قبل فترة دخلت لقاعة محاضرات ابغى اتعلم شي
لقيت البروفسور فتح سلايدات، اخذت نفسي وطلعت
السلايدات اسوأ وسيلة لشرح المعلومات
اتذكر اساتذة لي على مر السنين كانوا يشرحون بقلوبهم، بحماسهم، ادخل معاهم جو واتحمس واصبر على القراءة اسابيع من كثر الدفعة المعنوية اللي يعطونها لي

السلايدات مملة وكئيبة ومافيها اي تواصل بشري
من بعدها صرت اعرف اختار مصادري اذا كنت ابحث باليوتوب او اقرا الكتب
وفهمت ان العقل عاطفة وتفكير مو بس تفكير
الاكاديميا كهنوت فصل بين العاطفة والتفكير مثل مافصلت الاديان البشرية بين الانسان والحقيقة

الكثير يقول اننا لازم نكون "حياديين"
افهم قصده لكن انا اقصد ان استخدام العاطفة للبحث عن الحقيقة مو مثل استخدام الحقيقة لاشباع ملذات النفس وعواطفها.
قطبين متعاكسين عن بعضهم
لذلك الخريجين عندنا بالملايين بس الانتاج قريب من الصفر
القران يأمر بالتفكر في الخلق والنفس

جرب تتفكر في الخلق والنفس فترة معينة ورح تلاحظ انسجام بين تفكيرك وعاطفتك
مستحيل ما تتفكر في الخلق وما تنشط افكارك وينشحن خيالك ويزيد فضولك
فقط اللي خرج من فطرته هو اللي يقدر يشوف الخلق ويفكر فيه بدون ما يحس بأحاسيس جبارة تخليه يقرا ويتعلم

اشوف الطوائف كلها تهتم كل وقتها بالاحكام، وهذا مفهوم، لاننا نعيش في كبت الله به عليم. لكن لازم نتذكر ان الاحكام كلها ٣٪ من ايات القران
٩٧٪ من القران كله تفكر وتحليل في كل المجالات الطبيعية والتكنولوجية والانسانية
تبا للسلايدات ههههههههههههههه