1) 28/1/2022 - بعت لبنان رسالة للأمم المتحدة بيقول فيها إنه رح يعدّل مرسوم الحدود البحرية ويعتمد على الخط 29 بدل الخط 23.
الفرق بين الخطين إن الـ29 مرسوم انطلاقاً من نقطة برية بموجب التقنيات والاتفاقيات العالمية المتبعة بالقانون الدولي وبيعطي لبنان كل حقل قانا وجزء من كاريش.

2) بينما الخط 23 تحدد عشوائيا سنة 2011 من قبل حكومة ميقاتي لتدارك خطأ ارتكبه الوفد اللبناني بقبرص سنة 2007 لما وافق ع حدود بتخسر لبنان مساحات من حدوده البحرية، وهو ما بينطلق من أي نقطة برية، وبيخسر لبنان كل حقل كاريش وجزء من حقل قانا.

3) 8/2/2022 - زار آموس هوكشتاين لبنان وقدم عرض جديد لترسيم الحدود، وأشار بتصريحاته إن هالمرة المفاوضات ح تكون نهائية.
12/2/2022 - أعلن رئيس الجمهورية التخلي عن الخط 29 وقال إنه كان بس لزوم التفاوض، وإن لبنان معتمد الخط 23.
من بعدها أكد وزير الخارجية هالموقف أكتر من مرة بمقابلاته.

4) 23/2/2022:
- الرسالة الموجهة للأمم المتحدة ضاعت.
- بواخر التنقيب عن الغاز بطريقها ع كاريش.
- لبنان بخشش ما يساوي 14% من مجمل مساحته لإسرائيل، وخسر حقل يزعم انو فيه ثروة غازية حرزانة من دون أي مقابل، الا اذا اعتبرنا تحديد هوية رئيسنا المقبل من هلق أو نزع عقوبات عنه هي المقابل.