقاك.. ان كل مراهم العالم لمست قلبك.. وكل بلاسم الدنيا ضمدت جراح روحك..#الحامي 🎩🤍!
وزى ما كل حاجة ليها أصل ومرجع فى الطفولة.. والعلاقة بالأب والأم.. الاحتياج ده كمان ليه نفس هذا الأصل..

#الطفل محتاج أبوه وأمه يصدقوه.. ده مش بس بيحسسه إنه متشاف ومتقدر.. لأ.. ده بيحسسه إنه موجود.. إنه أصلاً موجود.. وان هذا الوجود متصدق.. هذا الوجود له معنى.. هذا الوجود Valid..
ومش مقصود هنا انك تصدقه لما يتكلم.. الاحتياج ده موجود من قبل حتى ما يتعلم الكلام.. احتياج Preverbal..

لما يحس إنه جعان.. وأمه تحس بيه وترضعه يبقى هى كده صدقته..
لما يبكى وأبوه يشيله ويطبطب عليه يبقى هو كده صدقه
لما يحتاج ويتم إشباع إحتياجه إذن إحتياجه صادق ومهم
أقولكم سر..
الأطفال فى سن معين بيبدأوا يقولوا للأب وللأم: أنا بحبك.. فيردوا بسرعة وبدون تفكير: وأنا كمان بحبك يا حبيبي

فجأة بلاقي ابني جاي يقولي أنتي أحلي أم ف الكون..بقوله أنت أجمل وأحلي ابن ف الكون كله..
السر بقى.. ان الطفل فى اللحظة دى مش بيكون محتاج ده.
هو بيكون محتاج قبل ما تقوله (بحبك).. انك تقوله: أنا مصدقك.
ده اللى يشبعه.. وده اللى يرضى احتياجه..

وده اللى يتبنى على أساسه بعد كده الحب والاهتمام والاحترام.
ده إللي يزرع فى تركيبته.. ويشكل فى بناء شخصيته #رسالة_نفسية مهمة جداً:
"أنا باتصدق.. أنا من حقى اتصدق.. اللى باحسه ليه معنى.."
_دكتور محمد طه
#طبيب_نفسي

تصوروا بقى البنات اللى تتعرض للتحرش.. وتحكى لأهلها.. يقولوها انتى كان بيتهيألك.. أو انتى اللى غلطانة.. أو أكيد انتى السبب..
تصوروا الأولاد اللى يقعدوا يحلفوا لآباءهم وأمهاتهم على كل حاجة وأى حاجة.. وهما مش بيصدقوهم..

تصوروا الستات اللى تستفهم من أزواجها على تصرف.. أو تستغرب منه على موقف.. أو تسأله على تفسير ما !!
ينهال عليها بوابل من الكلام !!
ويهجم عليها بطلقات متتالية من الاتهامات والحوارات والألعاب النفسية القاتلة !!
ويخلى دماغها تلف حوالين نفسها.. بحثاً عن كمية هائلة من المبررات !!

وسلسلة لانهائية من وسائل الدفاع عن نفسها.. نفس الأمر يحدث مع بعض الأزواج طبعاً (علشان محدش يزعل)🙂
وشوفوا بقى لما دى تلاقى حد يصدقها غير جوزها.. وده يلاقى حد يصدقه غير مراته..✍️
أسوأ ما يمكن أن تقدمه لشريكك فى علاقة ما.. هو انك ماتصدقهوش..

وانك تحسسه انه محتاج يشرح ويدلل.. ويبرهن.. ويبرر.. وكأنه بيبرر وجوده..
وأفضل ما يمكن أن تقدمه على الإطلاق.. لكل من تحب.. هو أن تصدقه.. فقط تصدقه..
اتعلمت حاجة عظيمة من قرأتي ف كتب د.محمد طه ❤️ فى السياقات العلاجية..

كان يقول: "لما حد يقولك كلمة طيبة.. دبسه وصدقه.. انت كده هاتطلع منه أحسن ما عنده"..💌
دول عملوا تكنيك مخصوص فى بعض أنواع العلاج النفسي سموه Validation..
يعنى -ببساطة- توصل للى قدامك انك مصدق اللى هو حاسه.. وانه من حقه يحس اللى هو حاسه.. شوفتوا الغلب !!
"طيبين اوى ي خال🤷🏻‍♀️😌

مرادف هذا الاحساس عند من أمامك.. اسمه الارتياح.. الارتياح.
صدقوا بعض يا جماعة..
ده ممكن ينقذ نفوس.. وقلوب.. وأرواح 🥺🤍
لسه.. لسه..
فيه درجة أعلى من إنك تصدق حد Believe someone.. اسمها إنك تصدق (فى) حد Believe in someone
وده فيها كلام لوحده.. بعدين
وبس كده اسفه طولت عليكم🚶🏻‍♀️

@rattibha ❤️🌹🙏

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد