ثريد: إتصالات نبتون والطالع في خريطة الميلاد (اقتران، معاكسة، تربيع، تسديس، تثليث، عدم اقتران)
#أبراج #خرائط_فلكية
#أبراج #خرائط_فلكية
🌿 بصراحة كنت حابة اعمل الثريد دي من فترة طويلة ولكن في النهاية كل حاجة بتحصل في وقتها وبما اننا في موسم برج #الحوت يبقي علي بركة الله. الثريد دي عزيزي القارئ لأي شخص عنده (اقتران/تربيع/معاكسة/تثليث/تسديس او عدم اقتران) بين نبتون والطالع في خريطة الميلاد.
١. عادًة الشخص اللي عنده اتصال مماثل بيمثل "النموذج" اللي اغلب الأشخاص نفسها تكون عليه وخاصًة اللي عنده اقتران وعشان كده الناس بتنبهر بيهم لأن اي حد بيتعامل معاه بيشوف فيه حاجة هو عايزاها، حاجة بيحلم بيها، الناس بتشوف فيهم الحاجات اللي مش عندهم وصعبة عليهم ونفسهم فيها ببساطة.
٢. الشخص اللي عنده اتصال بين نبتون والطالع بيمثل الحلم اللي كلنا عايزين نبقي جزء منه وعادًة الشخص بيبقي عنده حاجة مميزة مش بأرادته زي موهبة، مهنة مختلفة، شكل جميل كأن الشخص مولود بشئ إضافي وسحري عن اللي حواليه وده اللي بيخلي الناس تقدسهم خاصًة اصحاب التثليث والتسديس.
٣. لأن ببساطة الناس بتشوف في الشخص ده اللي مش عندهم وده بيخلق شعور ان الشخص من عالم آخر حتي لو ده مش حقيقي لأن عادًة الأشخاص اللي حواليه مش بتبذل مجهود عشان تفهمه بالعكس بيكتفوا بالتصور اللي في دماغهم عنه مع انه بنسبة كبيرة لا يمثله وده بيظلم الشخص بشكل كبير خاصًة اصحاب المعاكسة.
٤. ده غير ان الشخص في اوقات بيعيش ضحية "تصور" اتفرض عليه من الآخرين سواء كان تصور إيجابي/سلبي وبيبقي محبوس في الإطار ده مش عارف يطلع منه لأنه مش عارف هو مين خارج الإطار ده حتي لو مدرك لتصور الناس عنه هو ذات نفسه ضايع جواه وعشان كده الشخص ده تحدياته مش بتقل غير لما يعرف هو مين!
٥. ميزة الأشخاص دي انها بتعرف تستخدم سحرها، بتعرف تكون من عالم تاني، بتعرف تتقمص اي طاقة وتكسر اي حاجز وكأن مفيش قواعد تنطبق عليهم وعشان كده بيتعرف عنهم المراوغة/الخداع لأن في اوقات بيعرفوا بيفلتوا بفعلهم والناس مش بسهولة بتلاحظ أخطائهم او بتدقق عليهم بالعكس كله تحت سحرهم بينسي.
٦. اوقات كتير بتجد الشخص ده بيعاني من عدم قدرته علي وضع حدود صحية في حياته وفي علاقاته مع الآخرين خاصًة اصحاب التربيع/المعاكسة/عدم الاقتران. فالشخص مش بيبقي عارف امتي يقول كفاية وامتي يكمل، امتي يحارب وامتي ينسحب قبل ما يدمر نفسه وعشان كده الأشخاص دي معرضة للاستغلال اكتر من غيرهم
٧. في نفس الوقت عدم قدرتهم علي وضع حدود وعدم تقييد نفسهم بيخدمهم جدًا علي الصعيد المهني مع انه بيضرهم عاطفيًا في اوقات وده لأن خيالهم واسع وفيهم مرونة. فالأشخاص دي بتحلم وتتخيل بأستمرار وده بينعكس علي مظهرهم، الستايل بتاعهم وعشان كده الشخص سهل يتحول لأيكونة او نجم او حاجة واو.
٨. حاجة كمان بلاحظها في اتصالات نبتون والطالع ان ساعات الشخص بيجذب اشخاص مضللة ومشتتة خاصًة اصحاب (الاقتران/المعاكسة) فسهل يجذبوا ويتعاملوا مع أشخاص تشتتهم، تضللهم، يتعمدوا عدم لفت انتباهم. سهل كمان يتم تحميل الشخص ذنب ليس له دخل فيه فممكن يكون عنده ام/اب/شريك كثير اللوم والعتاب.
مثال: شخص مرتبط عنده معاكسة بين الطالع ونبتون عمل تصرف ازعج الشريك من غير ما ينتبه مش بالضرورة الشريك في الحالة دي يلفت انتباهه ويقوله انت ازعجتني بالعكس غالبًا الشريك لو غير ناضج مش هينبه الشخص وهيبدأ يتغير في التعامل لحد ما صاحب اتصال نبتون والطالع يحس ان في حاجة غلط ويبدأ يشك.
٩. ولذلك من أهم النصائح لأصحاب اتصالات نبتون والطالع انك رقم ١: تعرف انت مين او يبقي عندك تصور مستقل عن الشخص اللي انت عليه لأنك لو استسلمت للنماذج اللي بتتفرض عليك من الآخرين هتفضل عايش في حالة رمادية/ضبابية للأبد.
٢. اتعلم تضع حدود صحية، لازم تعرف فين حدودك وفين حدود الآخرين.
٢. اتعلم تضع حدود صحية، لازم تعرف فين حدودك وفين حدود الآخرين.
١٠. لازم كمان نقول أن الأشخاص دي رومانسية جدًا وهشة جدًا ومتسامحة للغاية ودايمًا عندها عشم كبير في الحياة وفي الأشخاص. فده الشخص اللي مستعد يثق في طيبة البشر حتي لو تصرفاتهم شرانية، ده الشخص اللي مؤمن انه هيجد توأم روحه واللي مستعد يسيب نفسه كليًا يتوه ويضيع في أحضان العالم.
١١. ولذلك أصحاب اتصالات نبتون والطالع هما أصحاب الحاسة السادسة والأشخاص دي عادًة أحلامها قوية، سهل تتصل بحياتها السابقة، شاطرة في قراءة لغة الجسد والمثير للاهتمام ان يصعب عليهم تفسير كل ده بشكل منطقي وعشان كده بيسلموا أمورهم ومش بيتعاملوا بتعقيد مع الدنيا ولا مع البشر.
🌟 وكالعادة خريطتك ليها الكلمة الأخيرة ومفيش بطل لحكايتك غيرك 🕊️ طبعًا صعب الكلام ينطبق علي الجميع لأن كل خريطة ليها تركيبتها في النهاية، فحاول تتعامل مع الثريد بمرونة عزيزي القارئ وتكون خطوة للتعمق في البحث اكتر لو حبيت الموضوع.
حابة انهي الثريد دي بأغنية مفضلة عندي وبتفكرني جدًا باتصالات نبتون والطالع بصوت اللي تجنن Audrey hepburn اللي بالمناسبة عندها معاكسة بين نبتون والطالع :) واسم الأغنية moon river 🌿
غير كده اجازة سعيدة وللأبد بحبكم أبطالي 🦄 💜
غير كده اجازة سعيدة وللأبد بحبكم أبطالي 🦄 💜
جاري تحميل الاقتراحات...