دلالات المهنه و معنى الكواكب في البيت العاشر #الخريطه_السنويه:
الشمس في البيت العاشر: بتقدر هالسنه تحصل على المجد مهنياً بنفسك، بمعنى دون الحاجه لمساعدة احد! الترقيه امر شبه حتمي فهالسنه و موقع الشمس يدعمك لو حاب تبداء بزنسك الخاص.
القمر في البيت العاشر: بيدعم حصولك على نجاح سريع لكن ممكن يكون مؤقت! ممكن عملك يتطلب منك الانتقال لمكان اخر بهالسنه، لو كنت منتظر التعيين من زمان موقع القمر فالعاشر بيدعم رغبتك.
عطارد في البيت العاشر: ممكن تحصل اختبارات بطريقك عشان اللي تبغى توصله فمهنتك، راح يكون عندك عدد كويس من المقابلات الشخصيه .. وممكن تحتار بين مهنتين او تكون على رأس عمل و تدير عملك الخاص! محيطك العملي بينظرون لك إنك خبير باللي تسويه.
الزهرة في البيت العاشر: ممكن يحصلك زيادة بمرتبك، مهنتك بتساعدك مالياً هالسنه حتى لو ماكنت معتمد عليها، الناس بمحيط عملك بيحبوك لانهم بيشوفوك كويس بشغلك، العمل مع النساء فهالسنه مرجح و مريح.
المريخ في البيت العاشر: الناس ممكن تشوفك عدواني بالعمل لإنك بتحاول تحصل على اللي تبغاه بالقوه، صح بتعمل بلا كلل بس حسب رؤيتك ماراح تحصل اللي تستحقه! لكن بالاخير النجاح بيكون حليفك لانك بتكون مقاتل هالسنه و ممكن الناس بمحيط عملك مايحبوا هالشيء فيك.
المشتري في البيت العاشر: بتلتقي ناس كثير و الهدف هو المهنه، و ممكن تنتقل او تحصلك اجازات مدفوعه حول العالم بسبب العمل كذلك، الابتعاد عن مكان سكنك مرجح جداً مع هذا الموقع، و الترقيه الكبيره برضو متوقعه هنا.
زحل في البيت العاشر: ممكن تصنع لنفسك فرصه عمل، او تصبح رئيس عملك الخاص، العمل مع اشخاص اكبر منك سناً ممكن جداً و ممكن تحصل على عمل يعطيك سلطه اكثر من اي عمل بحياتك و بيشكل نقطة فرق للسنين القادمه.
اورانوس في البيت العاشر: ممكن تستقيل من عملك بسرعه، التغيير بالعمل عنوان هالسنه بس مو اي نوع تغيير بيكون سررريع! ممكن فجاة تنتقل من مكان لمكان او من منصب لمنصب بسبب هذا الموقع.
نبتون في البيت العاشر: الشك و عدم اليقين حول مواضيع تخص العمل، ممكن مثاليتك تخليك تتخلى عن اي شيء تشوفه اقل من الصوره اللي براسك، هالموقع يدعم إنك تجيب حلول مبدعه و خلاقه فمكان عملك.
جاري تحميل الاقتراحات...