خوتشي الأساتذة
مور ما ساليت تصحيح دالامتحانات المهنية كاين بعض الخلاصات بغيت نقاسمها معاكم لعل وعسى تفيد :
-اول ملاحظة هو مستوى التنافسية طلع بزاف والنيڤو صراحة مشرف جدا بغض النظر واش نجح الواحد ولا لا
-ثاني ملاحظة هو خص يتلقى حل باش يكون التكافؤ 👇

مابين أساتذة المواد الأدبية و المواد العلمية و اللغات الاجنبية مثلا فالامتحان المشترك يدار QCM
-ثالت ملاحظة ملي تقرا الامتحان شوف السياق فين تيهدر واش فاطار الاصلاح ولا النقد و لا شي مناسبة معينة غتفهم الامتحان كلو فين داير
👇

-رابع حاجة وهادي دارت الفرق فالتصحيح رد البال اشمن إجراء طلبو ليك فالسؤال واش حدد ولا بين ولا اشرح ولا اعط باش متمشيش زالق فتحرير يقدر يبان ليك زوين ولكن خارج السياق
-خامس حاجة ممكن تقدر على حساب التنقيط عدد المعلومات اللي خصك تحطها فالجواب 👇

-اخر حاجة السهل لممتنع هو لي فيه حسب تجربتك فرق مابين الصعوبات الذاتية ديالك و اللي متعلقة بالمهنة محيت ايلا هدرتي على الصعوبات الشخصية راك كضرب فلكفاءة ديالك و نتا راك مدوز امتحان الكفاءة اصلا 😏
حضر نظرة تشاركية مع تحديد مجال تدخلات باش ترفع مردود مجال معين فيه صعوبة
انتهى😎.