بنزيما خارق فنياً ، كونتروله ، حفاظه على الكرة ، تحكمه بالمساحات الضيقة ، و رؤيته الواسعة و ذكاءه ، ميزته الأساسية إنه لاعب كرة قدم بمعناها الحقيقي ، دوره الأساسي بالملعب هو استناد فريقه عليه بأمان ، يعني باختصار بينقل الريال من ثلث لثلث مع الحفاظ على الكرة و تأمين الاستحواذ.

كين أقل تقنياً من بنزيما ، بالمقابل متوجه لشيء أساسي ، غرضه الأول بالملعب إنه يلعب للأعلى ، بيستغل المساحات أحسن من بنزيما ، لما يستلم الكرة بياخد خطوطين لتحت لحتى يدور بسرعة بدون مضايقة و أول أهدافه إنه يكشف الملعب و يسكر خط دفاع الخصم.

باختصار كين فهمان وظيفته أكتر ، بيعمل دوره التخصصي بجودة عالية ، أما بنزيما عبارة عن كتلة جودة متحركة بدون هدف حقيقي ، هو لاعب بينثر جودته بس ، و هاد اللي فارق بينهم بالفاعلية.

بنزيما بيتفوق أكتر بكتير ضد خصم مضيّق المساحات و خانق فريقه ، جودته بتسمحله يستلم الكرة تحت الضغط و بأي حالة و يحافظ عليها و يخترع حلول ، كين ما بيخترع ، جودته أقل ، محتاج وضعيات مريحة أكتر من بنزيما.