وانا جاي من الصينية ركبو معاي شباب نزلتهم في الاسطوب لمن وقفت جاني عمنا الرجل الجميل ده ببيع قهوة وكان باين عليهو الارهاق والتعب قال لي عندي قهوة اكب ليك مع اني ما شربها حبيت اجبر بي خاطرو وطلبت منو يركب معاي نتونس لاحدي اشربها فعلا انبسط وركب معاي وبقينانتونس ياابوي حكايتك شنو..
وساكن وين اولادك وين قال لي بناتي بدرسو وع ابواب التخرج بس الزمن بقى صعب وتارك الامور لي ربنا يا ولدي زوجتي وبناتي انا مسؤل عنهم الحمدلله ان شاء الله يخلصو تعليم ويشتغلو وينفعو نفسهم طيب يا عمنا رجلك مالها قال لي فيها مشكلة.....
وتاني ما مشيت الدكتور والبطلعو من شغلي بصرفو ع البيت وتعليم البنات قلت ليهو ممكن اصل معاك البيت قال لي ممكن مافي اي مشكلة فعلا وصلت معاهو بيتو ودي عربيتي قدام بيتو ساكن الاسكانات جبل بعيد جدا والله والمسافة دي كلها بجي من هناك حلف علي اتغدة معاهو حلفت ليهو اني عندي كم مشوار....
وان شاء الله تاني بجيهو شلت مبلغ من العربية عشان ادي ليهو حلف بالله انو ما بشيلو وانو الوضع مستور طيب يا ابوي انا جيت معاك عشان اقدر اساعدك العايزو شنو قال لي بس عايز يطور شغل القهوة لانو فيهو قروش عايز ليهو موتر تلاته عجلات ويعمل فيهو صندوق ودعاية....
ويكتب عليهو ابو البنات تاني ما محتاج اي شي انا قلت ليهو ان شاء الله حلمك ده من بعد الله سبحانه وتعالى يتحقق واعتبرو وعد مني يا ابوي ودعتو واتفارقنا اداني كم دعوة قسما بالله لمن حسيت بالسعادة....
ياريت نقدر نحقق حلمو ورقمو المباشر معاي وعمنا ده متعفف جدا ربنا يكرمكم سعر الموتر ما بين ٧٠٠ لي ٨٠٠ ان شاء الله نقدر نشتري ليهو.
احمد احمد عباس
0912248621
#اتحاد_مغردي_السودان
احمد احمد عباس
0912248621
#اتحاد_مغردي_السودان
جاري تحميل الاقتراحات...