١/٩ مرات المشكلة مو بالمقابل، المشكلة بيك…حالة سبونج بوب كمثال 😂
مرات افكارنا عن نفسنا وعن المقابل تخلينا نتصرف بطريقة تخلي المقابل دائما يتصرف بشكل يأكد فكرتنا المسبقة..
هواية من مشاكلنا بالعلاقات الها علاقة بفكرتين متجذرات عن الذات: اني غير محبوب/منبوذ أو اني فاشل/غير كفوء….
مرات افكارنا عن نفسنا وعن المقابل تخلينا نتصرف بطريقة تخلي المقابل دائما يتصرف بشكل يأكد فكرتنا المسبقة..
هواية من مشاكلنا بالعلاقات الها علاقة بفكرتين متجذرات عن الذات: اني غير محبوب/منبوذ أو اني فاشل/غير كفوء….
٢/٩ الي عنده الاعتقاد الأول غالباً تصيرله مستقبلا مشاكل وحساسية بالعلاقات interpersonal sensitivity لإن هذا ينعكس على سلوكه ويبدي يعامل المقابل اما بالابتعاد عن/تجنب العلاقات او بالتقرب جداً بالعلاقة وتطويخها الى درجة الالتصاق…
٣/٩ سلوك الابتعاد والتجنب جاي من فكرة اني ممل وما محبوب وثقيل على المقابل بعد ليش اثقل عليه وافشل نفسي، خلي ابتعد احسن لي،،،، وهذا السلوك راح ينتبه عليه المقابل ويبدي يفكر هذا شبي، وليش منطوي، هذا متكبر وهذي الاعتقادات راح تنعكس على سلوكه:
٤/٩ يبدي يگول بما انه هذا شايف نفسه لعد خلي اتركه وهم اني اثگل واصير رسمي وياه،،،سلوك المقابل هذا راح ياخذه الشخص الي عنده مشاكل حساسية بين_شخصية كدليل على صحة افكاره المسبقة: شوف طلع اعتقادي انه اني منبوذ صحيح،،هذا هم ابتعد مثل الي قبله!
٥/٩ الي يتبنى السلوك الثاني ويحاول يتقرب هواية ويهتم وينطي للمقابل بصورة مبالغ بيها ويريد المقابل يعامله بنفس الطريقة ويصير demanding ويريد اهتمام الى درجة يعامله كأنه ملكه: يضوج من يمشي او يحاچي غيره، لازم هو اول واحد يعرف باخبار المقابل، لازم هو رقم واحد بحياة المقابل…
٦/٩ ، اي حركة او كلمة يگولها المقابل يفسرها على انها علامة على انه يريد يتركه او يهجره ويزعل ويتعارك ويعاتب ويحاسب المقابل على هاي علامات الهجران المتخيلة!! وبالتالي حرفيا يخنگ المقابل ويأذيه فيبدي صدگ يحاول يبتعد عنه ونرجع لسالفة صاحبنا ابو سلوك التجنب:
٧/٩ هذا الابتعاد ياخذه كدليل على انه محد يريده وانه علاقاته دائما تنتهي بهالشكل المؤذي البشع!!
٨/٩ فهنا ممكن المشكلة مو بشفيأ حبار وانما المشكلة بإعتقاد متجذر مزروع منذ الطفولة ربما عند سبونج بوب (اعتقاد انه اني غير محبوب) يخليه يسوي سلوكيات تجاه شفيأ وهذي السلوكيات تخلي شفيأ هم يفسرها تفسيرات معينة والي تخليه يسلك سلوك الابتعاد الفعلي…
٩/٩ وهذا السلوك راح يعتبره سبونج بوب على انه دليل على صحة اعتقاده المسبق المتجذر الي يگول اني غير محبوب! هذي ممكن تسميها النبوءة ذاتية التحقق self fulfilling prophecy: نبوءة او اعتقاد معين يغير سلوكنا وهذا سلوكنا يسوي تأثيرات على المقابل يخلي النبوءة مالتنا تتحقق بالواقع!
جاري تحميل الاقتراحات...