على ذكر عنصرية الأوروبين الدائرة إعلاميًاً حاليًا ، ودهشتهم من فكرة إن بلد أوروبي " متحضر " يكون مصدر لاجئين وحروب ، وتصريحات من نوع إننا مش دولة من دول العالم الثالث عربية أو افريقية والعالم الـ Uncivilized دول ، عشان يحصل فينا الكلام دا .
افتكرت كتاب كان وقع في طريقي في كشك جرايد ب4 جنيه ، طباعة الهيئة العامة لقصور الثقافة في مصر ، اسمه " طبقات الأمم " لمؤرّخ أندلسي اسمه القاضي أبو القاسم صاعد الأندلسي ، ومن تحقيق الأب لويس شيخو ( أيوة اسمه كده شيخو )
الراجل بيشرح فيه الأمم في عصره ، ودرجة ما تبلغه من علوم ومعارف
الراجل بيشرح فيه الأمم في عصره ، ودرجة ما تبلغه من علوم ومعارف
بأسلوب منهجي لطيف بعيد عن الإنحيازات الدينية حتى وده اللى عجبنى فى الكتاب إنه مش مُتحيّز ولا مُتحزبن . والكتاب دا كان في مطلع القرن الخامس الهجري ( الحادي عشر الميلادي ) ، فترة مبكرة جدًا من التاريخ الإسلامي ، لدرجة إنه لما اتكلم عن مصر
كان بيتكلم عنها باعتبارها بلد يعيش فيها القبط وسطهم أقلية مسلمة ، لأنه لم يكن انتشر فيهم الإسلام بشكل كامل .
أبو القاسم قسّم الأمم في عصره طبقتين أساسيتين : طبقة عنيت بالعلم فـ ظهر منها ضروب العلوم وفنون المعارف ، فأصبح الظاهر عنها أنها أمة متحضرة متعلمة عمومًا .
أبو القاسم قسّم الأمم في عصره طبقتين أساسيتين : طبقة عنيت بالعلم فـ ظهر منها ضروب العلوم وفنون المعارف ، فأصبح الظاهر عنها أنها أمة متحضرة متعلمة عمومًا .
وطبقة أخرى من الأمم لم تعنا بالعلم عناية تستحق بها ، فـ شوية منهم متعلمين متحضرين وشوية لا .
فأما الطبقة التي عنيت بالعلوم في عصره ، فـ ذكرها بأنها : أمم الهند ( أيوة بدأ بالهند تحديدًا ) والفُرس والكلدان واليونان والروم وأهل مصر والعرب ( دمجهم مع الأندلس ) والعبرانيين .
فأما الطبقة التي عنيت بالعلوم في عصره ، فـ ذكرها بأنها : أمم الهند ( أيوة بدأ بالهند تحديدًا ) والفُرس والكلدان واليونان والروم وأهل مصر والعرب ( دمجهم مع الأندلس ) والعبرانيين .
بالترتيب ده كده . وقعد يتكلم عن كل أمة منهم وصناعاتها وفنونها بتفصيل كبير ، واحترام واضح لكل منهم
أما الطبقة التي لم ُتعنا بالعلم بشكل خاص ،وإن كانت ليهم ممالك كبيرة ، لكن مش محل علوم وفنون زي الأمم التي ذكرها ، فـ كانت في عصره : الصين والترك ، والترك مش المقصود بها تركيا الحالية
أما الطبقة التي لم ُتعنا بالعلم بشكل خاص ،وإن كانت ليهم ممالك كبيرة ، لكن مش محل علوم وفنون زي الأمم التي ذكرها ، فـ كانت في عصره : الصين والترك ، والترك مش المقصود بها تركيا الحالية
بل كانت تسمية العرب للروس الحاليين . ( أيوة الروس دلوقتى زمان هم التُرك ما تتخضش ^^ )
المهم بقى يا عزيزى جِه في فقرة وهو بيتكلم عن الأمم الجاهلة الأقل تحضرًا ، قال فيه بالحرف :
" وأما سائر هذه الطبقة التي لم تُعنا بالعلوم فـ هم أشبه بالبهائم منهم بالناس ،
المهم بقى يا عزيزى جِه في فقرة وهو بيتكلم عن الأمم الجاهلة الأقل تحضرًا ، قال فيه بالحرف :
" وأما سائر هذه الطبقة التي لم تُعنا بالعلوم فـ هم أشبه بالبهائم منهم بالناس ،
لأن من كان منهم موغلاً في بلاد الشمال ما بين آخر الأقاليم السبعة التي هي نهاية المعمور في الشمال ، فـ إفراط بُعد الشمس عن مسامتة رؤوسهم برّد هواءهم وكثَّف جوّهم فـ صارت لذلك أمزجتهم باردة ، وأخلاطهم فجة ، فـ عظمت أبدانهم و ابيضّت ألوانهم وانسدلت شعورهم ، فـ عدموا بهذا دقة الإفهام
وثقوب الخواطر ، وغلب عليهم الجهل والبلادة ، وفشى فيهم العمى والغباوة ، كالصقالبة والبرغر ومن اتصل بهم "
يعني يقصد بالتحديد سكان منطقة شرق أوروبا الحالية ، الأوكران والبلغار والسلافيين عمومًا . كانوا في نظر مؤرخي عصره آنذاك شوية بهايم مطلوقة لا بيفهموا ولا ليهم في حضارة ولا فكر !
يعني يقصد بالتحديد سكان منطقة شرق أوروبا الحالية ، الأوكران والبلغار والسلافيين عمومًا . كانوا في نظر مؤرخي عصره آنذاك شوية بهايم مطلوقة لا بيفهموا ولا ليهم في حضارة ولا فكر !
فـ تدور الأيام ويضرب الدهر ضربته وتتحول الأمتين اللي قال عنهم أقل الامم اعتناءًا بالعلوم ( الصين و روسيا ) لأمتين مِن أكثر الأمم اللي بتهدد العالم بـ علومها وتقنياتها . وتتحوّل معظم الأمم اللي ذكرها بأنها صُنّاع العِلم والمعارف إلى دول عالم تالت بـ تقدم لاجئين وناس غلابة .
والأمم اللي قال عليهم أشباه البهائم أكثر مِن كونهم بشر ، بقوا مُندهشين أن بيحصل فيهم حرب بالمستوى دا وأننا متحضرين و أوروبيين ياجماعة ولونا أبيض وشعرنا أصفر مش عالم تالت .
تلك الأيام نُداولها بين الناس فعلاً . الذكي يبقى غبي ، والغبي يبقى ذكي . والبهايم تتعلم ، والمتعلمين يبقوا Uncivilized
#شوية_تاريخ
#شوية_تاريخ
@rattibha ❤️🌹🙏
جاري تحميل الاقتراحات...