رتبها

📌الثريد ده هتكلم فيه عن الجولات القادمة و ايه Chip Startegies اللي ممكن تُستخدم فيهم
📌 كل شخص و ليه طريقته الخاصة ف استعمال الخواص بمعني علي اساس فرقتك تقدر تقرر انت محتاج تستخدم ايه فين و امتي
📌طبعاً لو عجبك الثريد متنساش تدعمنا ب لايك و ريتويت 🔁!
#FPL #FPLCommunity

🔶الجولة ٢٧ : هي جولة بلانك لفرق ليفربول ، ارسنال و تشيلسي
🔶 الجولة ٢٨: هي جولة دبل ل ٦ فرق و هم ( فيلا - ليدز - نيوكاسل- ساوثهامبتون- وولفز - واتفورد )
🔶 الجولة ٢٩ : هي جولة دبل ل ٦ فرق و هم ( ارسنال - برايتون - ليفربول - نيوكاسل - ايفرتون - توتنهام

🔶 الجولة ٣٠ : بنسبة كبير البلانك الاكبر الموسم ده ،هيترتب علي نتائج الكاس ، لحد اللحظة منتظرين النتائج قبل ديدلاين الجولة ٢٨
🔶 الجولة ٣٣ : بلانك لفرق نصف نهائي الكاس + دبل لفرق ،هيكون ممكن تخيله قبل ديدلاين ٢٨ و التأكد منه بعد انتهاء مباريات الكاس قبل ديدلاين الجولة ٣١

🔳 هنبدأ اولاً بالجولة ٢٧ و ديه هتتقسم معانا ل ٣ سيناريوهات :
🔹أول سيناريو
شخص فريقك لدبل ٢٨ ،٢٩ مش افضل حاجة و مقرر انك هتفعل الوايلدكارد ف ٢٨ .
لو فريقك ناقصه لاعب او اتنين، انا شايف ان سالب ٤ علي لاعب ريسك لجولة واحدة (ستيرلينغ - سانشو ) و معاهم لاعب من بيرنلي يعوض السالب

🔹تاني سيناريو
شخص فريقك لدبل ٢٨، ٢٩ كويس او ممكن يكون كويس بالتغييرات المجانية و مش محتاج وايلدكارد + ان فريقك في المتناول جولة ٢٧ بس.
هنا تغييراتك لازم تكون بتارجت بيها الفرقة لقدام يعني مروحش اجري اجيب تريبل من بيرنلي علشان هم مش هيفيدوني للونج تيرم .
تكمل👇🏻

علي نفس الخط ممكن اركز مع لاعيبة هتفدني ف ٢٧ و ماتشهم سهل و عندهم دبل ف ٢٨ زي مثلاً
(بروخا - ليفرامنتو ) عندهم نوريتش و بعديها دبل او مثلاً (تارجت ) عنده برينتفورد و بعديها دبل ف ٢٨ و ٢٩

🔹تالت سيناريو
شخص بقي سواء ناوي علي وايلدكارد ف ٢٨ او حتي ناوي تظبط فرقتك بالتغييرات المجانية بس فرقتك للجولة ٢٧ مش كويسة بمعني اصابات كتيره و لاعيبة مش بتلعب و تلاقي نفسك معاك ٨ لاعيبة ، هنا بقي يجي دور الفري هيت (يُستحسن لو معاك ٢) و ديه تشكيلة فري هيت مقترحة للجولة ٢٧

🔳 نخش علي الجولة ٢٨ و ٢٩ و هنا الكلام مش هيبقي عن الاستراتيجيات علي قد ما احنا هنتكلم علي اللاعيبة المهمة اللي ممكن تفيدك ف الجولتين دول و كمان هل هتلعب ف ٣٠ و لا لا
◾️اللاعيبة ديه هي اللي انت هتحاول تركز عليها سواء ب وايلدكارد او بالتغييرات المجانية

🔶 استخدام الوايلدكارد في الجولة ٢٨ ف حالتين :
📌أولاً عدم وجود عناصر كافية من دبل ال٢٨ و ٢٩
📌ثانياً عدم اقتناعك الشخصي بالنقاط اللي هيحصل عليها فريقك في الجولتين قبل الوصول للجولة ٣٠ .

🚨هنقسم الفقرة ديه ل إلحق ، اصبر ، افكس
◾️إلحق بمعني لاعيبة مهمة للفترة القادمة
◾️ اصبر بمعني لاعيبة ممكن تفضل ف فريقك و لكن لو مش معاك متروحش تجيبها ، لو عندك امكانية و رفاهية في التغيير ممكن تغيرهم
◾️ افكس و ديه لاعيبة اوعي تفكر تجيبها

🔷هنبدأ ب فقرة إلحق :
📌 عناصر ارسنال ف غاية الأهمية عنصر دفاعي + عنصر هجومي هيلعبوا دبل ف ٢٩ + احتمالية دبل (٥٠٪) ف ٢٨ غير انهم هيلعبوا عادي مش بلانك في الجولة ٣٠
🔹رامسدال
🔹وايت
🔹 تيرني
🔹ساكا
🔹 مارتينلي
▪️ممكن تختلف اللاعيب علي حسب الميزانية بس افضل راميسدال و ساكا

📌 عناصر استون فيلا اللي ملاحظين ظهور خيارات منهم علي الساحة عندهم دبل ف ٢٨ و هيلعبوا عادي في الجولة ٣٠ مش بلانك
🔹لوكاس ديني
🔹كوتينهو
🔹رامسي
🔹بوينديا
🔹 واتكينز
▪️ انا اكون ميال اكتر لرامسي و كوتينهو

📌 تشيلسي و اللي غالباً لسه هيتضاف لها دبل ف ٢٨ سواء قدام ارسنال او نوريتش ف لازم يكونوا ف تفكيرنا نظراً ل سهولة جدولهم كمان ، لكن عندهم احتمالية بلانك ف ٣٠
🔹 سيلفا
🔹 جيمس (لو جاهز)
🔹 روديجر
🔹 ماونت
🔹 زياش (لو جاهز)
▪️ انا افضل روديجر و زياش لو جاهز

📌 ليفربول اللي بعد بلانك الجولة ٢٧ عندها دبل في الجولة ٢٩ و لكن مع احتمالية بلانك ف ٣٠
🔹ارنولد
🔹 روبو
🔹 صلاح
▪️ انا اميل اكتر لدبل من ليفربول و يكون صلاح و ارنولد

📌 نيوكاسل اللي عندها دبل ف ٢٨ و ٢٩ و سهل الاستفادة منه بالرغم من صعوبته و لكن ممكن يواجه بلانك في ال ٣٠
🔹 دوبرافكا
🔹 شار
🔹 تارجت
🔹 فريزر
🔹 وود
▪️ انا اميل للاعب واحد بس منهم و هو تارجت

📌 ساوثهامبتون عندها دبل ف ٢٨ و عندها نسبة انها تشارك في ٣٠ عن طريق خروجها من كاس امام ويستهام
🔹 ليفرامنتو
🔹 والكر بيترز
🔹 وارد براوز
🔹 بروخا
🔹 آدامز
▪️ انا اروح مع ليفرامنتو و بروخا علشان Budget Enablers بمعني يوفرولك فلوس بسبب سعرهم تستفاد ب فلوسهم ف مكان تاني

📌 توتنهام و الناس منتظرة منها شكل تاني بعد الانتصار علي سيتي ، ده ميمنعش ان دفاع توتنهام لسه مش كويس ، عندهم دبل في الجولة ٢٩ و لكن مع احتمالاية بلانك ف ٣٠
🔹 روميرو
🔹كولوفيسكي
🔹 سون
🔹كين
▪️ انا مع اختيار واحد من كين او سون لان مش مستاهلين مركزين بريميوم حتي يثبتوا العكس

📌 الولفز اللي من احسن الفرق دفاعياً السيزون ده و جدول كويس الفترة القادمة ب دبل ف ٢٨ و هيلعبوا عادي ف ٣٠
🔹 سا
🔹 سيميدو
🔹 نوري
🔹 بودينس
🔹 خيمينيز
▪️ انا مع اي عنصر دفاعي من ولفز و ده لازم و ممكن برده اروح ل خيمينيز اللي يستحق نديله الفرصة زي انطونيو و غيره قبل كده

📌 واتفورد و اللي عندها دبل ف ٢٨ مع احتمالية بلانك ف ٣٠ و طبعاً هنرشح اسم واحد بس
🔹 فوستر
▪️فوستر احسن خيار حارس تاني الفترة القادمة و سعره في المتناول
📌 ليدز يونايتد عندها دبل ف ٢٨ و هتلعب عادي مش بلانك في الجولة ٣٠
🔹 رافينها و بس

🔷نخش علي تاني فقرة و هي فقرة اصبر :-
🔶 اصبر علي عناصر بيرنلي اللي جدوله مش صعب و كمان عندها احتمالية تلعب في الجولة ٣٠
🔶 اصبر علي جالاجهر و ميتشل من بالاس
🔶 اصبر علي لاعيبة ليستر علي امل يخرجوا من دوري المؤتمرات غير كده دبلتهم بعد ال٣٣ فممكن تجبهم ساعتها

🔶 اصبر علي السيتي و لكن اتفهم لو انت عايز تخرج بره التيمبليت و تعوض كانسيلو مثلاً ب مدافع من تشيلسي
🔶 اصبر علي كينغ و دينيس لحد الجولة ٣٠ علي الاقل و ممكن تبيعهم بعديها
🔶 اصبر علي بوين دايماً ممكن يجيب نقط ف اي وقت ، لكن ظهر خيارات كتيره علي الساحة الفترة ديه

🔷 نخش علي اخر فقرة و هي فقرة افكس :-
⭕️ افكس لسانشيز و دفاع برايتون فيه خيارات احسن منهم
⭕️ افكس ل ادوارد مش ضامن ٩٠ دقيقة فيه غيره ضمنينها
⭕️ افكس ل جراي و اي عنصر من دفاع ايفرتون
⭕️ افكس ل جوتا ريسك الروتيشين هيبقي عالي الفترة الجاية + سعره تستفاد بيه ف لاعب تاني

⭕️ افكس لاعيبة يونايتد و تغير جدول بعد الجولة ٢٧ ( سيتي - توتنهام - ليفربول - ليستر ) + اتليتكو ف دوري الابطال
⭕️ افكس ريجيليون و ايمرسون ، لو لازم من دفاع توتنهام ف روميرو افضل
⭕️ افكس انطونيو خد فرص كتير و لكن واضح انه ١٠٠٪ بعيد عن الفورمة

🔳 نخش علي الجولة ٣٠ :-
⁃مبدائياً حتي اللحظة ديه ممكن نقول ان غالباً ٤ مباريات بس اللي ممكن تتلعب ف جولة ٣٠ و طبعاً مستنيين نتائج الكاس.
⁃بمعني اخر بلانك ال٣٠ هيكون معروف قبل ديدلاين الجولة ٢٨ .
⁃شكل الجولة ٣٣ هيكون وضح اكتر قبل ديدلاين ال٢٨ برده

📌 أولاً لو معاك ٢ فري هيت و وايلدكارد (تستخدمها في الجولة ٢٨):-
🔷لو عرفت تجمع اهم اللاعيبة ف بلانك ال٣٠ ، مش لازم تفعل اي خاصية ف الجولة ٣٠ (اهم لاعيبين دبل ٢٨ و ٢٩ عندهم مباريات في الجولة ٣٠)، و توفر واحدة للجولة ٣٣ و التانية محدش عارف الظروف😅

📌 ثانياً لو معاك ٢ فري هيت و وايلدكارد (تستخدمها في الجولة ٢٨) :-
🔷معكش لاعيبة كافية ف الجولة ٣٠ ف ممكن استخدام خاصية الفري هيت في الجولة ٣٠ عادي

📌 ثالثاً لو معاك ١ فري هيت و وايلدكارد (تستخدمها ف ٢٨) :-
🔷 انصحك و انت بتعمل الوايلدكارد تركز ف بلانك ال٣٠ و متفعلش اي خاصية فيها و توفر الفري هيت للجولة ٣٣

📌 رابعاً لو معاك ١ فري هيت و وايلدكارد (هتفعلها ما بعد الجولة ٣٠):-
🔷لسه عندك الفرصة انك متفعلهاش برده و تستخدم تغيراتك المجانية و تجيب لاعيبة دبل ف نفس الوقت بتلعب في الجولة ٣٠ زي (ارسنال- فيلا - ليدز ) و تفعل الفري هيت في الجولة ٣٣

📌خامساً لو معاك ١ فري هيت و وايلدكارد (هتفعلها ما بعد الجولة ٣٠):-
🔷لو لقيت الفرقة مش مساعداك الفرقة ، ممكن تستخدم الفري هيت في الجولة ٣٠ و تفعل الوايلدكارد في الجولة ٣١ و تكون عامل ف حسابك الجولة ٣٣ اللي هيبقي باين نوعاً ما ساعتها

📌سادساً لو معاك ٢ فري هيت و معكش وايلدكارد:-
🔷 هتحاول بقدر الامكان تركز تغييراتك علي لاعيبة هتلعب دبل ف ٢٨ و ٢٩ و في نفس الوقت هتلعب ف بلانك ال٣٠ (ذكرنا الفرق ديه فوق 👆🏻)
، بعد ما تعدي الجولة ٣٠ تركز تغييراتك علي الجولة ٣٦ و الدبل بتاعها علشان لو معاك بينش بوست و عايز تفعله

📌سابعاً لو معكش اي فري هيت ، و معام وايلدكارد (تستخدمها في الجولة ٢٨)
🔷 ١٠٠٪ لازم يكون الوايلدكارد مركز علي لاعيبة بلانك ال٣٠ بالاضافة طبعاً للاعبين دبل ٢٨ و ٢٩

📌 ثامناً لو معكش اي فري هيت و معاك وايلدكارد (تستخدمها ما بعد الجولة ٣٠ )
🔷 هتحاول بقدر الامكان تركز تغييراتك علي لاعيبة هتلعب دبل ف ٢٨ و ٢٩ و في نفس الوقت هتلعب ف بلانك ال٣٠ (ذكرنا الفرق ديه فوق 👆🏻)

📌تاسعاً لو معاك ٢ فري هيت و معاك وايلدكارد (تستخدمها ما بعد الجولة ٣٠ ) :
🔷 تركز التغييرات علي لاعيبة دبل ٢٨ و ٢٩ ، تفعل اول فري هيت في الجولة ٣٠ . بعديها وايلدكارد ف ٣١ و تاني فري هيت في الجولة ٣٣

🔳 الجولة ٣٣ لسه ملامحها مش باينة ف مش هنقدر نحط ليها سيناريوهات زي الجولات اللي قبل كده ، الفكرة بس انها جولة هيبلانك فيها الفرق اللي هتوصل نصف نهائي ماس الاتحاد و هيبقي فيه دبل كمان لفرق تانية ، ممكن يبقي ليها ثريد لوحده لما الدنيا تبان اكتر بعد الجولة ٢٨🙌🏻

📌 و بكده نكون خلصتا الثريد بتاعنا و عارف اني طولت عليكوا بس هو ثريد مهم جداً و يارب تكون استفدتوا🙌🏻
📌 لو حد عنده فكره لأي ثريد مستقبلي يكتب تحت 👇🏻
📌و طبعاً لو عجبك الثريد متنساش تعمل لايك و ريتويت ، علشان احاول ارجع اكبر عدد من المتابعين القدام❤️

📌 و طبعاً متنساش تشترك في القناة علشان نوصل ل ١،٠٠٠ مشترك ف اقرب وقت🥰
لينك القناة :
youtube.com

youtube.com/channel/UC7AFq…

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد