رتبها

ثريد ⬇️
عندنا عميل خسر أكثر من 45 ألف ريال و أعلن افلاسه في أقل من شهرين، بس علشان اختار قنوات التسويق الغلط.
اليوم، هأقولك على الأشياء اللي حصلت معاه و كيف تقدر تتجنبها، بالذات في تجارتك الالكترونية الخاصة.
@mkt_chess

في يوم من الأيام، وصل عندنا عميل في شركتنا دراي تيب.
كان عنده فكرة انشاء صالة رياضية ضخمة.
و في نفس الوقت، كان عايز يسوي متجر الكتروني علشان يبيع فيه منتجاته الرياضية.

المهم، العميل كان عايز ينشر حملات تسويقية في السوشال ميديا.
فقعدت معاه و نصحته بأن يدرس جمهوره المستهدف و يشوف شو المشاكل اللي عنده.
و بدينا نتكلم عن المشروع بشكل عام.

بس لاحظت بعد فترة، انه مركز جدا مع موضوع المبيعات.
فحاولت انه اكلمه عن موضوع رفع الوعي عند الناس اول.
بس للأسف، ما سمع كلامي.
مهما اكلمه، مافي فايدة.
كان عايز يدخل بقوة في عالم التسويق بدون أي تحضيرات.

فالمهم.
بدينا في موضوع المتجر الالكتروني عبر شوبفاي.
و طلب مني أسوي ليه حملات في الفيسبوك، تيك توك، انستقرام ، و يوتيوب.
قلت له، ما ينفع.
هذه القنوات جدا كثيرة عليك و انت لسا بادي.
قلت له، خلينا نبدأ شوي شوي، و نشوف شو اللي يشتغل معانا و نعدل مع الوقت.

طبعا...
مهما حاولت اقنعه ما رضى نهائيا.
و هذا الشي معروف بين أصحاب الشركات الصغيرة، انهم دايما يكون عندهم حماس خرافي و غير عادي.
بس مرات هذا الشي يخليهم يجيبو العيد.

حاولت كم مرة، اني اشرح موضوع التسويق الالكتروني بشكل عام.
بس، ما وافق.
و قال انه بشوف وكالة ثانية، لو ما سوينا اللي طلبه منا.
و قال انه فاهم التسويق الصح، و انه فاهم على شو قاعد يتكلم.
حاولت و حاولت...بس ما رضى.
في النهاية، بعد ضغط كثير منه، وافقت.

سوينا محتوى لليوتوب، و الانستغرام في البداية.
عملنا حملة مسابقة مجانية، و لقى عدد المتابعين زادو كثير.
فقلت له، انه هذا الشي طبيعي دايما.
لانك تعرض شي مجاني في النهاية.
بس ما اول ما ينتهي هذا الشي، بيسحبو عليك الا يكون عندك مجتمع.
و فعلا، بعد فترة، التفاعل قل.

الحملة التانية اللي سواها - كانت عملية بيع مباشر.
اللي يسموها CONVERSIONS
بس قلت له - على الأقل افهم جمهورك علشان تستهدف صح.
برضو ما وافق.
هذه الحملات دفع فيها الكثير.
المبلغ ما كان هين أبدا.
بعد كم أسبوع.
اخيرا، اقتنع.
ووافق انه نسوي دراسات و نفهم جمهورو.

و طبعا هنا.
حصل شي غير متوقع نهائيا.
أول ما بديت أسوي الدراسات و احلل الجمهور المستهدف.
جاني العميل و قال لي...

امام...
⬅️ما عندي ميزانية علشان نحلل الجمهور أو نختبر الاعلانات.
خلاص هل ممكن نسوي شي ثاني؟
طبعا، أنا هنا شفرت.
كيف يعني؟

في البداية، لمن أنا سألت العميل عن الميزانية التسويقية، وضح لي أرقام معينة و كانت كويسة.
بس طلع الموضوع، انه ما حسب اصلن ميزانية للجمهور المستهدف أو حتى للتسويق المدفوع...
و طبعا هنا، رجع لي العميل، و قال لي ما عندي فلوس اسوي اي تسويق لأني صرفت الفلوس على الشركة و الترخيص...

العميل خسر شركته و الكثير من الفلوس.
عارفين لي؟
⬅️علشان ما عنده أي أساسيات في التسويق و كان متسرع.
اي واحد عنده شركة صغيرة، لازم على الأقل يفهم مصطلحات التسويق، الخطة التسويقية...الخ
لأنه هذه الاشياء جدا مهمة.
لمن انت تفهم هذه الأشياء، هتوفر الالاف على نفسك.

و لازم تكون متفهم لي موضوع التجارة قبل لا تبدأ.
ما ينفع تسوي تجارة الكترونية، و على طول تتوقع نتائج.
لازم تلعب على المدى الطويل و تكون مزبط ميزانيتك صح.

لحد الحين، العميل ما عنده طريقة انه يبني شركته لان الغرور قاده و ما علم نفسه صح.
مهما انت تنصح الواحد، مرات الشي ما يركب معاك.
نصحيتي الشخصية، لأي حد عنده تجارة أو ناوي يفتح تجارة أو أي شي صغير.
⬅️افهم الأساسيات.
لمن تفهمها، صدقني ما بتضيع ابدا.
على الأقل في البداية.

طبعا الحين الواحد ممكن يسألني؟
كيف كان ممكن العميل يتفادى هذا الشي؟
⬅️اعتقد انه كل واحد مهتم في التجارة او عنده حلم تجاري، انه يعلم نفسه أساسيًات التسويق الالكتروني.
و هذي واحدة من الطرق السليمة علشان تفهم الموضوع صح.

و في نفس الوقت.
افهم تجارتك صح.
و افهم وين عايز تروح ووزع ميزانيتك صح.
و لو تقدر، برضو اشتغل على عقليتك بطريقة سليمة و ما بتندم.

ملخص الموضوع ⬇️
⬅️ قبل لا تسوي تجارة الكترونية، افهم وين بتروح.
⬅️ لو علمت نفسك أساسيات التسويق، بتسهل الموضوع عليك.
⬅️ دايما اسمع و خلي مخك مفتوح لجميع الخيارات لمن تبدأ.
⬅️ لا تخلي المبيعات هدفك الرئيسي، هي مهمة بس بتجي مع الوقت.
⬅️ دايما حاول تستشير الناس الأفضل منك.

و ان شاء الله تكونو استفدتو!

لو حبيت تفهم أساسيات التسويق أكثر، سويت لك منتج رقمي بسيط يجمع لك كورسات جدا حلوة (فيسبوك، سناب، تيك توك...الخ) في مكان واحد.
و بيكلفك أقل من 30 ريال.

لو حبيتو الموضوع، تقدرو تشتركو في النشرة البريدية عن التجارة الالكترونية و التسويق الالكتروني!
اليوم عندنا أكثر من 360 مشترك لتس قو!
الاشتراك حاليا مجاني للجميع!
buttondown.email